اللي منغتة من سوسات المدارس ودمعتها على خدها من دوابيرهن مالها الا خط الوزير المباشر

[زمزم @]

هذا موضوع عن وزير التربية اليديد فيه عنده خطط لجعل الحركة التعليمية متطورة ونامية مواكبة للعصر الحديث بناء على الحضارة واحترام الرأي الآخر

وجعل من لديه شكاوي واقتراحات خط ساخن ورقم للرسائل القصيرة
<< جاكم الفرج يامعلمات اللي ناظرتها لاعبة فيها ومسويتها طوفة هبيطة وكارفتها مالها الاتشقح على الخط الساخن وتبرد حرتها خخخخ :eh_s(9):

أقول صج ماعندي سالفة ليش ماأحط لكن الرابط وتقرونه
<<<شنهو ناطرة أخيه
<<على هالبنيه وشو هالبرود اللي عندهااااا

http://www.alanba.com.kw/AbsoluteNMNEW/templates/local2010.aspx?articleid=196783&zoneid=243

 

[قـہۈه فـرنسيـہ™]

مجرد تلميع للوزير @@ .... أخااف فاضي يرد على وحده وحده ...

ههههههه تبين الصراااحه أصلا الحريم ما ينعطووون وجه ...تلقينهم كل يوم والثاني داقين يتبجبجووون على أتفه الأمووور

 

[زمزم @]

أنا ماأصدق الأ لمن نشوف بمرىء العين تعديل في تخبط القرارت والأنظمة والقوانين الغير مدروسة
وشو يضر لو خلوا المتعلم يحب العلم والمعلم يعطي مالديه من علوم ومعارف بنفسية مرتاحة

ترى هزت بدن الأبلة من صبح الله خير من قِبل الناظرة أومن لهم سلطة على فقيرة الله يؤثر على أداء وعطاء المدرسة <<ياليت اللي عندها احترام لأنسانيتها وضميرها تراعي هالنقطة

 

[توتي فروتـي]

لا تقطعون الامل .,
بعثوا رسايل ., وان شاء الله يتم الاهتمام بها ووضعها بعين الاعتبار

الله يكتب الي فيه الخــــــــــير لنا ..

 

[ترف بابا]

لاياقلبي هذا الخط صج
اول فيه صفحة على النت للشكاوى والحين خط !
تخيلي!!!!!
ماخذت ناظرتنا = آه يا ليت من شافها ذاك اليوم =اللا داخل عليها 3 محققين فجأة..... خخخخخخخخ
..طلعت مدرسة انجليزي شاكية على رئيسة القسم بالنت !!
وصار تحقيق قوي 6 ايام وهم يدامون بالمدرسة ويسحبون مدرسات القسم وحده وحده - بعدين رجعوا رئيسة القسم مدرسة عادية ونقلوها مدرسة ثانية ياحرام

 

[ترف بابا]

اللي ضحكنا بالمدرسة انو تذكرنا المحققين الي دشوا على مدير المصحه في
مسلسل محظوظة ومبروكه هههههههههههههههههههه

 

[رضاهم جنه]

اذا كثرت الشكاوي بيمل

وهذا هو الحين من مسك الوزاره طاح بالمستشفى

 

[معلمة_منكوبة]

وين الخط المباشر حطوه ؟

 

[توتي فروتـي]

، معلنا عن تخصيص رقم هاتف (خط ساخن) لتلقي الاقتراحات والملاحظات والشكاوى وكل ما يتعلق في العملية التربوية في وزارتي التربية والتعليم العالي من قبل أولياء الأمور والطلبة والمعلمين وجميع العاملين في وزارة التربية ووزارة التعليم العالي وذلك عبر رسائل sms على الرقم: 67779339، وسيقوم الموظف المختص بنقل كل الرسائل الواردة له شخصيا لمتابعتها والنظر بعين الاهتمام فيها من مبدأ اتاحة الفرصة للتواصل مع كل شرائح المجتمع وحتى تصب كل هذه الآراء في صالح العملية التربوية بما يعود بالخير على كويتنا الغالية.

 

[جيتك تعال]

المفروض يكون فيه رقاابة من قبله ويكون متاح للكل الوصول له
عشان لا تفكر كل ادارة انه المدرسة بيتها وع كيفها تستعبد الموظفاات

 

[Turquoiseya]

تدرين ياريت بدال مايحط خط ساخن للشكاوي
بس يجتمع بكل قسم ويشوف شنو اللي ضاغطهم
ياريت يسمعون لكلام الابلات ان الوزارة توظف بنات شغلهم بس المناوبة والاحتياط وتربية الصف والاشراف وهي الشيء راح يثمر بنتائج ممتازة منها:
ان الموظفة المخصصة بالمناوبة راح تكون متفرغة للطلبة والطالبات وتنتبه لهم من الهوشات والطيحات وبالذات للصغار اللي مايعرفون يروحون الحمامات عزكم الله
ان تربية الصف لما تمسكها راح تكون متفرغة للمراجعة ورصد الدرجات واصدار الشهايد بسرعة
والاحتياط يشيلونهم الا اذا ابلة طلبت حصة اضافية

وياريت الوزير يجعم قسم الانجليزي وينصفون الابلات الكويتيات اللي نادرا ماينجحون في المقابلات بسبب العصابة اللي ماسكة التوجيه