اللي يشترون من الانترنت فيدوني الله يعافيكم

[~ام خالد~]

السلام عليكم ورحمة الله وبركاته

الله يعافيكم البنات اللي يشترون من النت ابي مساعدتكم
انا ناويه اشتري من النت وهذي اول مره لي
اللي اعرفه انه لازم يكون عندي صندوق من ارامكس على سبيل المثال
بس الاهم طريقة الدفع ....
في شي اقدر استخدمه غير الفيزا او الماستر؟؟؟

خصوصا اللي قاعدين نسمعه هالايام اشيا تخوف اللي يبقون من حسابه وجذي
وهالسالفه صارت مع وحده اعرفها مسكينه
فقالت لي انه في بطاقات تعبئه او شي جذي
يا ريت اللي تعرف شي عنهم تفيدني ضروري

ومشكورين

 

[WarDa_7aMra]

حبيبتي على حسب المواقع
في توصيل للبيت كاش وفي كي نت

وانشالله يفيدونج البنات اكثر

 

[~ام خالد~]

هلا حبيبتي مشكوره على ردج

بس انا اقصد المواقع الاجنبيه

 

[Japanese]

في بطاقات اسمها card-net

انا مسويتلي بطاقه من المجموعه ف الدوحه ... اذا عندكم المجموعه the group تقدرين تطلعينها من عندهم

وصج ترى =( سوالف الفيزا والنت تخـــرررررعععع .. لو قدرتي تلقين بطاقه جذي أضمن لج واريح

وفي بطاقه اسمها paypel شي جذي .. نفس الفكرة

واي بعد البنوك تسوي مثل هالبطاقات ... بقولج اسم كذا بنك >> البنك التـجاري +

البريطاني :/ اممم عموما انتي شوفي البنوك @@ =)

 

[~ام خالد~]

مشكوووووووره حبيبتي ما قصرتي
بلى قريت باحد المواضيع
انه في شي اسمه انترنت كارد يطلعونها من البنوك
تسلميـــن

 

[موزة ام فارس]

تسوين لج انترنت كارد عن طريق البنوك

 

[mrs_sugar]

فيزا - نت

امنة و ما منها خوف

 

[bashayerr]

في visa مسبقة الدفع يعني ما فيها رصيد كلش أنتي تعبينها مثل البطاقات مسبقة الدفع عادي تحويلين المبلغ اللي تحتاجينه فيها من حسابج إلى هذي الفيزا بالنت من غير أي رسوم وبعدين تستخدمين الرصيد اللي فيها بأمان من أي موقع بالنت أو حتى إذا غيرتي رايج تبين تسحبين فلوسج منها عادي تسحبينهم من أي جهاز atm أو بالكي نت مثلا إذا كنت بالسوق ............هذي سلمج الله تاخذينها من بنك بوبيان حتى لو ما كان عندج رصيد أو حساب عندهم قيمتها السنوية 2.5دك وأول ما تفتحينها لازم تحطين فيها رصيد 10 دك ...........وسلامتج

 

[~ام خالد~]

ما قصرتو وفيتو وكفيتو

 

[SaMoOoRa]

روحى بيت التمويل الكويتى - واخذي من عندهم فيزة الانترنت - وحطى فيها المبلغ الى تبين تطلبين
وبجذي ماتحاتين انه احد ياخذ من فيزتج والله يسهل عليج

 

[FRuiT ZaBaDi]

انا عندي بطاقه فيزا انترنت من البنك الوطني
طلبتها برصيد صفر وانا اعبيها بالمبلغ اللي ابيه وقالولي اول سنه بلاش وثاني سنه عمولتهم 5 دنانير
بس للامانه ولا مره طلبت ولا شريت من الانترنت

 

[~ام خالد~]

مشكورين بنات ما قصرتو
FRuiT ZaBaDi
عاد انا حسابي بالوطني
بروح اشوف واتوكل على الله