هيدا ريفيو من مدونة me blogging
نفنوف
أولا: نبدأ بمحل العثمان
المكان : السالمية - مجمع مريم
الأسعار : $$$ حول الـ 800 دينار و ما فوق
الموقع الإلكتروني : إضغطي هنا
نفس المجمع عندهم العثمان الأوتلت ، بالطابق الثاني ، بس ماني متأكده ليما الحين موجود و له لأ ، لأن توا من جم يوم نشوف صور
لأغراضهم حاطينهم في الشويخ يم مجمع التلال ، فمادري شالوا كل شي أو صار عندهم مكانين
تلفونهم للتأكد
00965 24913721
طبعا الاوتلت في أشياء قديمه و بالخصم
السايت : إضغطي هنا
تره السايت تقدرين تشترين منه
source
مثلا هذي بدلة نعيم خان سعرها ألحين 439 دينار كويتي و كانت بـ 2198 ، للشراء إضغطي هنا
ثانيا: الأسطوره
المكان : السالمية - مجمع زهرة
الأسعار : $$$ إبتداءا من 700 تقريبا و بعض المرات إبتداءا من 1000 إنتي و حظك يومها
الموقع الإلكتروني
بنفس المجمع ، تحت أكو جم محل يمكن الواحد يلقى في شي زين
إسم المحل : أس ستايل و فايولت
الأسعار : $$ إبتداءا من 400 دينار كويتي
الأسطوره الثاني
المكان: السالمية - مجمع الثريا
الأسعار: $$$ مختلفه
كل الماركات التابعه لشركة الأسطوره هناك
ألكساندر مكوين
إترو
بووتشي
بالنسياغا
دريس فان نوتن
موسكينو
أنتونيو مرراس
كفالي
كلوي
لانفا
و غير البوتيكات ، فوق كلش ، آآآآآآخر طابق متروس ماركات و كلهم مع بعض ، من طقت ماري كترانتسو ، جل ساندر ، مارتن مارجله ، جوتيي و الربع
ثالثا : الصالحية
المكان : مجمع الصالحية
الأسعار : الحظ ، يا وايد رخيص او وايد غالي
من الأسعار الخيال إللي قاعدين نشوفها ، صارت الماركات أرخص
كم مره ألقى بدله فندي سعرها معقول ، أو فرساتشي ، فالوحده لازم تدور ، ما تدرين شنو تلقين
Vika dress available at Boutique N source
رابعا : برج جاسم
المكان : مدينه الكويت
الأسعار : $$ معقولة إبتداءا من 300 دينار
المكان جدا هادئ و صغير فيه بوتيكات صغيره عندهم ماركات جدا مختلفه
إلي من الهند و إللي من لندن و إللي من الخليج
شي غير
أسماء المحلات
Dar Usha دار يوشا
Boutique n بوتييك أن
Edge Boutique أج بوتيك
Mixage store
خامسا: أماكن جديدة
المحلات إللي و له مره رحت لها بس أدري عندهم أشياء حلوه و بأسعار مناسبه
غري فاشن grey fashion
المكان: برج التجاريه - مدينه الكويت
Event in White
هم في التجارية
Mixage
الشويخ - يم مجمع التلال
يبيله تلفون عشان تدلون
+96569660002
Boutique 4
أشيائهم وااايد غريبه ، أغلب الناس ما تعجبهم ، بس إللي يعرف لهم يطلع ينن ، أغلب لبسهم أسود و إذا صار في لون يا أحمر أو فسفوري
المهم ، دامكم واصلين الشويخ مروهم ، مكانهم يم مجمع التلال
هذي كل الإختيارات بالكويت ، بالنسبه لي صار الإنترنت وايد أسهل ، إذا كلش كلش ما لقيت شي طلبت اون لاين
السايتات إللي أحبها طبعا
Net a porter
و آخر مره طلبت بدله سهره من
farfetch
