المتحجبات بس يدخلوون :/ لانكم تقدرون تساعدوني

[q8 knosha]

السلام عليكم

اممم بنات عندي استفسار :eh_s(10):

انا انشالله ناويه اتحجب بس ماعرف شي عن سوالف المتحجباااات كلششششششششششششش

وناويه عبايه بعد خخخخخخ ماعندي حل وسط

اسألتي من وين اشتري العبي الزينه يعني الكشخه؟؟
وابي فيهم سوالف مو بس سااده! شفت على وحده عندنا بالدوام عبايه تهبببل فيها نقش وردي فااتح مع شيلتها بس البنت نفسيه ولاقدرت اسألها
وابي الملافع والشيلات مع عبيهم من وين؟؟ ابي مكان عنده سوالف حلوه
وابي اللبس ادري من كل مكان اقدر اركب قطع فوق بعض بس يعني اذا في بدل حلوه يعني محل دايما تحصلين عنده لبس حق متحجبات ويكون حلو

ادري اسألتي واايد بس ماعندي خبره بهل سوالف خخخخخ
وخواتي مو متحجبات وبنات خالتي بس وحده متحجه وماتعرف تلبس شي سنع خخخخخ
ومحد يقدر يساعدني غيركم :eh_s(7): ناطرتكم​

 

[LuLiTa]

شوفي العبي ما اعرف محلات لانه ما البس عبايه لكن في خياطين للعبي يسوون لج اللي تبينه ,,, و في محل اسمه المتحجبة اطقمهم حلوة بس ما اذكر فروعه وين جنه بالمهلب او الكوت ,,,

البدل عندج الحين حزت صيف فـ تلقين نفانيف صيفية حلوة في h & M انا ماخذه وااحد حده مريح ,,,,و البلايز و البنطلونات اخذي من زارا و توب شوب و بيرشكا و ريفر ايلاند ,,,الملافع ترا القطن للحين موضته موجودة ما راحت خصوصا اللون الواحد ,,,تقدرين اتلقطين جم شغله فنتك و غريبة من مواقع اونلاين او محلات مثل اكسسورايز و كليرز ,,,, بدل المناسبات و الكلاس تلقينهم بالراية او تفصال من البلوكات ,,

بس طبعا المحل المفضل و التوب ون اهو (زارا)

 

[aloooya]

محل الحلوة في النقرة

 

[اميره1980]

اول شي 1000 كبروك على الحجاب و الله يثبتج ان شاء الله
العبايات الحلوة و اسعارها معقولة بالفروانية اغلي مجمعاتهم فيها عبايات ذربين
و البدلات كل المجمعات فيها شوفي مثلا جويس بس حرامي درجة اولى و شوفي بعد مونتيانا اغلب بدلاتي من عنده و شوفي مجمع النقرة اسعاره زينة

 

[@الليدي لين@]

اول شي الحمدلله والله يثبتج ان شااااء الله :*

شوفي العبي في وايد اماكن حلوه وانتي وذوقج يعني انتي شنو اقرب عليج في بالفروانيه وفي بفيحيل انا اروح الفروانيه في مجمع كلله عبي في الحلوه والمشعل ووايد محلات انسى اساميهم وانا اختار شغلات حلووه وفيها شغل بس ناااعمه انا احب جذي انتي روحي وشوفي وهم اخذ من معارض اذا اعجبوني يعني انا ماعندي محل معين اخذ من كل مكان بس ادقق على العبايه احبها حلووه وفخمه بس نااعمه
وعلى البدل مثل ماقلتي من كل مكان وانا نوعي اخيط فما اقدر افيدج واايد بمحلات ان شاء الله البنات يفيدوونج

 

[q8 knosha]

مشكورين بنات حبايبي

 

[<miss botamba>]

اول شي بالمبارك ان شاء الله وعسى الله يتمم عليك

وثاني شي اعرف اجاوب على كل اسألتج بس حسافه انتي ماتبيني اجاوب

 

[q8 knosha]

لول ليش النحاسه :/

 

[روح مغليهآ]

شوفي محلات عبي راقيه تلقين بالافنيوز محلين يم بعض شادو والمتحجبه بس وايد كشخه وشوي غالين بس روووعه
وعندج النقره الشمالي فوق وايد محلات عبي واحلاهم حناين والحلوه
وهمن تحصلين بالمهلب محل عبي بس صراحه كلش موذوقي حيل خبه وغالي
والعمليين حق الدوام تحصلين بالايوب انا اخذ منهم حق الطلعات البسيطه ,, جمعيه ,, مستوصف

ومبروووك الحجاب عاد الحجاب يزين الوحده

 

[مطيريه ^ ماركه]

مبروك على الحجاب وربي يثبتج انشاءالله
اماكن تلقين عندهم عبي حلو روحي الفروانيه مجمع مبارك الصيفي تحت كله عبي وطبي وتخيري وعندج مجمع الدبوس الي فيه المشعل تلقين تحت بعد كله عبي

دور الهدوم صراحه اذا تبين شي حلو مونفس السوق خيطي
انا اخيط بالبلوكات او اطبع الموديل واخيطه بخياط سنع
وبعد عندج اكسجين تلقين عنده احيانا

اتمنى افدتج​

 

[<miss botamba>]

مو نحاسه

على قولتهم انتي كاتبه بالبنط العريض ماتبين

 

[أم حسيب]

حبيبتي أولا مبروك الحجاب مقدما
ثانيا: في واحدة بمعرض افكاري تسوي عبي تحفة أشكال متعددة وستايلات غريبة
وبالنسبة للبدلات واللبس العادي أنا عندي البنطلونات الوسيعة والشراويل والجمب سوت والبلايز الواسعة والطويلة داخل معرض افكاري
حياج الله حبوبة وان شاء الله تلاقين اللي تبيه

 

[سوسو العصلة]

مبروووووووووووووووووووك ياقلبي وعسى ربي يثبتج ويسترج بالحجاب الحلو وان شاءالله يكووون ستر لج من النار يااااااااااااااااارب

حبيبتي العبي بالعربيد بالفروانيه اسعارهم معقوله واللي تبينه تلقينه اهو صوب الجمعية مالت الفروانيه

 

[رتو الكيوت]

مبرووووك واللخ يثبتج

تبين عبي ذربه ر وحي السعوديه

الرياض خاصه الخبر اشوف الشغل اوفررر بس بالرياض ناااعم وسالف اقمشه مو تطريززز

 

[brettey]

بالنسبه للعبي عندج محل اسمه موزان في مجمع كرز بالفروانيه
حده حلو
وعندج مجمع المغانير هم بالفروانيه عندهم محل جيلاتو بس غالي وفي محلات وايد الاسعار متفاوته

والملابس عندج h and m
نيولوك
ريفا
جويس
بيرشكا
مانغو
زارا
بونت روما
واليس
اويسس
ديسجوال
كيوستو برشلونه
برومود
ريفر ايلند
توب شوب
bhs
ووايد محلات بالافنيوز
والمهلب وشرق و360

 

[nonosha]

اول شي مبروووك الحجاب
وثاني شي ماقصدت البنات النحاسة كلش



اتوقع قصدها ان انتي كاتبه المتحجبات بس يدخلون

وان في وايد بنات مو متحجبات يروحون مع خواتهم ويعرفون
لان انا اشوفها مو نحيسة وترد على اللي تعرفه وماتعرفه

 

[Ruyaa]

اول شي الف الف مبروووك
بالنسبه حق العبي ماعرف كلش لاني مالبس
اماالبدل انتي شنو تبين يكون ستايلج تنانير ولا نفانيف ولابنطرونات؟؟
نصيحتي:
حق الدوام لبسي لبس عملي وبنفس الوقت يكون حلو وراقي من زارا او مانجو
يعني جنز+قمصان طوال او جاكيت البوي فرند+كارديقان
اما بالطالعات العاديه لبسي تنانير تكون مريحه او عادي بنطلونات ويا تونزات
بس باليمعات والاستقبالات و الزوارات لبس نفانيف انصحج تاخذينهم من انوتا او اوكسجين

 

[nonameq8]

هلا والله حبيبتي انا يايبه بضاعه من امريكا و لندن بدلات استقبال و سهره و طلعات و يايبه هم ميك اب و لوشنات و اقدر اطرش السايق و انتي تشوفينهم :eh_s(7): و البدلات الطلعه في حق المتحجبات و عندي حجابات من السعوديه و دبي

 

[AROORA]

الف الف مبروك حبيبتي :eh_s(17):
الله يثبتج ان شاء الله :eh_s(6):

بالنسبه للعبي في مجمع الصيفي بالفروانيه محلاته كلها اجدد الموديلات فيه واسعاره حلوه وانا كله اشتري منه اسعاره مو وايد غاليه وكل موديلات السنه فيه
وعندج النقره الشمالي فوق والفحيحيل مجمع الدبوس


وبالنسبه للبدل في محل lily في 360 كله بدل روعه واغلب الموديلات للمحجبات والوانهم روعه
وعندج محل اتش اند ام ومحل نكست ونيو وزارا ومانجو والمهلب تحت نسيت اسم المحل بس موديلاته روعه يكون على يسارج اول ما تنزلين من الدري قريب من اكسسوارات الحفار وكبير

 

[q8 knosha]

مشكوررين بنات حبايبي ماقصرتو والله