:: الماي حول الجنين زايد وانا خاااايفه طمنوني::

[*TOTO*]

انا الحين بنص الثامن تقريبا ومن السادس كان الماي زايد شوي بس كل ماله يزيد وقالت الدكتوره انه ممكن يأثر عالجنين اذا زاد اكثر واولد بعمليه هاليومين وهو كل ماله يزيد ويزيد واحس بطني بينفجر من كبره
وانا مافيني الحمدالله لا سكر ولا ضغط والبيبي ولله الحمد سليم
بس بسأل منو صار معاها مثلي وكملت شهرها وولدت طبيعي؟؟؟؟
تكفوووووون ردوا حدييييييييي خااااااااااايفه:0bee2e8d89:

 

[sona2003]

اختي انا صار معاي نفس الشي في ابني البكر بس كنت في اول التاسع وكل اسبوع الماي يزيد اكثر وحركة الجنين قلت يعني اقل من الطبيعي فدكتورتي عملتلي دخول للمستشفي وبدو من الساعه ثمانيه الصبح يحطولي في الصناعي وماولدت الا الساعه عشرة ونص باليل طبيعي والحمد لله يعني ممكن يحاولو معاك الاول يولدونك طبيعي بس العمليه كان احتمال قائم وان شاء الله ربي يسهل عليك وتولديين بالسلامه

 

[*TOTO*]

مشكوره الرد حبيبتي

 

[farina]

حبيبتي انا نفسج كنت من الشهر السادس لثامن و انا الماي زايد عندي و دكتوري كان راح يولدني من السابع بس انا ماستعجلت و رحت الصباح و اهمه هناك طمنوني ان كل شي اوك و مو محتاجه اولد مبجر و نفسج كنت احاتي الياهل بس الحمدالله كملت للتاسع وولدت و مافي الا العافيه

 

[الأميرة جوري]

انا بناتى كله تقولي الماي زايد واحتمال تولدين ولاده مبكره ,,,,,,,بس كلهم اكمل التاسع واووووولد طبيعي ,,,,,ووانتى تابعي وشوفي شنو يقولون لج

 

[q8tiaa81]

انا توني قبل شهرين والدة وولدت بالثامن لانه اصلا انا ولادتي مبكرة بعيالي ال3 والماي زاد عندي باول الثامن وبطن كبر بطريقة ملحوظة حتى الدكتورة قبل لاتسوي السونار قالتلي بس حمدلله بعد عشر ايام رد كل شي طبيعي وربج كريم وولدت وولدي حمدلله مافيه شي بس كانوا شاكين انه المريء عنده ضيج بس طلع كل شي تمام

 

[*TOTO*]

الله يطمنكم يارب بس والله خاااايفه وابجي

 

[عـــزآآآآآهـ]

ما عندي فكرة

بس دشيت ادعي لج ان الله يهون عليج وتولدين طبيعي وخلي عنج المحاتاة ترى بتتعبج نفسيا وهذا آخر شي تحتاجينه بهالفترة

 

[ساندريلا]

نفس مشكله اختي الدكتوره قالتلها ان الماي شوي زايد واهي بالخامس ووايد خايفه
بس الكل طمنها

 

[بيبي بدر]

الله يهون عليج وتكلمين شهرج وتولدين بالسلامة

 

[tmtmt]

ان شاءالله ماكو الا العافيه
الله يسهل عليج حببيبتي

 

[عزاااه]

انا نفسج بس تأكدي انه الماي مايجي سببه اله من السكر حمل ولاده اخر اسبوع بالثامن

 

[a7la_sanfoora]

انا بالخامس والماي زايد
قالتلي الدكتورة لا تكثرين من السكريات
والله كريم انشالله

 

[غنوة ستايل]

عسى الله يهونها عليج يارب .

 

[لهفة المشتاقه]

الله يهون عليج وتولدين بالسلامه

 

[ام ساري الحلوة]

رد : :: الماي حول الجنين زايد وانا خاااايفه طمنوني::

الله يسهل عليج وتولدين في وقتج

 

[souhaila]

الله يسهل عليج

 

[Um Ritaj]

انا كل حمالاتي الربعه والحين حملي الخامس كله الماي زايد عندي

ولا عمرهم يابولي طاري العمليه والحمد لله كلهم ولدتهم طبيعي

ماشاء الله لا اله الا الله

الماي يكون خطر اذا صاحب معاه سكر في الدم

اما اذا مافيج شي مثلي عادي ماكو الا العافيه

بس بتتضايقين من كبر بطنج ويضغط على رئتج ومعدتج

 

[*TOTO*]

الله يطمنكم ومشكورين عالردود الطيبه