اللي مجربة اللومينير ياليت تدخل

[حزن الهدير]

السـلام عليكم

حبيباتي انا إن شاء الله ناوية أسوي لومينير لأسناني
بس ما ادري خايفة خصوصاً أنا بدفع 2000 دينار على هالشغلة << راحت المعاشات وربي
فحابة أسأل لأني بجد خايفة من هالسالفة يعني ممكن تطلع مو شئ وبعدين كنك يا بوزيد ما غزيت

فاللي عندها خبره عن اللومينير لا تبخل علي
وياليت اللي مجربته تبلغني عن تجربتها كبروا أسنانها صار شكلهم حلو والا :eh_s(2): تخرع

لأن أنا أسناني زينين مو قبيحين بس تدرون العشق الأبدي:eh_s(22): للقهوة مودي أسناني بستين داهية

وبعدين تبون الصدق مرة الدكتور وراني نماذج للأسنان << بياخذ عقلها بحلاوه
فصراحة شكلهم وهم بيض يونننننننننننننننننننننننننننننننننننس :eh_s(22)::eh_s(9):

فياليت تفيدوني بالموضوع​

 

[krkooora]

روحي عياده اسنان
عند الدكتور بورزق
مسوي اسنان اغلب مذيعات الكويت و الفنانين
حصه اللوغاني
غاده رزوقي
حسن البلام
و واااااايد شغله تمااااااام التمااااااام فنان هالدكتور

 

[حزن الهدير]

8
8

بجم اللومينير عنده
لأن بصراحة كأني متحسفة عالـ 2000 يروحون بغمضة عينو يمكن ما يعجبني
لأن الدكتور قعد يقوللي تأكدي وارجعيلي لأن شكلج بيتغير

ويعطيج العافية حبيبتي

 

[krkooora]

رفيجتي مسويه ابـ 2500 دينار

 

[حزن الهدير]

كركورة حبيبتي تسلمين يا قلبي عالافادة

وانطر باقي البنات يمكن عندهم احد احسن
والله ييسر الأمور

 

[حزن الهدير]

شـدعوة بنات محد مسوي لومينير بالمنتدى !!

يا ليت بس تفيدوني مابي اكثر
وانا عارفة ما تقصرون

 

[lolwah]

اول مره اسمع فيه ؟

 

[درب السنع]

شنو اهوا ؟؟

يبردون الضرس ولا ايحطون عليه طبقه التبيض ؟؟ ​

 

[ميموووورااا]

ماعندي اي معلومة عنه

 

[حزن الهدير]

درب السنع

هم يحطون قشرة سيراميك اظن نفس عدسات العين بس للاسنان

ميمورا شكرا على الرفع يا قلبي

 

[سـديم]

انا خارطي اسوي نفسك بس سمعت مافيه دكتور شاطر فيها غير دكتور مجد الي بدبي وطلع على ام بي سي..

انتي عند اي دكتور وكم سن بتسوين؟؟ انا قاعده حاليا اجمع مبلغ عشان اسوي بس ادور دكتور ثقه يخاف الله مو همه الفلوس وبس.

 

[حزن الهدير]

عند الدكتور خالد بعيادة الحكمة
بس ما ادري لانه التزاماتي شكثرهم وبقط 2000 مو شوية صراحة فأبي احد يفيدني

 

[Toulin RTN]

اتوقع هالسعر مو حق كل الناس
يعني حسب الاسنان
انا قالي 2800

 

[كتكوته غنوجه]

؟؟؟؟؟؟؟؟؟؟؟؟؟؟؟؟

 

[Reem_q8]

انا مجربته سمايل جلام عند د مجد ناجي بدبي بسسس تراا حيل يضايق سويته ب 3070 الاسنان عددهم عشره *

 

[lolwah]

انا مجربته سمايل جلام عند د مجد ناجي بدبي بسسس تراا حيل يضايق سويته ب 3070 الاسنان عددهم عشره *

حبيبتي شكثر صارلج مسويتهم ؟ و لييش يضايق ؟ و ركبووه لج بعد شهر عدل ؟

 

[Reem_q8]

صار لي شهرين تقريبا لا الموعد الثاني بعد اسبوعين مو شهر ويضايق لان تحسين ان اسنانج مو طبيعيه وخاصه لما تاكلين تحسين بضغط ع اسنانج لان هو مثل القشره ملزقها ع اسنانج بس مو مثل العدسه لا اعرض لان صار عندي بروز بالاسنان وعرض اسناني مع ان اسناني كانت صغيره وما فيها شي بس كان اللي مضايقني اللون وبسسس

 

[امراة من زمن الحب]

طيب اهم شي يبردون الاسنان والا لا
لان البرد حرام

 

[ماريمار الكويت]

قمر هوزان اللومينيز مافيهم برد اسنان كلش
بنات انزين انا سالت عيادة تيجان قالولي 400 دينار الضرس الواحد​

الحين الدكتور يختار جم ضرس تحتاجين ولا انتي تقررين​

 

[حزن الهدير]

8
8
تيجان يقولون انها تجارية
يعني افضل لا تروحين هناك والدكتور يقترح عليج العدد وانتي بكيفج
اللومينير ما فيه برد

ويعطيكم العافية حبيباتي