مشاركة: اللي يعرفون للكروشيه بليز يساعدوني وبدعيلهم ابي ديزاينات
خيتو هالكتاب موجود في منتدى حواء ,, اعتقد للكاتبه الطيور المهاجرة
و وايد حلوين الغرز انا قلبي يعورني لم اشوفهم ,,
الورده الحمرة هذي الله يسلمج جورية ,,
وووو انا علمتني اسوي جاكين الي يكون قطعه وحده من غير ما اقطع الخيط الا في بعض المواضع ,, انتي شكلها علمتج الي يكون قطع و تجمعينهم على بعضهم
والواجب حبيبتي سويه انتي عشان تتعلمين ,, خخخخخ
والشرايط روحي اشتري رول شريطه كامل و استغلي فيه عادي ,, انا جربت اسوي جذي ,, و شكلها حلو بس فيها عيب ,, ان الشرايط الغرزة فيها تتمطط و تتمغط ما تصير ثابته مثل الخيوط ,, يعني لازم تستخدمين الشي بعد ماتخلينه شوي شوي ,, يعني ممكن لعرس او حفله او يمعه شي ما يكون استهلاكي ,,
وفي لو تلاحظين خيوط مثل الورق الكريشه هذيل سألت عنهم ومادري ماحصلتهم
عندج خو كل نوع خيوط حق كل موسم ,, القطن للصيف ,, المخامل والاصواف و المهيرات حق الاشتا ,,
اذا كنتي تبين تسوين شي ينلبس عرفتي ؟؟
اما اذا جنطه ولا علبه كلينكس ولا كفر حق موبايل او تلبسين قواطي و إلى ذلك ,, فعادي اي نوع من الخيوط ,, و لاتنسين تراعين حجم الابرة المناسب لكل خيط
على فكرة بنت ام امير ,, عندها خيط يوم شفته فزززز قليبي المسكين ,,
تخيلي اييج خيط امتين وانتي تشتغلين يضعف ويرد يمتن و ماتدرين اهو مخمل او صوف اهو قطن ,, في مثله الحين في بركات ,, شريت منه بكرة وحده نمونه بس ,,,
غالي والكمبية بطيخ ,, بركات ببطل اشتري منهم وكلا من ام زينب " بنت ام امير " ان شاء الله ,,
ام زنوب ما شاء الله الله يوفقها يارب بعد عرمي اسعارها حيييييييييل معقوله و خيوطها وايد حلوة وكميتهم وايد حلوة بعد يعني مناسبه مو مثل هالنهيبه بركات ,,
اما المجلات انا اشتريهم من بركات ,, الي بط جبدي ,,
شفتيا لمجلة مالت الغرز الي نزلتها في حواء في موضوع جميع باترونات مجلاتي تجدونها هنا ,,
اول مجله هذي فيها 262 نقشه ,, وشي طبيعي ان ورا كل مجله ملحق بكل الغرز المستخدمه في الكتاب مع طريقة العمل ,,
المهم ,, وحده ياتلي جان تقولي انها شافت نفس المجلة في النت يمكن ماتطلع بجم دينار ,, و انا شاريتها بـ19 دينار تقريبا ,, بس يعني سعرها يصلخ ,, وفدوة للكروشية ..
]
