اللي مرت بنفس حالتي تطمني الله يطمن قلبها

[reemaa-kw]

​

بنات انا اراجع عند طيبه كلينيك د. منى موسى وموعد ولادتي 23/ 9 بس دكتورتي قالت البيبي على المقعده وانا الحين بالتاسع وبكريه المفروض يكون راسه لتحت من الثامن وقالت ضروري قيصريه لان الماي بدت تقل ورحت سويت سونار عند سكينه فرمن ونفس الشي
وبعدين رحت لطوارئ العدان وقالي فيه مجال ننتظر اسبوع يمكن يلف واذا مالف قيصريه
فيدوني الله يجزاكم خير
محتاره انطر او لأ
انا خايفه على البيبي وخصوصا اني بالثلاثينات وماصدقت اني احمل

​

 

[مو عايشة بالدنيا]

بيبتي اتوقع كلام الدكاترة صح


تدرين شنو المشكلة ان الماي قاعد يقل


انا اعرف وحدة ولاداتها كله مقعدية
بس تطلع روحها
بس الحين كذا مرة اسمع الدكاترة اذا شافوا البيبي وضعيته مقعدية يولدون قيصري

ادعي ربج وماراح يقصر معاح ان شالله


والله يهون علييييييييييييييييج يارب

 

[ام كوشه منكووشه]

رد : رد: اللي مرت بنفس حالتي تطمني الله يطمن قلبها

الله يسرها عليج انشالله وتوالدين بالسلامه
حبوبه في وحده من الخوات توا ذاكره ان وضع امها نفس سالفتج الياهل مفتر واكثر من وحده انصحتها انها تروح حق الدكتوره سلوي الرفاعي لانها تعرف تفر الياهل وتعدل وضعه.. وان شاء الله البنات يفيدونج اكثر ياقلبي

 

[reemaa-kw]

رد : اللي مرت بنفس حالتي تطمني الله يطمن قلبها

مشكورين على الرد والدعوه الحلوه

​

 

[آهات الليل]

رد : اللي مرت بنفس حالتي تطمني الله يطمن قلبها

الله يهون عليج ياعمري كثري سجود واحبي كل يوم نفس اليهال مره الصبح ومره بليل بس طولي وانتي تحبين وادعي ربج تولدين طبيعي وامشي على تراب البحر
واذا لاسمح الله قالوا قيصريهتاكدي هالشي لمصلحتج انتي والبيبي لان الماي قعد يقل موزين

 

[mulberry1]

رد : اللي مرت بنفس حالتي تطمني الله يطمن قلبها

انا امي صار فيها جذي ببجرها و ولدوها قيصري و كانت توها داخله التاسع صارلها ٤ ايام ، شوفي الدكتورة شتقولج و توكلي على الله و ادعي . الله يسهل عليج

 

[miss-winter]

ان شاءاللهيارب يقلب نفس كلام دكتورتي لي والله على كلام خالتي تقول اول في دكاتره شاطرين يلفون البيبي الحين كله قيصريه حتى انا قالت لي الدكتوره راسه فوق وربي يستر علي وربي يسهل ولادتج يارب

 

[كتكوته ورديه]

سوفي اذا قاعد الالزم عمليه

 

[وتلومني فيك يوم اغليك]

احبي مثل الطفل وطولي وانتي تحبين ..علشان ينزل راسه .. والله يسههل ليج ​

 

[الأميرة جوري]

احبي وكثري السجود .....واذكر في دكاتره يفرون راس الياهل وقت الولاده

 

[:: Diva ::]

سهالات ان شالله
لا تحاتين بس انتي لا تروحين طيبه
يلوع الجبد



ما اثق فيهم

 

[!الجادل الصعب!]

رد : اللي مرت بنفس حالتي تطمني الله يطمن قلبها

والله اذا اتفقوا دكتورتين لهم اسمهم عالقيصيريه توكلي على ربج وسويها ..

لا يولدونج طبيعي غصب واسم الله عليه يصير خلع او شي..

عسى الله يهون عليج ..

 

[_ظل الياسمين _]

ربى يسهل امرك ويهون عليج.

 

[_Pure_]

الوضع المقعدي مو ضروري قيصريه
بس لازم الدكتور عنده خبره يولدج طبيعي بكل سهوله

اعرف الدكتوره سلوى الرفاعي تولد طبيعي بالوضع المقعدي
و اعتقد خالدة المجيبل بعد

 

[دآنة آلرشآيده]

اختي نفسج لما كانت حامل بنتها البجر
بس سولها عمليه لانه مو راضيه تفر قاعده
انصحج بقيصريه لسلامتج وسلامه البيبي

 

[A7bny =)]

والله لو انه منج اسمع كلام الدكتورة واسوي قيصرية ولا اجازف وبعدين القيصرية سهالات مو نفس قبل

 

[مشاوي]

انا الحين نفس حاالتج بالضبط كلللهم قالو قيصريه

الا محسن طلبه بالسلام قالي باجر باذن الله تعالي الصبح افر الياهل

اماااااانه بنات ادعولي الله يوفقكم

 

[روح الزهر_1]

رد : اللي مرت بنفس حالتي تطمني الله يطمن قلبها

الله يسهل عليكم وتوفقون بدكاتره شطار يقدرون يفرون البيبي

الدعاء الدعاء يابنات ربكم قادر على كل شي

 

[كوكاكولا]

الله يهون عليج يارب .........

انا قال لى دكتور ان وضعية السجود تساعد على ان البيبي ينزل راسة لى تحت ..........

 

[الجفول&]

رد : رد: اللي مرت بنفس حالتي تطمني الله يطمن قلبها

مرت اخوي صارلها نفسج وحبت مثل الجاهل بس كانت تطول وهي تحبي لين الحمدلله لف الجاهل..
وفي دكاتره يلفون الجاهل بس موعارفه منو بالضبط