اللي ولدو في رويال حياة يطمنوني

[ديما غلاي]

السلام عليكم جميعا. ,,,,,,... بنات اللي ولدو في رويال حياة ابي تجاربكم في المستشفى لان اول مرة بولد فية والداتي كلها مستشفي المواساة وناويه أولد برويال لان ابي الدكتورة نداء بوخضور تولدني وانا خايفة من المستشفي من ناحية السيرفس والولادة والكمام ابيكم تطمنوني وتنصحوني هل أولد فية ولا اروح المواساة،،، وآسفة علا الاطاله*

 

[al om]

انا كنت والده عندهم 2008 ومارتحت حق السسترات بس ارفيجتي ماصار لها وايد والده وماتمدح فيه وسمعت انه تغير غير قبل السيرفس

 

[c a t w o m a n]

ما عندي فكرة بهالتفاصيل انشالله يفيدونج البنات

 

[Candel in the Desert]

والله انا ولدت فيه من قبل سنه وكان النرسات روعه والسيرفس مالهم وايد حلو والكمام وابره المسكن عجيبة
وناويه هالمره اولد فيه بعد ان شاء الله
بس انا دكتوري من بره مو من عندهم وما ادري عن نداء بوخضور

 

[أم حمودي**MALL**]

للاسف نو ايديا

 

[ديما غلاي]

ررفع

 

[زينانه]

انا بعد ناويه أولد عند نداء لانها ممتازه

 

[LA TROO7]

قبل 5 شهور والده فيه رووعه الخدمه ممتازة ورااحه فرررررق عن المواساة والسلام

مستحيل افكر بغيرة

 

[Kawaii GiяL]

وحده تمدحهم و تمدح كمامهم بس الدكتورة من برى فوزية القطان لظاهر العيب بداكاترتهم
انا انشالله بدار الشفاا بس لاعت جبدي من الزحمه و صار فيه هنود و جنسيات اخرى
مادري مو نفس قبل
​

 

[Kawaii GiяL]

لا تروح .. عند اي دكتور حبيبتي ولدتي ؟

 

[دمثة]

انا والدة عندهم مرتين دكتورتي خالدة المجيبل

يهبل ورووووووووووووعه قمة كل شي فيه الصراحة انا توني طالعه من النفاس

 

[ايمان80]

انا توني والدة عندهم من شهر
بس دكتورتتي فوزية القطان صراحة عسل

تبين نصيحتي ..
اولدي فيه وانتي مغمضه خدمة روووعة والسسترات ماقصرو معاي سواء بالولادة او العناية المركزة او الجناح

ولاتصدقين حجي البنات اللي يقولولج ان السسترات تتعامل معاج علي حسب الغرفة اذا مستواها عالي او لا

ولاتنسين التساهيل من الله

 

[الكريستال]

عن نفسي حيل ارتحت لهم

 

[NODA 2]

ايننننننننننننننننننننننننن توني والد قبل اسبوع و هذا ثاني مره لي
صج حلو ومريح والسسترات توب توكلي وروحي

 

[mooma]

ديما غلاي
يعطيج العافيه عالموضووع حبيبتي
انا كنت منزله موضوع رويال ولا دار الشفا
و البنات مادري ليش ذمولي اياه اللي خفت صرااحه !! بس وااايد حابه اروحله
بس الحين شفت موضووعج و البنات شلوون يمدحوونه لا ان شاء الله بوولد هناك باذن الله
و الله يسهل يا رب احنا ما نبي شي غير السهاله لو الولاده سهاله ما يهمج الدكاتره و السسترات شنوو !!
الله يسهل عليج و علينا و على الحمل يا رب و يرزق كل محروومه

 

[LA TROO7]

لا تروح .. عند اي دكتور حبيبتي ولدتي ؟

عند رئيس وحده الولاده عندهم د عصام صقر

 

[ديما غلاي]

مشكورين وماقصرتو كل اللي رد علي،،،:eh_s(17)::eh_s(17):

 

[نايس]

انا ولدت برويال حياة قبل سنه تقريبا
كل شي كان زين حمدلله.. الستاف، الخدمه، النظافه، الرعايه، ... كل شي
وحتى دكاترة الاطفال في منهم وايد زينين حق مراجعات البيبي عقب ان شاء الله

بس للامانه انا ما جربت الكمام بس ابره الظهر وكان الدكتور وايد زين، وكانت دكتورتي خالده مو نداء

توكلي على الله ولا تحاتين والله يسهل عليج ان شاء الله

 

[غاليه واتغلى]

انا نفاس ووالده فيه صراحه قمه في الروعه