اللي يبي معلومات عن ميونخ والاسعار والاماكن السياحيه, انا حاضره

[غربتي طالت]

مرحبا صبايا

بحكم اقامتي بميونخ انا حاضره على جميع تساؤلاتكم واستفساراتكم..

وبصراحه انا استانست وااايد هالسنه لأن كان في كثيييير سياح من الكويت وحسيت كأني بديرتي وذكروني بأيام زماااااان


انتظركم السنه الجايه :eh_s(8):

 

[د-سوسه]

ميرسي حبيبتي توني اشوف موضوعج انا كاتبتلج رد بموضوع ثاني ..
انتي شرحي اكثر الجو..الاسعار وعروض الطيران اذا تعرفين..الاماكن السياحيه انا ودي اروح مع ريلي سفره من خمس لي سبع ايام وانا ماحب اتسوق وايد واخلي السفره كلها سوق لانه يمل ويتضايق فياليت تعطيني تفاصيل

 

[غربتي طالت]

هلا اختي د سوسه

ماعليكي الا تحجزي ع ميونخ المانيا.

هذا الصيف كان في كثيييييير عوايل من الكويت الغاليه.


ميونخ تعتبر ثاني اكبر عاصمه بألمانيا, الاكل الحلال متوفر وين ما تروحين وموغالي. والاسعار مو كتير غاليه! اسعار الملابس حسب المحلات. الاشهر هاذي فيها تنزيلات للصيفي مو طبيعيه!!! لان الشتا قرب.

الجو الحين متقلب! اليووم حرررررررررر متل الكويت الساعه 2 الظهرر

بس البرااااد جاي قريبا يعني شهر 10 نص 10 تنفرش شوارع ميونخ بــأورااااق الخريف الصفراء . يعني منظر فظيييييييع والله!!
بالنسبه للأماكن السياحيه انصحك بمدينة جارمش اللي تطل على جبال الالب اللي تبعد عن ميونخ تقريبا ساعه ونص بالقطار
هواها غيييير سبحان الله والشمس تحسينها قريبه حيييييييل.

بالنسبه للسكن في ميونخ بعمارتنا بأمكانك انك تأجري شقه مفروشه كامله حتى المطبخ فيه جدووور وصحون كل شي
ما عدا الاكل طبعا
ولا يهمك امي طباخه ماهره

حتى التلفزيون فيه كل المحطات العربيه! وكل اسبوع تتنظف الشقه بالكامل وتتغير الشراشف!
والليله 65 يورو بس يعني اوفر من الفنادق, الفنادق اللي بالسنتر اقل فندق ابو نجمتيين على 90 يورو لليله !!


واذا عندك اي استفسار انا حااااااااضرررررره

 

[د-سوسه]

والله بصراحه عرض حلو خليني اكسر حساباتي وابلغج ..

 

[>>sHy<<]

مـــــرحبا ,,’’

حبيبتــــي إذا برووح من فرنـــسا أو سويسرا إلى ألمانيا ,,

شلون أرووح ؟
بمترو ولا طياره ؟؟


ومتى يكون الجوو باااااآآآرد عندكــــم ؟؟

 

[غربتي طالت]

هلا حبيباتي...
اذا من سويسرا لميونخ انصحك بالطياره لأن بالمترو يطول 12 سااااااااعه !!!!!!!!!
اما من فرنسا باريس يصير بالمترو 8 ساعات بالعادي و6 ياساعات بال Ice السريع

 

[غربتي طالت]

الجو يكون باااااارررررررررررررررد بـاخر 12 والثلج ينزل بشهر 1 يعني سالب 16

بالنسبه للجو بميونخ احنا اول ماجينا ما حسينا بالبرد كثير يعني كنا ندفى بجاكيت.
بس الحين وبعد مرور 7 سنييييييييييييييييييييييين صدقوني والله العظيم اني اتغطى ب 3 بطاطين
وحده تحتي واثنين فوقي!
وما ادفى بعد!!!!!!!!!!!!!!!!!!!!!!!!!!!!!!!!!!!!!!!

ولما اطلع خاصة شهر 2 انسلخ من البررررررررررد واشتاااااااق لرطوبة السالميه لوووووووول

الزبده

احلى وقت نص 12


وسلامتكم,,,,,,,

 

[>>sHy<<]

يسلموو آختي واايد واايد ,,’’

^_^

وبعــــطيج العافيه يـــارب ,,’’

 

[همسة ورد]

مشكوره حبيبتيس حبيت اعرف اذا بغينا نروح رحلات شوون الطريقه ؟؟

في مكاتب حجز رحلات ولا شلوون .. صراحه زوجي اول مره يساافر دول اوربيه

 

[الشرقية]

بصراحة ودي من زمان اروح اوروبا بس اللي موقفني ان ما نعرف انجليزي اوكيه...

وزروجي ماراح لاوروبا ولا مرة يعني ما نعرف شي...

وانا ودي اروح اكثر من دوله مثل زلمسي-ميونيخ- انترلاكن-زلالسزبوج-ودي بعد بفينا بس ما عندي احد يضبطني والقروبات محد يمدحها...

تكفين انقذيني والله طحتي علي من السما.............

ابي التفصيل الممل وين احجز؟ اي سفريات اذاعندج خبرة ولا تقولين النت لان كله انجليزي..؟

وابي الدول اللي قريبه من بعض وين اروح اول شيء وبعدين وين؟؟؟ وشنو الفنادق؟؟؟ وشنو الرحلات؟؟وشلون الاسعار؟؟؟؟؟


واسفه ع الاطاله بس اعذريني؟؟؟؟؟ ودي اروح وخايفة اضيع انا وزوجي...........

 

[ريماس الحلوه]

انا بسال نفس الشرقيه وكم تكلف السفره

 

[د-سوسه]

نفس الاسئله

 

[flowar18]

حبيبتي ممكن اسم العمارة او الرقم علشان اذا بنحجز شقة بالصيف الياي و شلون نحجزها؟

 

[تعبتني طيبتي]

هلا حبيبتي .. انا رايحه ألمانيا . قبل ..أسبوع واحد بس..

بس بسألج ... أنا يوم سكنت ... قبل سكنت بالماريوت .. ميونخ ...


نمشي ربع ساعه لين نوصل الالمرينا.. عز السوق. .


شقتكم وين .. مكاناها ..؟؟؟ وهل يمها سوق ..؟؟ قريبه ريم المارينا ...<<< مو مهم لان المارينا ما عجبتني أصلا. .

وتقدرين تصورين لنا صور عن شقتكم .. ولو بحجز .. شلون أحجزها ...؟؟؟؟ أدق على منو ..؟؟؟


حلو حيل 65 ... حيل حيل حلو ...

 

[تعبتني طيبتي]

اللي لاحضته هناك ..

الدوله حيل حيل حيل.. رخيصه بالنسبه لدوله أوربية ...

يعني نفس أسعار الكويت ... أو أرخص شوي. .

من ناحية الأكل .. رخيص ..<<< إذا ما رحتي مطعم قعدات . عربي .. أو إيراني .أو تركي إلخ ....


الشعب نضيف وحلو .. وما فيه مشاكل..

 

[.. مـــلاكـ ..]

ميونخ تهبل
رحت لها هالسنة

مشكورة على الموضوع
ما قصرتي

 

[مطيريه ماركه]

شخباري ميونخ ولهت عليها قواكم الله بنات فيدوا بعض

 

[غربتي طالت]

هلا حبيبتي .. انا رايحه ألمانيا . قبل ..أسبوع واحد بس..

بس بسألج ... أنا يوم سكنت ... قبل سكنت بالماريوت .. ميونخ ...


نمشي ربع ساعه لين نوصل الالمرينا.. عز السوق. .


شقتكم وين .. مكاناها ..؟؟؟ وهل يمها سوق ..؟؟ قريبه ريم المارينا ...<<< مو مهم لان المارينا ما عجبتني أصلا. .

وتقدرين تصورين لنا صور عن شقتكم .. ولو بحجز .. شلون أحجزها ...؟؟؟؟ أدق على منو ..؟؟؟


حلو حيل 65 ... حيل حيل حلو ...

هلا حبيبتي,,,
احنا 10 دقايق بالمترو توصلي المارينا,:ada:
جنب الشقه في جمعيه ومحل تركي حلال وتحت العماره بالظبط في محل اتصالات وانترنت.

والله العماره نظيفه وبالنسبه للفرش انا ما شفته.

يعني في شقه غرفتين وشقه 3 غرف

في عنا سمسار اسمه ابو يونس تونسي مادري مغربي هو عنده تفاصيل اكتر وهذا رقمه
00491752896666


واي شي اناااااااا حاضره:gathering:

 

[غربتي طالت]

نسيت اقول اسم الشارع . برودا مول شتراسه

 

[خشف المطران]

65 يورو .. كويتي تجي أقل من النص ..؟؟

يسلمو قلبي عالموضوع .. خوش موضوع ..


وين تنصحيني بمناطق ريفيه حلوه فيها مطاعم ومولات معقوله .. مو غاليه ولا ريفيه حيل ..


و أبي مدينة ألعاب لشباب مو للأطفال .. ؟ << أبي أعيد شبابي الضائع هههههههههه

طبعا غير اليورب بارك .. حيل بعيده 4 ساعات عن السنتر ..


بس أبي بنفس جودتها وببنفس الوقت قريبه يم شقتج ..؟؟
وين تنصحيني ياقلبي.؟؟