اللي يعرف شنو هي الجبسه تدخل ضروري

[hneen2]

بنات ريفيجتي صارلها متزوجه سنتين ما الله كتبلها الحمال وراحت وراجعت كذا دكتور اكدلها ان اهي وريلها سليمين ومافي شي يمنع الحمال فراحت عند حرمه تعرف بسوالف تأخير الحمال يعني تبخر وتدهن وتسبح الحريم بماي مقري عليه فقالتلها انتي مجبوسه وجبتسج قويه ؟؟؟؟؟؟؟؟ السؤال شنو هي الجبسه وشنو الشي اللي يفج الجبسه اللي تعرف ترد علينا ضروري لان ريفيجتي وايد خايفه من السالفه هاذي عفيه اللي تعرف تقولنا بالتفصيل ؟؟؟؟؟؟؟؟؟؟؟؟؟

 

[ZajiL]

:eh_s(1)::eh_s(1)::eh_s(1):

ياستر شنو هذا بعد

اول مره اسمع فهالاشيااااااااااااااء :eh_s(1):

 

[3rosa]

ما ادري سامعه فيها ما اعرفها بالضبط
يمكن امسويلها عمل ما تحمل او منظورة
لكن علاجها تعبر بحر يعني في قوارب تطلع بدينار يم سوق شرق و مطعم مركز السلطان

الله يفك جبستها و يرزقها بالذريه الصالحه

والله اعلم

 

[3rosa]

ذكرت في وحده اعرفها من 16 سنه واهي متزوجه بس ما كتب لها الحمال بس اهي سليمه و ريلها بعد وفي من الايام طلعت من صديقاتها و ركبوها القارب واهي كانت تخاف من القارب و قالو لها ركبي و ركبت بعد اسبوع ما اذكر بعد جم حللت و طلعت حامل ويابه ولد و خايفه عليه من نسمه الهوا


الله يرزقها ان شاء الله و لا تنسينا بصالح الدعاء

 

[foozia_87]

معنى الجبسه ومن وين يات للعلم والنصيحه ببلاش هل الايام
هذي من سوالف اهل الكويت والخليج عامه بمعنى العروس ما تدخل على عروس ولا والده ولاارمله ولاهم يدخلون عليها لمدة 40 يوم علشان ما تنجبس بعدين ما تحمل او تجهض مراة عده فكان باعتقادهم انه اذا دخلوها بين قطيع من الغنم او قطوها بالبحر او خرعوها واهيا نايمه او تسافر ويضيعها زوجها المهم تخاف خوف شديد تروح منها وتحمل وسالوا فيها شيخ دين راح يقولج بدعه وكل بدعه ضلاله وكل ضلاله في النار

 

[fatma]

معنى الجبسه ومن وين يات للعلم والنصيحه ببلاش هل الايام
هذي من سوالف اهل الكويت والخليج عامه بمعنى العروس ما تدخل على عروس ولا والده ولاارمله ولاهم يدخلون عليها لمدة 40 يوم علشان ما تنجبس بعدين ما تحمل او تجهض مراة عده فكان باعتقادهم انه اذا دخلوها بين قطيع من الغنم او قطوها بالبحر او خرعوها واهيا نايمه او تسافر ويضيعها زوجها المهم تخاف خوف شديد تروح منها وتحمل وسالوا فيها شيخ دين راح يقولج بدعه وكل بدعه ضلاله وكل ضلاله في النار

فوزية معلومتج وايد حلوة ومشكورة عليها

 

[3rosa]

اي صح انا اقول سامعتها وين قالولي لمن بنت عمتي انملجت وانا باجر عرسي قالو عمتي ما تصير اتيي علشان ما انجبس ولا بنتها ولازن اكل منه اكلها واهني تاكل من عندي ...... بلاوي

 

[سفيرة العشق]

انا سمعت عنها ووحدة من رفيجاتي كانت جذي قالولها روحي عن وحدة توها والدة بالنفاس
وتحلب من صدرها على ظهر المجبوسة

وبعدها تحمل باذن الله ....

 

[Pretty Amoola]

بنات ريفيجتي صارلها متزوجه سنتين ما الله كتبلها الحمال وراحت وراجعت كذا دكتور اكدلها ان اهي وريلها سليمين ومافي شي يمنع الحمال فراحت عند حرمه تعرف بسوالف تأخير الحمال يعني تبخر وتدهن وتسبح الحريم بماي مقري عليه فقالتلها انتي مجبوسه وجبتسج قويه ؟؟؟؟؟؟؟؟ السؤال شنو هي الجبسه وشنو الشي اللي يفج الجبسه اللي تعرف ترد علينا ضروري لان ريفيجتي وايد خايفه من السالفه هاذي عفيه اللي تعرف تقولنا بالتفصيل ؟؟؟؟؟؟؟؟؟؟؟؟؟

شوفي حبيبتي ، أنا سمعت من الشيخ العريفي أن الواحد ما يتعالج عند

أي حد!! وخصوصا الي يستخدمون البخور!!! وإنت قلتي إن المرة

الي راحت عندها رفيجتج بخرتها !!!

أنا أشوف إن رفيجتج وضعها إن شاء الله عادي ووايد ناس حملوا بعد

السنتين وبعضهم أكثر وصار الحمل طبيعي بدون علاج، خليها تتوكل

على الله وتكثر الإستغفار وتكثر من الصدقات وتدعي بصلاة القيام وإن

شاء الله بتحمل ​

 

[كويتيه مذهله 87]

الجبسه هي الي تكون عروسه وتدخل عيها توها والده او توهاطالعه من العزاا

او وحده والده والعكس صحيح

وعلاجها ما اعرف والله

 

[قلبي_طيب]

انا اختي صار فيها جذي بعد ما املجت زارت حماتها كانت والده و مر عليها سنتين و ما احملت و قالولها جبسة عاد خذوها وودوها فيلجا و ردوها
واحملت بعدها ابجم شهر

 

[^^ام ميمي^^]

الجبسة مثل ما قالو البنات
وقالو انها ما تنفج الا بالسنوات الفرديه يعني عقب سنه او 3 او 5 او 7 او 9 وهكذا
وانا كانو قايلين لي انتي مجبوسه لان كان عرسي مع عرس اختي بنفس اليوم ودخلنا على بعض وكل الخرااافاااات اللي قالولها سويتها ما خليت شيء ما سويته عبرت بحووور ومحيطات وانهار و تبخرت واحلبو على ظهري و كل شيء يطرى عليكم سويته والحمل الحمدلله صار عقب ما قطعت هالاشياء كلها وحجيت والحمدلله مصليه ومزكية وقاضيه فروضي الخمس واتصدق والحمدلله على كل حال

وحملت بعد 4 سنوات يعني عدد زوجي مو فردي مثل ماقالو


ربي يرزقها ويرزق كل محرومه

 

[خذاني الشوق]

كله خرافات بخرافات انا كنت عروس ودشت علي مرت اخوي والد توها بالنفاس بلييلة عرسي وبنات عمي ثنتين تزوجوا مع بعض ولا وحده طولت فينا بالحمال علي طول حملنا بس صدقيني يمكن عين صايبتهم او شي احسن تقرى عند شيخ ثقه مثل الحداد ابوسامي

 

[vooom]

انزين شنو الفرق بين الجبسه والتابعه؟؟؟؟؟؟؟؟؟؟؟

 

[بطوطه خانم]

اعتقد خرافات

مالها اي اساس من الصحه

 

[*وردة السعوديه*]

اول مره اسمع احنا ماعندنا بالسعوديه كذا؟؟

 

[Coffee-Girl]

حدددددددددددددددده خرافات

 

[.>حــــــــ(و)ـــراء<.]

الله يعينها

بس اتوقع خرافات

خل تقرا على نفسها الرقيه الشرعيه احسن

 

[hneen2]

ان شالله ببلغها حتي انا نفس رايكم قتلها يمكن كل اللي قالته خرابيط بس تقول ان يدتها وعماتها اكدولها ان الشي موجود ومثل راي بعض الخوات انها لازم تخطر بحر او شي جذي علشان جذي قلت احط الموضوع ونشوف للي سامعه عن الموضوع ؟؟؟؟؟؟؟؟؟؟؟؟؟؟

 

[دمثة]

والله كل انا عبرت جسر البحرين بدال المرة 4 مرات ولا صار حمال

الرزقة من رب العالمين