اللي وزنها فوق 100 تشارك ضروري

[تيناا]

الله يوفقج فل مون وتلتزمين فيه

بنات انا امس رحت حق محمد ربيع وانشالله ناويه هالمره استمر بس ادعولي

 

[miss disaster]

اييييه شفتها بس وايد صعب ...
ما أعبر علييييه ومافي لا برد لا حلاو لا ككاو ولا اكو يوف اوف أبي لو شي بسييط ميخالف..

جربي رجيمي ينزل 2 كيلو وعندج يوم تتعشين حلو مع فواكهه

 

[نونو الدبدوبه]

اهلين بنات انا ملتزمه 100%
ومرحبا تينا من طول الغيبات جاب الغنايم
كم وزنك هالاسبوع؟؟
واهلين بالبنات اللي انظمو لنا بنت زايد وفل مووون
والانضباط اهم شي

 

[عروووب21]

هاي بنات شخباركم


انا حدي التزام هالاسبوع افطر توست اسمر وجبن لوفات وشرايح طماطم


الغدا كورن فلكس


العشا ياسلطه والاكيد حليب قليل الدسم

 

[بــ زايد ــنت]

هلا بنات مشكووورين على قبوولي وياكم

انا ما تريقت لاني ما احب الريوق احس تلوع جبدي مادري ليش


الغدا شوربه كنور وسلطه وعصير برتقال

والحين اشرب شاي اخضر وبعد شوي بسوي رياضه مشي على الجهاز

 

[FuLL.MooN]

السلام عليكم
مرة ثانية .... اول شي شلون طريقة اشتراكم وشنو الريجيم ومتى الوزن ؟

 

[تيناا]

هلا نونه الدبدوبه وزني الحين 103.5

امس رحت لمحمد ربيع وعطاني نظام ينزل 4 كيلو هالاسبوع لو التزمت فيه حرفيا

واذا تحبون احط لكم النظام


عروب استمري وخلينا نشجع بعض بنات

 

[FuLL.MooN]

واااااااااااااي تينا الفال لي وأصير 103 انشاء الله

 

[عروووب21]

هلا نونه الدبدوبه وزني الحين 103.5

امس رحت لمحمد ربيع وعطاني نظام ينزل 4 كيلو هالاسبوع لو التزمت فيه حرفيا

واذا تحبون احط لكم النظام


عروب استمري وخلينا نشجع بعض بنات

ياحبي لك اكيد باستمر وياليت تنزلي الرجيم وبنات شوفو رجيم الرابح الاكبر توي منزله الموضوع بقسم الانظمه الغذائيه والله الله بالردود

تينا بنشجع بعض عشان نوصل لاهدافنا والله الله بالرجيم ويمكن اتبع رجيمك اذا يناسبني وبجذي التشجيع يكون اكثر ونتحمس مع بعض اكثر بالتوفيق

 

[FuLL.MooN]

انشاء الله عروب شنو يعني يوميات ؟

 

[نونو الدبدوبه]

حبيبتي فول مون يوميات يعني شسويتي اليوم من رياضه ووش اكلتي وفيه خربطه ولا مافيه
ان شاء الله مافيه والرجيم سوي اللي يعجبك ويناسبك والوزن كل سبت عشان نتابع بعض اسبوعيا وسلامتك
وتينا يالله شدي حيلك ننزل تحت الميه مع بعض هالاسبوع ان شاء الله

 

[تيناا]

هذا ريجيمي امس من عند محمد ربيع يا حلوين والحمدلله للحين ملتزمه الله يتمم علي وعلى الجميع


تعليمات :

- الاكثار من الماء
- الحركه
- الاكثار من الخضروات


الافطار :

3 تمرات او فاكهة
+
كوب حليب خالي دسم



الضحى :
فاكهة او عصير او سندويش فول او سندويش فلافل



الغداء :
سمكة او تونه + سلطة

طبق فاصوليا خضرا بالزيت والطماطم انا اسويها رهيبه

طبق كوسة وبصل وطماطم بالزيت + صدر دجاج

طبق خضار مشكل + سلطة روب بخيار وتوم ونعناع

ويكرر



المغرب :
فاكهة او عصير او 3 تمرات وممكن على يوم تاخديلك اصبع كتكات



العشاء :
هالعشا مهم لانه ينزل الوزن
سلطة روب بخيار ونعناع وتوم + عصير + شريحة توست محمص

 

[تيناا]

انا اليوم افطرت 3 تمرات وكوب حليب خالي دسم

والضحى حبة رمانه

والغدا كوسا وطماطم وبصل بالزيت وصدر دجاج ضغير

والحين قاعده اكل رمانه

وانشالله العشا مثل ماهو مذكور فوق

 

[miss disaster]

اشلونكم؟

انشاءالله ملتزمين ؟!
انا الحمدالله ملتزمة




اول ما بديت وزني 112
اليوم وزني الصبح كان 110.9
الحمدالله نازل

 

[تيناا]

انشالله يا نونه هالاسبوع نكسر ال 100


the baby
مبروك النزول استمري

 

[Dam3a1979]

اييييه شفتها بس وايد صعب ...
ما أعبر علييييه ومافي لا برد لا حلاو لا ككاو ولا اكو يوف اوف أبي لو شي بسييط ميخالف..

شوفي اول اسبوع ماكو يوم اوف

بس من الاسبوع الثاني وعقب فيه

اكو ريجيم مال طالب الشمري فيه كاكاو احاول انزله لج قريب

ماكو شي صعب جدام الاراده فل موون

 

[Dam3a1979]

الله يوفقج فل مون وتلتزمين فيه

بنات انا امس رحت حق محمد ربيع وانشالله ناويه هالمره استمر بس ادعولي

انشاءالله تستمرين يا تيناا والله قاعده احاتيج من قلبي

شنو النظام اللي عطاج اياه

وشنو قالج عن الدهون؟؟؟

 

[Dam3a1979]

اشلونكم؟

انشاءالله ملتزمين ؟!
انا الحمدالله ملتزمة


اول ما بديت وزني 112
اليوم وزني الصبح كان 110.9
الحمدالله نازل

مبروووووووووووووووووووووووووووووووووك بيبي

صدقيني شوي شوي وتوصلين باذن الله

وكلنا نوصل انشاءالله

 

[Dam3a1979]

هذا الريجيم منقول يا بنات بس اهوه ينفع حق اللي يحبون الكاكاو

وحده وزنها 130 وصار 90 والمده 3 شهور .......

الفطور : - نسكافيه + حليب أو كوفي ميت.


الضحى :- يعني اقل شي بينهم ساعه
(1) كاكاو بالمكسرات ( اي نوع مثل سنيكرز + قهوه او شاي أو دايت بيبسي او دايت سفن).
(2) من 2_4 حبات بسكويت أو بقصم أو شابوره + قهوه او شاي أو دايت.
(3) 2 توست + جبنه او لبنه + طماط وخيار + قهوه او شاي او دايت.
(4)عصير غير محلى او 1 - 2 حبة فاكهه.


الغداء : - سلطه أو تبوله + دايت بيبسي أو سفن مع الاختيارات التاليه :-
(1)صحن مشويات او صدر دجاج أو من1-2 همبرجر أو سمك.
(2) من 3 - 10 ملاعق رز ( عيش ) + قطعة لحم أو دجاج أو سمك.
(3) وجبه سريعه بدون مايونيز + شبس صغير + دايت بيبسي .
(4) بطاطه مشويه.
(5) خضار سوتيه.


المغرب تقريبا الساعه 7 : - اي نوع قهوه +اختيارات الضحى مع التنسيق = يعني الي تاكلينه الضحى مايتكرر المغرب


العشاء : -
سلطه خيار مع روب
او السلطه اليونانيه تتكون من خس + جبن مبشور + طماط وخيار

 

[Dam3a1979]

ما شاء الله بنات قاعده أشوف حماس أكثر هلأسبوع

انشاءالله كلنا الوزنه اليايه نازلين 3 كيلو على الأقل

مادري ليش بس حاسه ان في جم وحده اهني راح صج يوصلون للوزن اللي يبونه

انشاءالله كلكم ما تضعف ارادتكم بنات ونوصل

المتواصلين معانا دون انقطاع

أم ضيدان - نونو الدبدوبة - عرووووب - بيبي - تيناا

والباجين شدوا حيلكم معانا أكثر

جنوووونا مالها أثر من مده عسى ما شر

فل موون شكلج داشه بقوة