اللي مستغنية عن الخدامة و متحكمة بشغلها برة البيت و داخله اتدش

[سوسو حبيبتى]

بنات سالتكم ومارديتوا علي

كيف بتعطروا اولادكم وبناتكم واى نوع شامبو بتحبوا تستخدموه وعطر ؟؟

 

[سوسو حبيبتى]

ملزلزة لووول انا خووش حمااه وانتي خووش صاحبه لي بنتفق انا وياكي وبنطلع احفادنا نلعب معاهم هههههه

بيني وبينك انا الى بلعب ههههه وعامله سوسو الحجه بتاعتي

شوفى على سالفه الخدم اعرف مراه كبيره دايما تقول عنهم

واذا اكرمت اللئيم تمردا

للاسف مهما هاتكرميهم هايتمردوا ونادرا ماتلاقي واحدة تفهم انك بتعملي فيها الخير

شوفي الفلبينيه يوم ماتغلطي وتقولى لها سوري كأنك شتمتيها مايحسون بالذنب نفسنا لانهم ما اتربوا على العادات دي

شوفي الاجانب كتير حساسين ..مره صاحبتي اجنبيه قلتها لها ايش بتساوي لقيتها زعلت ؟؟؟

بقول لها ليه زعلتي ..قال لى انا مش طفله عشان تحرجيني وتساليني قدام الناس انتى بتعملي ايه ؟؟ تخيلي ؟؟

يعني صج صج ربنا خلقنا مختلفين وكل شعب ليه عاداته وتقاليدة المختلفه

ولو على سالفه الاكل والستار باكس ..انا كنت اخدها معايا تختار قبلي الوجبه الى تبيها

وتقعد بالمطعم كاانها ضيفه معزومه ههههههههه مسخره بجد

بس انا طبعي انا ورييلي مانقدر نحقر انسان ونعامله على انه اقل

حتي بمصر كنا ناخد الشوفير مع اهلي ونخليه ياكل معانا

 

[Melazlaza]

سوسو
انا توني مسبحته
شاور جيل سيباميد ناعم حيل عالاطفال
وشامبو بيبي جونسون او هملايا للاطفال
بعده ادهنه بكريم سيباميد
واحطله دهن عود للاطفال ريحته رووووووعه
وملابسه احطلهم داوني الازرق ريحته واضحة لدرجة كل مرة يسألوني شنو عطر ولدج
وبس

 

[Melazlaza]

ههههههه سوسو تخيلي بنظاراتنا ونلعب مع احفادنا عن نفسي بلعب لآخر لحظة بحياتي ماحب اقعد واحط ريل على ريل احب اتحرك
وصح كلامج احنا شعوووب تعودنا عالاحساس
اما العمالة الوافدة اغلبهم متعودين عالذل والمهانة
الاحظ بالمطاعم اذا كان المدير عصبي يكونون جدا محترمين ويمشون عالعجين مايلخبطهوش<<<<ان شالله قلتها صح


واذا كان المدير حليو وحبوب تلاقينهم نفسية وباردين ويخسرون المكان الي يشتغلون فيه

اتوقع باعتقادهم حسن المعاملة ضعف من رب العمل

وللاسف ماقدر اصير شديدة او صارمة انا هذي طبيعتي فليش اعور راسي اخذها من آصرها وفكة من الخدم
على فكرة ولدي يسميها هدامة ههههههههههههه بالفعل تهتدم البيت على راعيته

 

[توتاتوتا]

صباح الخير ياحلو موضوعنا

أنا وصلت والى الأن مافضيت الشناط وبكرة مدارس

مرحبا بالمنظمات لنا

الماسه << ان شاء الله مب غلطانه بالاسم

عطينا نظامش انا اشتغل بس بدون نظام

و سلام وبوسة للكل أشتقت لكم

 

[بقلبي انت]

بنات صج والله يكسرون خاطري الجهال لراحوا الحديقه او الالعاب يلعبون والخدامه تلعب معاهم والام لاهيه مع الابو او تتسوق او تلعب بتلفونها والله شوف
عيني يكسرون خاطري بس انا الحمدلله العب معاهم بس مو نطاطيه ياسوسو انتي مخربتها عالاخر هههههه
بحكم اني متنقبه ما اقدر انط هعه وإلا ودي العب لاني احب النطاطيه قبل عندي لبناتي وانا العب فيها اكثر منهم

وسالفة المطعم كنت اسألها تاكلين لحم وإلا دجاج وإلا سمك واطلبلها معانا وجبه كامله وبالحديقه اخذها
مره لطلعنا واشتريلها ذره وعصير وماي يعني مثل عيالي عشان ماتحقد
وفعلا كل وحده تجيني تقولي ليش الله عطاكم وماعطانا والله كنت اكش منهم لقالوها

اتذكر كانت عندي هنديه مؤقته كنت طالبه فطاير جان اقسملها منهم ويوم عطيتها قالت مابي بس ابي جبن
قلت هاج مع ان عيالي يحبون فطيرة جبن كرفت بس عطيتها وسكت عيالي قلت انا طالبه هذا لمنو

 

[توتاتوتا]

سؤال مهم للكل

انتوا تقدرون تجيبون خدم ؟ بصراحه بنات تقدرون تجيبون و ماتبون ولا في اسباب تمنعكم و تكيفتوا مع الحياة بدونهم ؟

 

[Melazlaza]

حمدلله عالسلامة توتا

بقلبي انت حبيبتي هذي الشعوب حاقدة خلاص لو شتسوين ما تنظف قلوبهم تجاهج


توتا مت ضحك على سؤالج
اي انا اقدر اييب بدل الوحدة خمس بس شااااااب راسي منهم اشتري راحتي النفسية باغلى الاثمان
شفايدة الراحة الجسدية والنفسية تعبانة
اذا ابيتي ماحس بهدوء نفسي عيل وين بلقا راحتي
اغلب الي عندهم خدم يقفلون الابواب ويخشون باغراضهم وضحكتهم محسوبة وطلعتهم محسوبة
يعني وين السعادة بهالعيشة؟

كنت احن عالخدامة اول ماتزوجت طلبتها وطولت ما يت ضاق خلقي وحالتي حالة

لما جربت الخدم قلت لااااااااا والف لاااااا خل اكرف ليل نهار ولا اعيش هالقلق والتوتر

 

[PuPa^^SWeeT]

كيم صااجة اهم يغارون حييل


سالفة اللبس


تدرين انا خدامتي ماتلبس الا يونيفورم بس بالعييد اكشخها


و عندج مرة طلعت ويا رفيجتي غدا


يت الا لاابسة جينز و قميص شوي طويل و ذيل حصان على قولتج عاد ماكلمتها


لما رحت ولا رفيجتي خدامتها يونيفورم


من نفسها المرة الثانية البست يونيفورم



شووفي حلوو تكشخ اذا اتحب بس انا اخلييهم بالجو الاسلامي ههههههه





الله يستر منهم



معنه بناتي مو عندها اصلن ولا بروحها اتجابلهم اذا انا بالدوام اوديهم عند امي اذا تعابى


بس همن اخاف لا تسوي فيهم شي

 

[PuPa^^SWeeT]

توتا انا اقدر اييب و كاهي للحين عندي




بقلبي انت


عاد النعمة فعلا انا ما استبخل فيها و اول وحدة اسالها تبين ولا لأ



ادري النفس و ماتهوى


واحنا الحمدلله فينا الكرم متاصل







وبنات بالنسبة للالعاب


انا ريلي يلعبهم والله



بس اذا انا طلعتهم الالعاب


استحالة العب


يدوووووووووووووووووووووووور ررااااااسي


من انا عمري 15 ماقمت العب ولا لعبة




فا اضطر اخلييها تركب مع الصغييرة الكبيرة عادي برووحها تسمع الكلام




شوي الصغييرة اتعلم و بس ما احتاجها بالطلعة

 

[بقلبي انت]

سوسو انا نظامي لبنتي الصغيره في السبوح احب سوالف جونسون
اسبحها بشامبو جونسون واحطلها وافركها باليفه الناعمه بعدين احطلها زيت جونسون يرطب جسمها
بعدين مرطب الوردي ولوجهها مرطب جونسون الصغير واحطلها البودره اموت بريحتها لشميتها احس صج
بنتي نظيفه وبعدين احطلها عطر ساره الوردي يهبل او عطر العصفور


توتا شوفي والله انا اقدر اجيب والحمدلله بس مابي لاني صج تعبت منهم ماتلاقيني إلا كل شوي معصبه او منفسه منهم
الحين الحمدلله هاديه واموري تمام بس احيانا اقلب واعصب علي عيالي وزوجي
حتي زوجي الحين يقولي بجيبلج خدامه شايفني اتعب خاصه طلعات البر صج الوحده تتعب بس هم لشافت عيالها مستانسين ترتاح

بس والله يابنات ان سعرهم غلا حييييل صار كأنه قسط سياره جديده او ميزانية سفره يعني الخدامه الجديده علي650 والمشتغله علي 800 والله حرام نهبوا الناس والمعاش من 60 وانتي طالعه ليش الله المستعان

 

[توتاتوتا]

ملزلزه _ بوبا _ انت بقلبي

مشكورين عالرد وانتظر الباقين

ملزلزه سألت ابتأكد اني طبيعية والناس مثلي تستغني عن الخدم بمزاجها ولقناعتهم ان الخدم غثا

سي يو بخلص باقي شغلي

 

[Melazlaza]

توتا كلنا مثلج المجتمع محسسنا ان مو طبيعيين
حبي احنا الصح لان هذي طبيعة الحياة ووادوارنا بالمجتمع

اذا الوحدة عندها ظرف قوي
معاق مثلا
عاجز
كبير سن
كمثال يعني
اوكي تستعين بخدم بس ناس طبيعية وماتشتكي من شي اعتقد الخدم ما منهم غير المغثة

 

[ليمون ونعناع]

المكنسه الي ذكرتها من قبل من الغانم وسعرها ب50

 

[سوسو حبيبتى]

السلام عليكم ياحلووين يا احلي تجمع غير حياتي

ردا على سوال توتا ..صراحه عندي الامكانيه انى اجيب خدامه بس اولا رييلي مابيحبهم ابدااا

وانا من يوم ماجربت كرهتهم .

بس ممكن اجيب خدامه فى حاله انى تعبانه او حامل ..الله لايحكم علينا ابدااا

ميرسي على مشاركاتكم عن طريقه عناياتكم بااولادكم

اليوم شريت لسوسو عطرجونسون الازرق والاصفر بموت علي ريحتهم من يوم ما انولدت وشريت نوع تاني موفاكره اسمه لونه اخضر يهببببببل جاى على ليمون ونضافه

وخاطري اشتري لها عطر جاى على ريحه عود خفيف ..ياريت الى تعرف نوع تقول لى؟

امممم اليوم نظفت غرفه نومي تنظيف عميق وطلعنا شرينا اغرا

 

[سوسو حبيبتى]

شوفوا رديت فى موضوع وكتبت طريقه ساعات بسويها وقلت خليني اسوي لكم كوبي

بمثبت البخور العادي وساعات بحط بخور تكون ريحته قويه انقعه فى شويه ماي حار

وبعدها بيكون نفس ريحه المثبت وامسح بيه الارض

 

[بقلبي انت]

ااهلين يا امهات
ملزلز صاجه والله الناس عبالهم مو صاحين يعني انا مثلا يوم وديت الخدامه المكتب قبل سنه السبب ان ولدي راح المطبخ
وصبله ماي بيشرب وبس حط القلاص عالطاوله طاح وانكسر هذا كان الظهر والحلوه عبالها اني نايمه ماخذه قيلوله
والله وكيلج صوتها وتصارخ علي ولدي ليش كسرت القلاص انت ما تشوف وقاعده تهزأه وهو مسكين واقف يقولها والله ماشفت
اهو طاااح وهو خايف والله يابنات يوم شفت جذي ولدي مادري شنو صار فيني صرت ما اشوف جدامي تخيلوا اهي قاعده تلم القزاز من الارض وتهزأ ولدي ماخذه راحتها وانا واقفه ورا ولدي مو شايفتني جان اخذ قلاص ثاني واحذفه عالارض ماشفت إلاألي مبققه عيونها علي ولدي ويوم شافتني انصدمت قلت ليش تهاوشينه تقولي لا انا مايسوي
طبعا عطيتها كلام سم وهزأتها ووديتها المكتب تبجي تقولي خلاص ماما ما اعيدها مره ثانيه

شفتوا هذي السالفه عاديه عند اهلي يقولولي جان هددتيها مره ثانيه اوديج المكتب قلت لا والله باللعنه ماابيهم الله ياخذهم
والحين كلما شافوني ضعفانه صايره هيكل عظمي امتني ليش جذي تشتغلين وايد بالبيت مسكينه صايره بنظرهم اني مسكينه
واختي تقولي والله محد نافعج لا الزوج ولا العيال لطحتي من التعب قلت الله لا يحوجني لاحد غير ربج والحمدلله والله يابنات مافي تعب
وهذي انا كل مره لاجتمعنا هاا طلبتي خدامه ماجبتي خدامه حتي امي المسكينه محاتيتني تقولي لا تعودين زوجج جذي باجر
لطلعلج بيت مهو جايب لج خدامه قلت لا يما انا بجيب بس الحين اسعارهم غاليه نطري شوي اكيد بتنزل بعد شسوي شقولها

 

[بقلبي انت]

سوسو طريقتج حلوه للسيراميك بس انا حاطه فرش بشقتي
طريقتي لخلصت تنظيف لازم اعطر البيت كله تخيلي اجيب خلطات الفودري او اي شي حلو بالجمعيه وارشه عالقنفات و
السجاد وغرف النوم وبعدين اشب فحمه حجم كبير واحط من معمول الدواسر او بخور من العربيه للعود او عود مبخر
وترى السجاد يمسك ريحة البخور اكثر من السيراميك لاني مجربه الاثنين

 

[درابيل]

السلام عليكم بناااات
شخباركم
توتا الحمد لله عالسلامه تو ما نورت الديرة

بنات انا الحين بالدوام شابكة من الفون
طبعا لي الحين صامدة بدون خدامه

وناويه لما ارد البيت بإذن الله بسوي غدا باستا بكرات اللحم المثلجة ماركة خزان و صلصله العلالي للباستا وشويه جبنه بارميزان
وبسوي سلطه معاها والحمد لله
بس احس اني داشه مرحله جديدة الله يعيني عليها لان وضع الدوام مع شغل البيت مو شويه انا مجربته قبل جم سنه كان ماعندي خدامه


وبالنسبه لتعطير بناتي اموووت على ريحة المسك الابيض فأشتريلهم مسك العروسه من القرشي
واخذلهم عطورات من بودي شوب و مكياجي العطور الصغار اللي اساميهم روحي و كتكوته و غيرهم

 

[زوجي توأم روحي]

صباح الخير ياحلوين

اشتقتلكم كلكم ويا هلا ومرحبا بكل المنظمين الجدد



وحياكم الله تفضلوا شاى وقهوة



توتا توتا بالنسبة لى أنا مثلج وايد أحب البيت اللى يكون دور واحد وسرداب بصراحة ما أحب البيت الكبير حيل وأحس ما فيه دفء وانا من النوع اللى أحب الشئ الملموم

نفس جذى




وبالنسبة للقدرة على انى أييب خدامة فلله الحمد عندى قدرة أييب خدامتين بدل الخدامة بس انا وزوجى اتفقنا ان الخدم قنبلة موقوته بالبيت وكانت التجربة خير برهان مثل ما يقولون :eh_s(2):

سوسو بعد قلبى انتى وربنا يخليلك سوسو يارب وتخاويها ان شاء الله بالولد الصالح
هو انتى مش مفكرة اتجيبلها أخ والا أخت يقرفوها بعيشتها ؟ ههههههههه :krkrkr:
عموما بالنسبة للشامبو والتعطير
انا احب هذيله
الشامبو ( باليرينا )



مرطب الجسم



ملمع الشفايف



وبالنسبة للعطور عندج بربريز



وعطر بولغرى



وعطر كالو



وبالنسبة للكتب بحب أقرى كل حاجة دين سياسة روايات علم نفس صحة تربية كلو كلو

بس اللى مكانهم بالقلب نجيب محفوظ واحسان عبدالقدوس



ملزلزة بغيت أسألج عن غسالة الصحون ما أدرى أحس ما تنظف عدل وتطلع الصحون مصوفرين وما فيهم ريحة نظافة ؟؟؟:eh_s(10)::eh_s(10):

حبوبة الأطفال تسلمين حبيبتى

سويت بوبا وانا معاكم الشعب يريد تثبيت الموضوع ههههههههه

كيم لج وحشة:eh_s(7):