اللي مرت باللي امر فيه وش التصرف الصحيح ياللا ابي تفاعل الحكيمات

[انثى راقية]

اهلين
زوجي كان كريم ويعطي بالهبل بس زعلت ببيت اهلي 3 شهور وامه جباره
ومن بعد مارجعت حسيت فيه فتور وبس نتهاوش والمصيبة الكبرى مايصرف على البيت
ولا يجيب اغراض مدة شهرين يالله يجيب كم شغله وكل ماطلبه فلوس يقولي
عندي ديون والتزامت بسدد وهو يكذب الفلوس تلعب بيده لعب وين يحطها ماعرف
والمصيبه راتبه عالي وفوقها يشتغل تجاره ويكسب

وش اسوي معاه كيف ارجعه مثل اول حتى اغراض البيت مايجيبها اتفشل من جاراتي الناس اللي يجوني
واللي عندها طريقه وحل كيف اجهز اشياء للزنقات يعني لو بيجيني ضيوف فجاة..!!
وحده تقولي اشتري شوكولاته وكراتين عصير اللي تطول وخبيها اذا جاك ظيوف طلعيها وش رايكم...
حسبي الله على من كان السبب ومغير زوجي علي​

 

[ريماس77]

اول شي شدني توقيعج عسى الله يرزقج بالضنا وتفرحين وتطلع النتيجه ايجابيه ياربي ياكريم
ثانيا ((صبري عليه يمكن فتره ويرد نفس ماكان الريال دايما متقلب مزاجه مره ومره

 

[نشيج الروح]

ما في شي ببالي حاليا بس هو ما يشتري الأشياء الأساسية للبيت ؟؟؟
إذا تبين كماليات فما ظاعتقد أنه ملزوم يصرف على ضيوفج.....
وضحي لنا أكثر حبوبة
وربي يهديه

 

[فنكيه]

كثر الدق يفج للحام حني على راسه

 

[قلبي ابيض]

ان شا الله يرجع مثل اول << والكريم ما يخلي طبع الكرم

بس انتي خلج بالمعقول

 

[Gourges]

قعدي معاه وفهميه قوليله ان هلشي يضايقج وان قام يحطج بمواقف محرجه وقولي ان مره يتني فلانه وماالقيت اقدم لها شي ماعندي اغراض انقدت علي عند الناس

ليش صرت جذي تغيرت على بيتك ...
خليه يحس بتانيب الضمير بس لاتتهاوشين معاه وتبعدين المسافات بينكم

والله يرزقج يارب الضنا الصالح عاجلا غير اجلا يارب العالمين ...​

 

[ScarletteO'Hara]

اكيد يبي يعاقبج لانج هديتي البيت ثلاث شهور
كلميه شوفي شنو الي مغيرة عليج
و الله يسهل عليكم

 

[انثى راقية]

امين الله يعكم العافية
لا وربي يشهد اقصد اغراض البيت الاساسية..!!!!!!!
كل كلمة والثانية ديون... والبيت ملك وهدية من ابوه
ومافيه صرفيات بس ماادري وش اقول​

 

[سعوودية]

الله يفرج همك
اكثري من الاستغفار ادعي ربك واقري سوره البقره كل يوم لمده اسبوع بدون ماتقطيعينها
قرائه متواصله
الشي الثانى ياقلبي معليه تحمليه يمكن فتره وتعدى لان
مو طبعه البخل انتى قلتى كريم
تقربي منه اكثر واكثر كونى ودود حبيبه لبيبه.
يمكن مغيره شي يمكن حاس انك طمعانه فيه الله اعلم
هو شلون يفكرماتدرين بس انتى كونى ذكيه واحتويه
لاتكثرين شكوى له ممكن تقولين له لو عندك اديون انا اتحمل معاك واصبر
لين ربي يفرجها انت زوجى وحببي بس لازم نجيب الاشياء الاساسيه اكل وزاد البيت
فهميه انك مراح تشترين الا الظرورى وانك راح تقتصدين
حاولى تخلينه يحس انك حريصه عليه.
بمعنى دامه يقول انا مديون وعندى ديون تصرفي بحكمه قدامه
قللي الاضائه قللى من الكهرب
لو قال ليه قولى احاول اساعدك بالى اقدر عليه. انا زوجتك اللى اقدرك واحرص عليك
مع الوقت الرجال بيشوف انك متحمله ويرجع لطبعه
وبحول الله يرجع لك احسن من اول بس انتى احتويه ولا تختلقين المشاكل استوعبيه
اصبري وباذن الله تفرج واكثري من الدعاءً
الله يوفقك ويوفقنا

 

[ريمي اميري]

رد : رد: اللي مرت باللي امر فيه وش التصرف الصحيح ياللا ابي تفاعل الحكيمات

انا مع الاخت سعوديه بكلامهاااا
الله يسخر لك زوجك ويسخرك له ويصلح بينكم وكل البنااااات ,,
نصيحتي صااارحيه بدون هوااااش بالين اختاري الوقت المناسب
فيه اشياء تنحفظ ولا تخرب باليت للزنقااات على مايقولون مثلا مكسراااااات بانواعها / تمر بانواعه / تانج / فيمتووو / وبسسس
اذا قصدك على الحلويات الي نسويها باليبت مع القهوه .. لا حبوووبه انتي اقري الحلا اولا شيبي بعدين جيبي الاشياء الي تحتاجينهااا
,,,, وحبيت اقولك شيء لا تضنين بامه وتضلمينهاااا يمكن هو بعده شايل بقلبه عليك وامه مالها دخل .... صفي نيتك معهم وخليك احسسسن
عشان الله يرضى عنك وانسي الي فاااات وسامحيهم عشان يسامحونك ,, موفقه

 

[brettey]

رد: رد : رد: اللي مرت باللي امر فيه وش التصرف الصحيح ياللا ابي تفاعل الحكيمات

الله يسخره لج يارب ويهديه
تناقشي معاه بكل هدوء و صلاه الليل والدعاء والاستغفار والصلاه على النبي وسوره البقره وادعيه تسخير الزوج بغوغل وباذن واحد احد بتشوفين نتيجه ايجابيه
الله يوفقج يارب

 

[حجيه هيونه]

رد: رد : رد: اللي مرت باللي امر فيه وش التصرف الصحيح ياللا ابي تفاعل الحكيمات

الله يهديه ويسخره لج

شكله شايل بقلبه عليج اكيد مع الوقت بيرد نفس قبل وانتي ساحليه وحسسيه انه مالج حياة من غيره

 

[المستغفرة 74]

رد: رد : رد: اللي مرت باللي امر فيه وش التصرف الصحيح ياللا ابي تفاعل الحكيمات

اولا الله يرزقج بالذرية الصالحة
ثانيا عليج بالاستغفار راح يغير من حال لي حال ويرزقج بالاولاد وبمال من حيث لا تحسبين ويهديلج زوجج
وبعدين كل شيء بالهداوة والسياسة ينحل
حاولي تفهمينة وتروحين معاه للجمعية بين فترة والثانية وشوي شوي راح يتعود

 

[UNICORNA]

ان شا الله يرجع مثل اول << والكريم ما يخلي طبع الكرم

بس انتي خلج بالمعقول

فديت الكلام السنع :rerrerek:

 

[lovely jojo]

رد: رد : رد: اللي مرت باللي امر فيه وش التصرف الصحيح ياللا ابي تفاعل الحكيمات

عسى الله يهديه لج

 

[ام شووووق]

رد : اللي مرت باللي امر فيه وش التصرف الصحيح ياللا ابي تفاعل الحكيمات

الله يهديه يارب

 

[ميار2010]

الله يهديه

 

[ام بس بس 2010]

رد : اللي مرت باللي امر فيه وش التصرف الصحيح ياللا ابي تفاعل الحكيمات

اولا :
انشالله تلقح بيوضاتج وتحملين
ثانيا : اسمح لي اكون صريحه معاج بالرد
اللحينانتى قاطه الريال 3 شهور ماتدرين نام قعد طلع اى قلنا زعلانه 3 شهور شدعوه وحبيبتي حتى لو ردج تلقينه رادج عشان العشره والعيال اقول حمدي ربج وهذا عقاب منه لج وقضبي ريلج وتحمدي ربج لو واحد ثاني جان خذه عليج وحده ثانيه وانتى على كلامج مرتاح ماديا ... راضي ريلج اخذيه بسلوب حلو لا تهاوشين وتصارخين وتعاندين والفلوس وصخ دنيا وربي يهدي لج


وسامحنى على صراحتي حبوبه واتمنى تقبلين رايي برحابه صدر

 

[*ريما*]

ان شاء الله يرجع نفس اول
ويارب تحملين هالشهر يارب