اللي ولدت قيصري بالسلام ابيها ظرووري

[om MaRyooM]

السلام بناتت شلونكم




بلييز حبايبي بقيت اي وحة والدة بمستشفى السلام تقولي تجربتها


انا قبل ولدت بالهادي والحمدلله كللللش ما اذوني:yaaaaaarb:

بس خرعوني قالو من مكان لي مكان تختلف طريقة القيصري صج

انا كان ليزر وبس حاطين خيط خفييف بعد عشرايام شالوه بدوووون الم ولاشي

 

[om MaRyooM]

؟؟؟؟؟

 

[الدلع انا]

انا اول ولاده لي بالهادي قيصريه بعدين رحت دار الشفاء والحمدالله ولدت طبيعي انصحج بدار الشفاء

وان شاءالله تولدين طبيعي

 

[om MaRyooM]

مشكوورة


لا انا ودي السلام من جذي اسال



وانا ابي قيصري مابي طبيي لان احتمال اخر شي يولدوني قيصري فليش العبالة

 

[حبـ admant ـك]

ماعندي فكره
ان شاءالله البنات يفيدونج
للرفع

 

[om MaRyooM]

ابببب

 

[Roty]

اب لعيونج

يعني خلاااااص رسيتي عالقيصري علا راحتج

عاد تصدقين من قريت موضوعج متا قيصريتي قعدت افكر اقول لو مختارة انا قيصري بدال ليشقوني تحت اكون بس فبطني بدال مكانين بس تعوذت من ابليس قلت ابي طبيعي ابي اجرب مثل باجي الحريم

الله يسهل عليج يارب

 

[om MaRyooM]

ممشكورة ام سالم ياحياتي


والله يسهل عليج

 

[أزهااار]

انا بنت خالتي والدة الاول بالهادي عملية والثاني بالسلام بعد عملية وماتغير المكان

اذا كانت عمليتك الاولى سليمة

والله يسهل لك

بس صدقيني خل يجربون فيج طبيعي بالاول
والله العملية القيصرية ماتبين اضرارها الا مع تقدم العمر

 

[om MaRyooM]

مشكورة والله ماقصرتي

 

[غربة الروووح]

هلا اختي انا توني والده بالسلام اول شي البنج كان خفيف وصحيت بسرعه وحاطلي بربيش على صوب من العمليه وشاله ثاني يوم اما الخيط شاله بعد اسبوعين طبعا انا اللي تاخرت عن الموعد والعمليه ليزر واي سؤال انا حاضر

 

[om MaRyooM]

غربة الرووح



ليش بربيش للعملية

انا ماسوولي جذي

كان عندج مظاعفات للعملية؟؟ لان اول مرة ادري ان جذي يسوون


ويعور لما يشيلون خيط ولا لا

 

[الريشة]

زوجة أخوي ولدت قيصرية بالسلام و كانت ماخذة إبرة الظهر و تأذت لما قزوها الإبرة ،أول ما قزوها كانوا مدششينها غلط و طلعوها و قزوها مرة ثانية و تقول الشرشف انترس دم من ظهرها، يعني ذبحوها بسبب إنهم يبون يثبتون إبرة الظهر و تقول كان التخدير اللي في الإبرة خفيف مو قوي لأنها حست فيهم و هم يشقون بطنها ..... تقول توبة أروح لهم مرة ثانية.
بس نصيحة جربي تولدين طبيعي و آخر محاولة إنج تولدين قيصرية.
و على سالفة البربيش لازم يحطونه لأن اللي والدة قيصري أول يومين ما تقدر تتحرك و تروح الحمام.

 

[r2004]

والله انا مرتين ولدت بالسلام قيصري الاولى عند الشاذلي عمليته ممتازة والثانية احمد بكري علي نفس مكان الجرح طبعا وكان وايد ممتاز واهمتمامه عجيب

 

[om MaRyooM]

مشكوريين

 

[غربة الروووح]

البربيش حق الدم والوسخ اللي يطلع من العمليه انا رابع عمليه واول مره يحطون لي بربيش بس احس انه احسن وهو غير عن البربيش الثاني تكرمين حق اللي تحت وعمليتي عند الدكتور عمرو وهم شالو لي خيط ثاني يوم بس حسيت بعوار خفيف بس اذا لج فرصه بالطبيعي احسن والله يسهل امورج

 

[ام فوااز]

جربي تولدين تولدين طبيعي تفائلي بالخير
الله يسهل عليج ولادتج يارب