اللي ولدوا بالثامن ساعدوني

[للصبر اخر]

السلام بنات
امس رحت طوارئ الصباح لانه نزل علي ماي وايد ولما صار الفحص قالي الدكتور هذا زايد وسويت تخطيط فيني طلق خفيف المهم قالي الدكتور ارتاحي لانه ولاتج الحين بتكون خطره لانه الياهل راح يكون بالحضانه
الحين يابنات الطلق بدا فيني وصجي وميته خوف مادري شسوي اتبخر


عفيه بنات من اولدت اول اسبوعين من الثامن ؟
واذا رحت المستشفى اخذ معاي جنطه الياهل يعني فيه امل يعيش
الله يخليكم ادعوا لي

 

[هـآيـدي]

اي حبيبتي عادي يعيشون في شكثر يولدون بالسابع بعد

ويمكن المااي زايد على قولتها والطلقوف هذا طلوق بارد يعني عادي يحوش الوحده بالاشهر الاخيره

ريحي نفسج وروحي لدكتوره شاطره مو هنادوه ولا طوارئ مستشفى وطمنيناا

 

[ام - وهابي]

حبيبتي انا بجر وماعندي خبره
بس عادي انشاللله اكيد بيعيش الحين في يهال يعيشون من السادس وانتي اسبوعين وادشين التاسع !!
انشالله مافي الا الخير
تقومين بالسلامه حبيبتي وبشرينا عنج

 

[kimoo]

حبيبي روحي الدكتور مرة ثانية واطمني

وان شاء الله اكيد يعيش وايد ينولدوا بالسادس والسابع وعادي ما فيهم الا العافية

والله يسهل عليج وما تولدي الا بالتاسع

 

[Om 3zo0oz_2011]

رد : اللي ولدوا بالثامن ساعدوني

سبحان الله انا مثلج بس مانزل علي ماي

حبيبتي لا تحاتين اهم شي خذيتي ابره الرئه ورووحي الطبيب المفروض يصير تنوويم لج علشان يشووفوون حاله الماااي والجنين ويعطونج ابره توقف الطلق
مدام الحمدالله الماي زااايد المفروض يعطونج ابره توقف الطلق


أنا عطاني ابره الرئه واليوم موعدي بقرر وان شالله خير يارب ونولد بلتااسع بتمامه وكماله ولا توسوسين حطي ايدج علي بطنج واقري سوره يس والمعوذات

 

[لذة الطاعة.]

رد : اللي ولدوا بالثامن ساعدوني

الله يعينج يارب .. وماتولدين إلا لما تدخلين شهرج التاسع ...

 

[NeG6a]

اختي بالبجر ولدت بالثامن يعني 32 اسبوع لانه الضغط ارتفع عندها وحاشها تسمم,, ولدها كان نتفه كيلو و 600 جرام بس الحمدالله الله كاتبه لها حطوه بالشيشه لما كمل الكيلوين بعدين عطوها اياه والحين شحلاته اسم الله عليه السنه اليايه روضه

اذا الله كاتب الي بطنج لج انشالله بعيش ...

بس بسالج شلوون حسيتي بالطلوق ؟؟ انا هم بجر وبطني ساعات ايله عوار دوره ومغص يضايق بس ما احس بعوار بالظهر,, الطلق جذي ؟

 

[قلبي سلومي]

رد : اللي ولدوا بالثامن ساعدوني

عادي انا بجر بنتي ولدتها اول 10 ايام بالثامن
بيقعد بالشيشة مدة من اسبوعين الى شهر
انا بنتي قعدت شهر بس الخدج يبيلهم عناية خاصة

 

[اللافندر79]

شوفي حبيبتي اولاً التساهيل من رب العالمين
وانا وحده كل ولاداتي بالثامن والحمدلله عيالي لاشيشه ولا شي اطلع وأخذهم بس اهم شي تسوينه الحين تاخذين إبرة الرئه أهي عباره عن ابرتين كل ١٢ ساعه مره وحده تاخذينها وان شاالله لوتولدين بالثامن البيبي تاخذينه معاج ولا تحاتين ترا عادي وانا الحين بالثامن ويني طلق باي وقت ولاده عادي ليش ماخذه هالابره

وبالنسبه عن اللي تسأل عن الطلق حبيبتي اللي تحسين فيه اهوا طلق بس حسبي له اذا صار اييج الألم كل ٥ دقائق معناته ولاده والله يسهل عليج
بالمختصر الطلق عباره عن تقلصات مثل الدوره وتصلب حيل بالبطن كأنه البيبي متمدد حيل ويرد يرتخي وفي ناس يحوشهم بالظهر الم من تحت هذا همن طلق بس أنا موتخصصي طلق الظهر لان ماعرفه اللي يحوشني بالبطن والله يسهل على الجميع

 

[big heart]

رد : اللي ولدوا بالثامن ساعدوني

حبيبتي لا تحاتين اهم شي خذي ابره الرئه ,,وانشالله مايصير غير كل خير

 

[للصبر اخر]

رد : اللي ولدوا بالثامن ساعدوني

مشكورين بنات وايد ودي اسوي اقباس بس شابكه من تلفوني ومااعرف له
رحت مستشفى الهادي سوا لي تخطيط وسونار وعطوني ابرتين مادري شنو اهم
والحمدالله على كل حال قالي بعد اسبوع انولدج قيصريه لانه المشيمه نازله
والماي اللي ينزل علي زايد والطلق خف عن اول والله يسهل علي وعليكم
وبرد عليكم بعد مااقوم بالسلامه

 

[دآنة آلرشآيده]

دام خذيتي ابره الرئه
ماعليج شر ان شاء الله
الله يقومج بالسلامه انت والبيبي

 

[ام عفاف الكويت]

في بنتي اول اسبوعين من الثامن
وصح دشت شيشه فتره
كنت مو طبيعي قيصريه
والحمدلله

 

[LiL MaMa]

رد : اللي ولدوا بالثامن ساعدوني

اي حبيبتي مافي الا العافيه
انا يبت ولدي بأول 15 يوم بالثامن و حطوه بالشيشه
و الحين اسمالله عليه عمره 6 سنين
مافي الا العافيه
لا تحاتين بس ادعي ان ربج يسهل عليج

 

[&رعبوووبه&]

عادي لاتخافين وكلي امرج لله انا ولدت بالثامن وقعدت بنتي بالشيشه اسبوعين وطلعت