اللي مقدمين على الدبلوم العالي ( حياكم دخلوا ) !!

[كويتيه_1984]

السلام عليكم

بنات اللي مقدمه على دبلوم عالي بالاداره العامه او التمويل الاسلامي ( جامعة الكويت )


انتبهوا على الارقام اللي راح تستقبلونها لان بعد اسبوعين بيدقون على اللي مقدمين على دبلوم الاداره العامه

اما التمويل الاسلامي قاعدين يقابلونهم صار لهم اسبوع

اهما يدقون عليكم مرتين ثلاث اذا ما رديتوا يطنشون فيكم


وموفقين انشالله

 

[Miss samora]

 

[كيوت_25]

وااااااااااي بموت و اسجل فيه بس المشكله انه اقل معدل طالبينه 2.33 و انا 2.21

واااااااي حره فرق بسيط

انزين اختي بغيت أسأل تهقون يسون استثناءت و يقبلوني اذا كلمت العميد ؟!؟

و بغيت اعرف شنو الفرق بين الماجستير و الدبلوم العالي لانه كنت حسبالي انه ماجستير بالتمويل الاسلامي طلع دبلوم عالي

و هل في جامعه ثانيه بالكويت او بالخليج عندها ماجستير التمويل الاسلامي؟

ادري طولت عليج و قرقت بس لانج نزلتيلي من السما من زمان و انا ادور احد يناقشني بهالموضوع

و مشكوره حبيبتي و الله يوفقج

 

[كويتيه_1984]

وااااااااااي بموت و اسجل فيه بس المشكله انه اقل معدل طالبينه 2.33 و انا 2.21

للاسف معدلج ضعيف ما يسمح اقل شي 2,33

انزين اختي بغيت أسأل تهقون يسون استثناءت و يقبلوني اذا كلمت العميد ؟!؟

للاسف لا حتى لو كان على احسابج الخاص , كملي بالجامعه الخاصه

و بغيت اعرف شنو الفرق بين الماجستير و الدبلوم العالي لانه كنت حسبالي انه ماجستير بالتمويل الاسلامي طلع دبلوم عالي

الدبلوم العالي اقل من الماجستير دراسته سنه وحده وباللغه العربيه ما يحتاج امتحان التوفل اما الماجستير لازم امتحان التوفل ودراسته ثلاث سنين الحين فاتحين دبلوم عالي بالتخصصات ( اداره عامه , تمويل اسلامي , الارشاد الاسري ) ويفيدج بالوظيفه من ناحية الترقيه تترقين بالاسبقيه حتى لو في مجموعة موظفين متعينيين قبلج ولا نفس شهادتج اما الماجستير تتوظفين على الثالثه وراتبج يزيد 25 دينار بس

و هل في جامعه ثانيه بالكويت او بالخليج عندها ماجستير التمويل الاسلامي؟

لا ما اعتقد بعدين التمويل الاسلامي مو مخصص للماجستير

 

[كيوت_25]

يزاج الله الف الف الف خير على الرد المفصل

بس بالنسبه لماجستير التمويل الاسلامي فحبيت ابلغج اني سمعت انه موجود بكليه الدراسات الاسلاميه بقطر

و الله يسهل

 

[كويتيه_1984]

العفو حياج الله عزيزتي

اي يمكن بره الكويت

لكن بجامعات الكويت ما اعتقد

 

[الشامريه]

الحين خلص التسجيل سكر؟؟؟؟؟؟؟؟؟؟


انا سألت التعينات بوزارة الاوقاف عن دبلوم التمويل ااسلامي بشنو ينفعني يقووووووووووول مجرررررررررررد خبره لانه شهادتج بكالوريس وهو دبلوم اقل من شهادتج يعني مايرفعج
ينفع اذا تبين تتوظفين في بنك

بالنسبه للماستر تمويل اسلامي موجود بكذا جامعه بالبحرين وبالامارات ولبنان وماليزيا

 

[كويتيه_1984]

الدبلوم العالي فوق البكاليريوس لا اقل ولا اكثر بس هو اقل من درجة الماجستير وينفعج بالترقيه الاسبقيه

وبعدين انتي وزارة الاوقاف انسي مافيها لا ترقيات ولا زيادات تظليين طول عمرج نفس هالمسمى اللي اول ما تعيينتي

 

[lolwah]

شنو مستقبل دبلوم التمويل الأسلامي ؟؟ وديلوم الأداره العامه احسن من التمويل الأسلامي ؟

يهمني رايج

 

[ان شكينا بكينا]

مرحبا اختي


بغيت استفسر شنو يعني دبلوم عالي ؟هل فيه فرق عن الدبلوم العادي اللي يكون تحت البكالريوس ؟ولا في تغير بالمسمى؟؟

انا موظفه بوزارة الشؤن وحبيت اعرف اكثر عن الدبلوم العالي ؟؟

 

[BaiTotia]

كويتية مشكورة

ممكن تعطيني معلومات تعرفينها عن الماجستير بجامعة الكويت؟ والعلوم الإدارية؟

 

[لآ بيرلآ]

كويتية حبيبتي الله يوفقج ..

و يوفق الجميع ..

بس سؤال .. لازم يكون عندي بكالوريوس عشان اقدم ع الدبلوم العالي ؟
ما يصير ع الدبلوم ؟! و مشكورة حبيبتي =)

 

[lolwah]

اللي اعرفه ان اللي يقدم عليه لازم يكون عنده بكالريوس

والدبلوم العالي يكون بالنص بين الماسنر و البكلريوس

 

[كويتيه_1984]

شنو مستقبل دبلوم التمويل الأسلامي ؟؟ وديلوم الأداره العامه احسن من التمويل الأسلامي ؟

يهمني رايج

نفس المستوى العلمي والسلم الوظيفي لان تمويل مو محاسب

لكن الحين قاعدين يحاولون يوفرون كادر للي تخصصهم تمويل

 

[كويتيه_1984]

بغيت استفسر شنو يعني دبلوم عالي ؟هل فيه فرق عن الدبلوم العادي اللي يكون تحت البكالريوس ؟ولا في تغير بالمسمى؟؟

دبلوم عالي يكون بعد البكاليريوس وهو يختلف عن دبلوم التطبيقي

يعني الدبلوم العالي مابين البكاليريوس والماجستير

وعلى فكره مافي له كادر ولا بونص ولا علاوات مجرد يفيدج بالترقيه الاقدميه

 

[كويتيه_1984]

ممكن تعطيني معلومات تعرفينها عن الماجستير بجامعة الكويت؟ والعلوم الإدارية؟

دخلي على هالرابط



http://www.graduate.edu.kw/arabic/index.php

 

[كويتيه_1984]

بس سؤال .. لازم يكون عندي بكالوريوس عشان اقدم ع الدبلوم العالي ؟
ما يصير ع الدبلوم ؟! و مشكورة حبيبتي =)

اي لازم يكون عندج بكاليريوس

لا يا الغاليه مايصير تكملين على الدبلوم التطبيقي

 

[كويتيه_1984]

اللي اعرفه ان اللي يقدم عليه لازم يكون عنده بكالريوس

والدبلوم العالي يكون بالنص بين الماسنر و البكلريوس

صح كلامج

 

[ان شكينا بكينا]

مشكووووره

لكن عيل الناس شتبي فييه دام مايرقي مستواها الوظيفي ولا كاادر ولا علاوات؟

 

[BaiTotia]

مشكورة أختي