اللي مرت بمشكله العنوسه جان زين تحط خبرتها

[بنت الاصل]

السلام عليكم :
والله يا بنات محتاره عندي اختي وايد حلوه وجامعيه بس ما ادري ليش ما جا نصيبها لما الحين مع انه وايد ناس يجونها بس ما تصير السالفه وانا وايد محتاره وصار يقلقني هالموضوع وهي بروحها ببيت اهلي وامي مره عوده يعني تتصورون فيها شي ولاانا بس خايفه افكر اذا صار شي حق الوالده لا سمح الله وين تروح :eh_s(2)::eh_s(2):
اللي عندها خبره بالهالموضوع ولا مرت بنفس المشكله جان زين تحط خبرتها خل نستفيد
صج لي قالو هم يضحك :eh_s(9):وهم يبكي:eh_s(11)::eh_s(11):

 

[Tom ♥ Jerry]

,


توها مخلصه جآمعه و تقولين عنها عانس :| !
صدمتيني صراحه ..

عيل الي آعمارهم فوق الـ 40 و مآ ييه نصيبهم هذول شنو يقولون ..!!!
توها الطريج جدآمهآ خل تستانس بوظيفتها و وقتهآ
و لاحقه على الريل و الزوآج ..

الله يرزقج الجميع الزوج الصآلح يارب !

 

[مفسرة الاحلام]

لا لا مو من جدك تقولين لي مخلصه جامعه ولا تزوجت صارت مصيبه الحين عندك!!

عادي سن الزواج تاخر الحين ومسمى عنوسه مايطلق على البنات الى بالعشرينيات

اول قبل 20 سنه كان سن الزواج بعد ماتخلص البنت ثانويه او وهي فى الجامعه

وقبل 10 سنوات صارو البنات مايتزوجون الا بعد الجامعه

والحين وفى هالوقت صار عمر الزواج الطبيعي 24 و25 فعادي اختك مافيها مشكله واذا الله كاتب لها زواج بتتزوج سؤا شلتي همها ولا ماشلتيه

 

[غداً القاك]

^
قالت جامعيه مو تو مخلصه جامعه يعني البنت متعلمه ومو ناقصها شي
ياقلبي ثقي ان الله عز وجل ارحم فيها منك وكل تأخيره فيها خيره
والزواج ماتدرين متى يجي وبأي وقت يمكن بكره تنخطب وتتزوج وتروح بنصيبها بس ادعي الله لها ولاتحاتين كثير

 

[((البرنسيسا))]

,


توها مخلصه جآمعه و تقولين عنها عانس :| !
صدمتيني صراحه ..

عيل الي آعمارهم فوق الـ 40 و مآ ييه نصيبهم هذول شنو يقولون ..!!!
توها الطريج جدآمهآ خل تستانس بوظيفتها و وقتهآ
و لاحقه على الريل و الزوآج ..

الله يرزقج الجميع الزوج الصآلح يارب !

:rerrerek::rerrerek::rerrerek:

 

[نور مغليها]

كل إنسان معاه نصيبه ..
بس في شغلات تعيق الزوآج مثل العين أو الحسد ..
خل تقرأ قرأن وإن شاء الله رربي يعجل بنصيبهآ ..

بس كلمة عآنس حيل مبجر عليهآ .
توهآ صغيرآ

 

[++MesK++]

كليتوها بقشورها ! البنت قالت اختي جامعيه ،،/ مو توها مخلصه جامعه


و بعدين اللي تقول سن الزواج ٢٥ !! كلش مو منطق


البنت تقارن نفسها بصديقاتها و اللي حوالينها وايد بنات تزوجو و عندهم عيال



أكيد تفكر اشناقصني؟؟



عموماً حبيبتي صاحبة الموضوع كل شي نصيب



و كل تأخيره فيها خيره


يمكن اختج مو اجتماعيه


لازم تروح توجب و تروح العروس و الاستقبالات عشان الناس تشوفها و تعرفها

 

[قلبي وينك]

ما ادري شو اقولج بس كل شئ قسمه ونصيب

 

[توتي فروتـي]

ماله دخل ان كانت اجتماعية او انطوائية ..

اذا الله كاتب الشي بيصير ..

لا تقلقين حبوبة
عسى الله يرزقنا واياكم الزوج الصالح

 

[بنت العقربيه]

مومشكلة اذا توها مخلصة جامعه ومحد جاها اللحين تطلع تتوظف وان شاءالله تلاقي نصيبها
والله يوفقها بس انتي ماقلتي عمرها بالتحديد

 

[دلوعة أبوهآ]

بيجيها نصيبها ..

 

[عادت ذكرياتي]

الله يرزقها عاجلا غير آجل

 

[LoLaTi]

اذا تحاتين اختج وين تروح من بعد امج ( بعد عمر طويل انشالله )
خليها عندج انتي ضفيها في بيتج اختج هذي وفرضا اختج ماتزوجت في بيت امج عادي مومشكله تتزوج في بيتج انشالله

 

[نونو العصله]

اختج جامعيه وباجر توظف
لها نصيب رب العالمين

 

[يالله الجنه]

اللــــــــــــــــــــــــــــــــه يرزقها ويرزق بنات المسلمين

 

[ترنيمة سكون]

الله يرزقها ويرزقني

شقولج جامعيه وجميله على اساس احلى وحده بخواتي وانا اللي ماتزوجت


ونفس الحال لوحدي مع ابوي بالبيت


الله يفرجها علي وعليها امين عاجلا عاجلا عاجلا



.
.

 

[منو انت]

لاتفكرين ولا تحاتين مافي شي مضمون وكل شي بيد ربج لاتقولين امي مره كبيره يمكن امج اطول من عمرج انتي واختج


وان شاءالله ربي يرزقها الزوج الصالح وتفرحون فيها انتي وامج



ولا تعتقدين لو تزوجت الحين بالفتره هذي يعني بس ملكت الكون وضمنت مسستقبلها اهم شي ادعي لها بالزوج الصالح اللي يستحقها وتكمل معاه حياتها

وربج كريم تتسكر من باب وينفتح مليون باب ان شاءالله

 

[دلوعة صلوح]

الله يرزقها يارب العالمين ويفرح قلب امج فيها عاجلا غير اجلا يارب العالمين.

 

[إماراتية طر]

يارب يرزقها بالزوج الصالح التقي النقي ويرزق جميع بنات المسلمين

 

[الاسكريم]

علمتني الحياة
انه لالالاتوجد امراءة عانس
ولكن نصيبها يتاخر ان شاء الله