الماستر والفيزا سلاح ذو حدين

[*أم*خالد*]

السلام عليكم

شلونكم خواتي

انا لاحظت من اغلب اللي اكلمهم يتشكون من الماستر والفيزا

اللي يقولون نهيبه واللي يقولون تكسر الظهر واللي يقولون يقصون وايد

خواتي

انا بتكلم وبخص بنك واحد فقط اهوا بنك الوطني لأن الفيزا والماستر عندهم تستاهل اما الباجي تلش

مو دعايه والله .. وانا الكل يدري اني مدرسة روضة ولا علي من شغل البنوك بس ابي الكل يستفيد

شوفو

اول شي الماستر والفيزا شغلهم " دين " يعني انتي تتسلفين من احد عشان تشترين الاشياء اللي تبينها

مو ذنب الماستر والفيزا اذا انتي ماتفرقين بين الضروري وبين الكمالي .. وتمشين وتشخطين فيهم جنه تغرفين من بير فلوس اهني انا بقول انتي الغلطانه وانتي اللي ماتعرفين تستخدمينهم مو منهم الغلط

الفيزا والماستر لهم استخدامين فقط لا غير

1) في حال عندج سيوله بالبنك يعني معاشج ليلحين ماخلص .. دشيتي محل من المحلات المشاركة في برنامج نقاط الوطني اهني تشترين بالماستر او الفيزا وعلى طول ترجعين البيت تدشين النت وتسددين .. اهني انتي ضربتي عصفورين بحجر
اول شي انج استفدتي من برنامج نقاط الوطني الروووعه وثاني شي ماحملتي ظهرج ديون

2) في حال ماعندج سيوله بالبنك ومحتاجه فلوس لـ " شي ضرووووري " مثلا عندج موجب وتحتاجين تشترين هديه او ماعندج فلوس للبانزين او او .. مو حلوة تمدين ايدج حق احد وتقولين عطوني .. اتكلم عن العزوبيات اما المتزوجات الله يخلي لكم رياييلكم
اهني انتي تستخدمين الفيزا او الماستر بس استخدميها بحكمه يعني قبل لا تشترين الشي قولي صج ضروي ؟؟ ولا كمالي ماله حاجه ؟

ودايما أول ما ينزل المعاش صفري الفيزا والماستر .. كيشيهم كلهم وارتاحي

هذي طريقتي لاستخدام الفيزا والماستر .. ومرتاحه حيل الحمدلله

واتمنى انكم تستفيدون خاصة اللي توهم يطلعونها

وتذكروووا " لكل فعل عواقب "

 

[Business Girl]

انا وايد استفدت من مكافئات الوطني علشان جذي مخليه الفيزا عندي بس ساعات يبطون الجبد مايحسبون نقاط لووول

طريقتج وايد حلوه انج اتصفرين البطاقه على طول خصوصا حق اللي فيزتهم بالاقساط نفسي يعني كل شهر ياخذون رسوم يعني جنه ماسوينا شي لوول

يعطيج العافيه

 

[^kloOot^]

والله انا اشوفها ادمان


يعنى احنا المعاش عندنا ونطيره على طووووووووووول


جان زين انخش الفيزا ومانصرف الا حق الضروره

عشان جذي ما افضلها

الواحد لالالالالالالازم يخشله لو 20 دك بالشهر حق وقت الحاجه

20 دك بالشهر تسوي شغل لا تستهينون فيها



الفيزا مجرد ماتسحبين من البنك ياخذون مبلغ وغير الفايده ليش ؟؟

ومشكوره على الموضوع

 

[فارسة خالد]

يعطيج العافيه يا أم خالد .. ابي اعرف شنو يعني نقاط الوطني والمكافآت انا دشيت الموقع مالهم وما فهمت شي ؟؟؟ ممكن اتوضحين لي ما عليج امر

 

[أم سيف وسلطان]

يزاج الله خير

 

[غصن الغلا]

بالي مرتاح من الفيزا والماستر

 

[الحلا و الزين]

أنا بسئل في بطاقة جديدة أسمها بطاقة الخير في بيت تمويل هل هي فيزا و إلا لا ياليت اللي تعرف ترد ؟!آسفه داشع عرض