الماضي هد حيلي ...

[أمل q8]

مسسسسساء الخيييير


شلونكم خواتي أنا صج صايره ماأشبك حيل عقب ماطلع هالأيفون والبلاك بري لكن اليوم لما أحتجت نصيحه أخويه وخوات يعطون النصيحه من قلب مالقيت الا أنتم ويارب خواتي تساعدوني ..


المشكله صج صج هدت نفسيتي وحيلي ودمرتني من التفكير والقهر مشكلتي انا أسيره لذكريات الماضي من مواقف أرتكبتها بذنب ومن غير ذنب متعبه نفسي حيل بالتفكير أدري بتقولون كثري من الأستغفار وحاولي تشغلين نفسج حاولت واستغفر واصلي بس الوحده القاتله ذابحتني لضروف الحياه انا عايشه مع اخواني كلهم متزوجين واختي الوحيده متزوجه وكله قاعده بروحي تحت مع الخدم والكل بشقته واليهال عندي يلعبون وصرت منغلقه ونظام أخواني البنت ماتطلع مع رفيجاتها وأستقبال بالبيت ماقدر أستقبلهم حريم أخواني قاطين عيالهم تحت وشياطين وملاقيف علي بنات خلق الله عشان جذيه ماعاد استقبل أحد منهم وصرت اسيره لكل موقف محرج موقف حزين موقف صعب أفكر فيه صرت لاأهتم بلبسي ولاشكلي وأحس الحياه لازم يكون لها نهايه لدرجة أني أحيانا أقول يارب أموت حياتي مالها معني وأقعد أفكر لو مت هل الدنيا تستاهل هل أحد بيحزن ولابيحس بفقدتي ..ساعدوني أطلع من هالجو الكئيييب..​

 

[ياغفور اغفر لي]

شدعوه حبيبتي قولي لا اله الا الله

لا والله اهتمي ينفسج واستانسي وعزمي رفيجاتج حتا لو عيال اخوانج شياطين شنو تسوين بعد عادي

حاولي تملين فراغج نادي او دراسه او دورات اسمج تروحين وتجين

وبعدين مالج الا الله ادعي ربج ليل نهار يرزقج بالرجال الصالح اللي يغنيج عن الكل

 

[سارونه الامورة]

حبيبتي والله انتي نفسسي بس وش نسووووووي لازم نعيش هذي الحياه

اول شي لاتيئسين من الله الجي الا الله اهو الوحيد اللي يقدر يفرج عليكِ كربتكِ وهمومكِ

وياحبيبتي ااذا على المااضي كلناااااا لنا مااضي بس لو وقفنا عند المااضي مراح نعيش المستقبل وراح نفقد المستقبل وبعدين راح

نتحسف عليه لان بيصير مثل المااضي حبيبتي انتي لازم ماتسوين بنفسسكِ كذا اذا اهلكِ مش من النوع اللي البنت تطلع مع

صديقاتها لاتطلعين لكن مش مررره لا يعني مره من المرات اعزمي صديقاتكِ ولا اطلعي معهم يعني من فتره لفتره ترى والله كذا

احسسن والجي الى الله واكثري من الاستغفار لان الاستغفار يفرج الهموم واكثري من صلاه الليل ويمكن ربي يختبركِ في صبركِ

والله اذا احب عبد ابتلاه وانتي حبيبتي لاتفكرين في الماااضي احلف لكِ ان الكل له مااضي بس انسي وعيشي حياتكِ والله يوفقكِ

يااارب ويفرج همكِ ويرزقكِ من حيث لاتحتسبين ياااارب​

 

[سارونه الامورة]

ايه ولاتنسين انكِ تهتمين في نفسسسكِ اهم ماعليكِ نفسسسسسسسسسسسسسسسسسسسسسكِ وبس ماعليكِ من عيال اخوانكِ

واذا ازعجوكِ روحي لغرفتكِ ولاالحديقه ولا اي شي ولاتهتمين فيهم خير ماعندهم امهات ولا التعب كله عليكِ نصيحه لا تروح

حياتكِ كذا اهم ماعليكِ نفسسسسسسسسكِ وبسسسس لاتضغطين على نفسكِ ولاتتحملين شي فوق طاقتكِ ولاتصبرين على احد

انتي مش مظطره تصبرين عليهم ولا اهتمي في نفسسكِ من جميع النواحي من اهتمام في المظهر والترفيه عن النفسس والنوم

والراحه وكل شي وماعليكِ من احد واذا كل فتره اعزمي صديقاتكِ بنات عمكِ عمتكِ اي احد عاادي وخلي نفسسيتكِ حلووه لاحد

ياثر عليها ولاتهتمين في احد اذا كان يبون يزعجونكِ او يضايقونكِ اهم ماعليكِ نفسسسسسسسسسسسسكِ والله يوفقكِ ياااارب​

 

[روانتي 12]

اهتمي بنفسج .. وكل ماتذكرتي الماضي .. على طول روحي سولفي او طبخي او تسبحي او شغلي تلفزيون يعني اشغلي نفسج

ومع الوقت بتنسسسين صدقيني ..,*

والله يوفقج دنيا و أخره

 

[عيوني مودي]

هاذا الكلام يقولونة الي ماعندهم ثقة بالله وانتي اكيد منتي كذا قوي علاقتك بربك وبتشوفين ان حياتك تغيرت
والله يهديك ويوفقك

 

[fulla 7elwa]

اشغلي نفسج بالمطبخ بالشغل بالتلفزيون
تابعي الموضه روحي لبيت خوالج عمانج تواعدي انتي و اختج تطلعون تتمشون
عندج حلول واااااجد لا تسكرينها بوجهج
مثلا حطي برامج بفونج عن الاهتمام بنفسج شوفي البنات شيسوون تعلمي منهم
اعزمي رفيجاتج يوم يكونون الجهال ف بيت خوالهم وا استاذني اخوانج بيوم من الاسبوع ما ينزلون عيالهم
حبيبتي شغلي مخج لصالحج لا تقولين تعبت شوفي المواقع شكثرها دوري فيها عن كيفيه قضاء وقت الفراغ



تقبلي مروري

 

[توتا الكتكوته]

الله يستر عليج يارب ويهدي بالج

 

[ام كوثر2007]

حبيبتي جم عمرج وليش ما تزوجتي للحين ؟؟


ما في شي بيطلعج من الكابه اللى انتي فيها غير الزواج


عسى الله يسهل امورج يارب ويرزقج باللى يستاهلج ويعوضج خير

 

[Tom ♥ Jerry]

,


واي مو من صجهم :| !
شلون جي كلا عيالهم تحت و قآطينهم عليج ، مآ يصير


عمومآ حبيبتي كلمي آخوج قوليله آنج تبين تشتركين بـ دورة آو نآدي عشان تتسلين .!
أو على الاقل خل يسمحون لج آنه تعزمين رفيجآتج
و كلميهم بخصوص اليهال الي عندج تحت 24 ساعه !


الله يهدي الجميع يارب و يعينج !

 

[الزيزفونا]

خوذى دوره ..... وتقربي لله
وكثري من قول ربي اجعل اونسي بقربك
والله يكون بعونك
دعوتك حبي

 

[lovely~Noora]

تصدقين مريت بفترة كئاااااااااابة مثل هذي وحسيت بصدق اني وحيده!!ومالي احد وبديت اهمل بنفسي ونفس اللي يصير لج صار لي!!
تدرين عاد شسويت؟؟؟؟ كلما اتذكر شي يكدرني اقول حياااااااااااااتي وبعيشها مرة وحده ليش ما استااااااانس فيها؟؟
وبعدين اي واحد يحاول يكدرني او يزعلني ما يسوى ظفر مني ليش التفت له اصلا!!
والحين مطوووووووووووفه الدنيا وما فيها وعايشة حياتي وحتى من دون اي رفيجه!!
لان رفيجتي اللي كانت قريبة وايد مني هي اللي سببت لي هالحالة وعفت الرفيجات منها
والحين عايشة حياتي بدون رفيجاااات وعلاقتي سطحية مع الكــــــــــل وحلوة الحياة

 

[زهره الجلنار]

الله يعينج يارب ويفرج همج ويرزقج بالزوج الصالح عاجلا غير اجل يااااااااااااااااااااااارب

 

[om '3ala]

كلنا تمر علينا لحظات نتذكر الماضي و ينهد حيلنا بس لازم نصير اقوى عشان نقدر نستمر بهالدنيا
الله يفرج عليج و حاولي تعزمين رفيجاتج حتى لو عيال اخوانج موجودين اهم شي تونسين نفسج معاهم

 

[@ DLOO3TAH@]

الله يعينج ويرزقج بالزوج الصالح ..

 

[غلأأأأ مغليهأأأ]

لاتخلين الشيطان يوسوس فيج

واحمدي ربج تراج احسن من غيرج

وغيرررررررررج يتمني وقت الفراغ

تري الفراااااااااااغ نعمه وحاولي تستغلينها يالشي النافع
وليش انشالله ماتهتمين بنفسج وشعليج من عيال خلق الله خليهم مالج شغل فيهم وروحي واطلعي واستانسي مالج الا عمررررررررررررج