اللي مركبة اسنان سيراميك تدخل 000ضروري

[همس المسا]

مرحبا كويتيات 000 اسمحولي ادخل بالموضوع على طول لان حالتي ماتسمح اطول 000 لان وجهي كله متورم واسناني ذابحتني انا بادية علاج يوم الخميس اللي طاف عند عيادة الدكتور برنارد مفيد سعيد في مستشفى رويال حياة كنت رايحتلة ابي بيرفكت سمايل نفس اسنان مثلا حصة اللوغاني ابيها صفة وحده وبيضة كلها وانا مشكلتي بالانياب اللي فوق كان واحد طالع برة ومرتفع شوي والثاني داخل حيل اما تحت فشكلها عادي بس الانياب طويلة شوي وانا قلتله مابي تقويم وابي حل سريع قالي عشان تحصلين على البيرفكت سمايل اسويلك العشرة اللي فوق والعشرة اللي تحت تلبيس سيراميك ولما قلتلة عن الفنيرز قالي التلبيس احسن ويدوملك على طول المهم موتلي 6 اعصاب فوق وحك اسناني كلها العشرين وسنع اللثة اللي فوق ساواها لان الناب اللي طالع كان مرتفع شوي ولبسلي المؤقت امس خلصت الشغل كله وخذا القياسات وبعد 8 الى 10 ايام توصل الاسنان الدائمة من المختبر ويركبها وكل هذا سعره >>>>>>>>>>>> خمسة آلاف و750 دينار شرايكم ؟؟؟ هل سعرة زين احس اني استعجلت حيل وتمنيت لو اني تركدت شوي و سألت عن أسعار العيادات الثانية 000 ياليت اللي مارة بنفس التجربة تقولي اذا كان السعر زين والا قاص على عشان ارتاح شوي 00

 

[قطوه شريره]

الله يعينج حبيبتي انا مالي اي فكره بس ماحبيت ماارد عليج المعروف انه الاسنان غالي وخاصتا التركيب
ولو رايحه سوريا ولا ايران ارخصلج
انا ارفيجتي سوة اسنانها سراميلك للفجات بين اسنانها وحشوات وتبيض كله 250 دينار
اتمنى اني اكون افدتج

 

[كنوشة 2009]

انا ركبت اربع اسنان سيراميك بـ400 دينار في عيادة الحكمة

 

[~ ـشتاتـ ~]

تصدقين اختي والله كنت بحط موضوع مثلج بالضبط

انا عالجت بعيادة بيرفكت دنتل كير .. وطبعا رحت هناك كنت حاطه فبالي

تقويم اسنان .. بس قالي ما يصير لازم تجميل .. اوكي رحت عند دكتور التجميل

قالي انه بيركب لي سيراميك اول 8 اللي فوق .. وتنظيف اللي تحت .. المهم قال

الـ 8 اللي فوق بـ 800 دينار يعني حسب السن بـ 100 هو 130 بس سوى لي خصم ..

ومع تنظيف التسوس " حق الاسنان اللي تحت عندي تسوس " يعني الاسنان اللي فوق واللي تحت راح يكلفني 1000 " الله لا يخسر "

بس والله ماراح اقولج عن المعامله لااااااانها رررررروعه .. روحي هناك استشاره باي وقت وشوفي

..

وان شاء الله خير .. واي شي ثاني انا حاضره ..

 

[ملح بدويه]

انا سويت الاربع اللي جدام ب 800 بعد الخصم

 

[ملح بدويه]

سويتهم بعياده الميدان

 

[قطوة@@]

انا بسوي الاربع اللي جدام ب الف و 100 مع التبيض و التنظيف و فينير و تلبيس بعيداه اسنان


و معروف الاسنان وااايد غالي

 

[شمس 20]

التلبيس غالي معرررررررررررررروف بس ليش برد كلهم فقوق حرام علاقل جان زينتيهم بحشوه السيراميك

 

[أنوار5]

وااي أحس غالي!!!!
ليش برد الأسنان كلها؟؟ جان عدل بس الأنياب

بعض العيادات الخاصه بس همهم الفلوس

 

[AnGel GirL]

مابي اضيق خلقج بس غلطتي لمن سويتي تلبيس وخليتيه يحك كل اسنانج ليش ماخليتيه يحك النابين وتشوفين اسنانج اذا ماعجبتج كملي علاج انا مو خبيره بالاسنان بس كنت احوس بالمواقع الاجنبيه عن الفينير وقريت انه احسن من السيراميك ومايأثر على شكل اسنانج الطبيعيه واغلب ممثلين هوليود مسوين فينير وانا ما احط بذمتي بس يمكن هالدكتور قالج السيراميك احسن لانه ماعنده فينير وهمه يتربح
اللي يسوون الفينير ينعدون عالاصابع بالكويت
انا سويت تلبيس لضرسين وتحسفت بعد ماعرفت تقنية الفينير
والسعر اللي سويتيه اعتقد زين بالنسبه لتجميل لثه وتلبيس 20 ضرس وأهم شي انج تحصلين على الابتسامه وصفت الاسنان اللي تبينها

 

[لوسيا ميندز]

قوه حبيبتي تدرين ان حصه اللوغاني امسويه اسنانها عند عيادة بيان الي بلكويت بس انا طرحت موضوع الاسنان السراميك عشان بشوف في عيادات احسن من عيادة بيان لاني بروح وانا متطمنه ........... بس لاتتحسفين مافي خساره بالاسنان اهي جمال البنت وصحتها اباسنانها .......:dddds:........مافي حسوفه انشالله يبا الفلوس رايحه رايحه اهم شي الشغل السنع:eh_s(6):

 

[همس المسا]

يعطيكم العافية بنات عالردود 000 انا الصراحه من زمان وانا امنيتي تكون اسناني بيرفكت مع ان اسناني زينه مافيها شي على قولة ابوي يقول انتى نجلاء فتحي لاتسوين فيها شي بس ماكنت مقتنعه كلش ابي ابتسامة هوليوود وان شاءالله عقب هالتعب والمصاريف احصلها .... واختي انجل جيرل الدكتور برنارد عنده تقنية الفنيرز بس قالي التلبيس احسن وهو مو خسران شي لان الفنيرز اعتقد تكلفته اكثر من التلبيس بعد ... واختي ليدي انا عارفة ان حصة اللوغاني مسويتهم عند بيان وانا كنت ناوية اروحلهم بس عقب ماشفت مقابلة الدكتور برنارد على قناة lbc ودخلت على موقعة وشفت الصور تحمست اني اروحلة 000 بس انا مستغربة من شغله ياليت تفيدوني فيها .. هل لازم انة يموتون العصب قبل التلبيس لان الدكتور موت العصب في الست اللي فوق الامامية والباقي قال ماله داعي ... والصراحة الحين صارلي اسبوع من سويت اسناني ولبست المؤقت وللحين اسناني وخاصة اللي تحت تلج على لازم اكل مسكن ... هالشي مؤقت لين اركب الدائم والا فيه شي غلط ؟؟؟؟

 

[fatma90]

السيراميك اهوا نفسه التلبيس؟؟؟؟؟؟؟؟؟؟

 

[همس المسا]

ايه حبيبتي التلبيس هو نفسة السراميك 000 بس السيراميك انواع واللي موجود عنده في العيادة من انقى انواع السيراميك ومايتغير لونه ابدا ووزنه خفيف جدا وراني عينة منه وهذا موقع العيادة وشوفي صور الحلات اللي عنده

http://www.boostmysmile.com/

 

[النويره]

بس بسالج هل التلبيس بعد فتره يبين فوق جنه خط اسوي ويطلع ريحه والا اللي عنده من النوع اللي ما يطلع خط اسودوريحه ياليت عقب ما تخلصين بالسلامه تقولنا لنا اشلون النتايج وياليت علي الخاص اخاف يطير موضوعج واقعد ادوره
وبالاخير اقولج تري دكتور برناد ممتاز وشغله يهبل انا اتابع مواقعه حتي مره حاطين سالي اللي بقناه الراي في رايكم مسوي لها اسنانها علي الهواء مباشره في قناه من القنوات واهي كانت تتكلم عن العياده بس تبين الصج هالدكتور سلخ يعني حطي الالاف وروحي له
جان نبيع سيارتنا ونروح نعدل ضروسنا ,,,, يبيله ههههه

 

[همس المسا]

والله على قولته انه مستحيل يصير اسود 000 ووحده من رفيقاتي مجربه التلبيس تقول مايصير اسود الا اذا كان مو مثبت عدل يعني مو داخل حيل باللثه فممكن يصير اسود

 

[قطوتي]

على هالتعب ان شاء الله تصير اسنانج حلووووووووووووووه

النويره حتى السيارة مانقدر نبيعها اقساط لووووووووووووووووووووووووووووول

 

[غلاي غير]

شجعتيني اسوي

 

[همس المسا]

ابشركم يابنات خلصت اسناني وركبت الدائم امس 000 الصراحة عجيييييييييييييييييييبه صدق بيرفكت سمايل 00 والا البياض شي الصراحة على قولة الدكتور " عم تضوي ضوي " يقول هلق فيك تعملي دعاية سيجنال :eh_s(6):
بس في شغله لي متى يقعد العوار احسها تلج علي يقول هو بس اول الايام بعدين يروح 000 اللي مجربة ياليت تفيدني ؟؟

 

[قطوة@@]

ماشاء الله عليج الله يهنيج