المتزوجة ريال مختلف تماما عنها تساعدني

[Sweet & chili]

بسم الله الرحمن الرحيم

خواتي انا بورطة محتارة متقدم لي واحد مركز مرموق و من عايلة
لها مكانه بالبلد لكن اكبر مني 10سنوات و لمه شفته ما كان مثل مو حاطة
في بالي او مقايس الشكل او من ناحية الاسلوب يعني اهو جدي وايد
و رسمي و شكلة بيني و بينكم احبطني لكن عند اهلي عادي شكلة
لكن يمكن انا قاعدة اقارنه مع غيرة من الخطاب الي من عمري و الريال
دين و مصلي و مسمي او اهلة اجاويد مع العلم اني مو دينه و ايد
يعني بدل و ميك اب لكن محافظة ؏ـلێ حق ربي عدل

تكفووووووووووون نخيتكم

في حالة وافقت اشلون اتعامل معة ؟
اشلون اتقبل شكلة تراه مو دميم ولا جيكر لكن مايعجبني ؟
مادري شقول بعد محتارة حيل اهلي عاجبهم
انا ما عندي مشكلة بالعمر انخطبت من قبل بنفس
العمر لكن كان بشوش و مرح و جذبني و كان مهتم بشكله
و اسلوبة كان يجذب و كنت مرتاحه و كنت خلاص راح
اتزوج بس الله ما كتب حبيباتي اسفة عالاطاله لكن
ابي راي بنات تزوجوا نفس الي المتقدم
لي و قولون لي شنو صار و اشلون اتعامل بالظروف
يعني ترسوني ؏ـلێ المستقبل من خبرتكم و انشالله باسرع
وقت لان لازم اعطي رايي بعد ايام

و جزاكم الله خير ​

 

[امل وكلي آمآل]

استخيري وانا اختس
وشوفي ترتاحين او لا

 

[لمى الهاجري]

شوفي في مقولة تقول ريلج على ما تعودينه اذا انتي تقدرين تخلين الرجال مرح ويسولف كان بها ممكن تخلينه يصير مرح اذا قدرتي

 

[amami al-kuwai]

حبيبتي الحين هو جدي يمكن لانه مستحي حتى زوجي ايام الملجه كلها كان حييل جدي اللهم اخر شي قام يضحك ويتغشمر وبعد الزواج فلها مره وحدها بس اقعد واضحك معاه

اما من ناحية الشكل اريح لج باجر لاصار حلو بتكتبين هني زوجي والبنات بس يخزخزون فيه

واذا دين ومحترم وشكله نظيف ومقبول خلاص كل شي تمام

بس اللي عليج اتصلين استخاره

والله يتمم عليج بخير

 

[Alias]

انا حسيت من. كلامج انج. مؤ قابلته لا بالشكل. ولا بطريقة. دينة. الافضل. لا تأخذينه

 

[سوبر ليدي]

هذا شخص بتعيشين معاه طول عمرج يعني حتى الشكل اذا مو متقبلته لا تاخذينه
سألي نفسج هذا الي بعيش معاه طول عمري وبجابله صبح وليل ؟
هذا بيصير ابو لعيالي ؟
اذا لقيتي الجواب اي اخذيه

 

[مناير ...!]

الله يكتب لج الي فيه الخير لج

 

[حلاه الكون]

صلي استخاره
والشكل اذا حبيتيه من قلبج راح تشوفينه اجمل رجل بالعالم

 

[وردة الدوحه]

أنا مع حلاه الكون

فعلا اذا حبيتي الشخص حتى لو شين تشوفينه احلى واحد بالدنيا

اني ويز استخيري والخيره فيما اختاره الله

 

[Gifts&Occaions]

اذا مو مقتنعه فيه لا تاخذيته

 

[black rose BH]

مانقدر نقولج وافقي او لا

بس بنقولج راينا

اذا على الشكل لاتشيلين هم ترا اذا تزوجتيه بتحبينه وبتحسينه قمررر بعيونج

وبالنسبة للعمر عاادي احس انه متزوجه واحد اكبر مني بثمان سنين بس مو مبين العمرر كلش جنه قد قد

وقبل ماتوافقين استخييييري وشوفي شيصير والله يكتب الي فيه لخيررر لج يارب

 

[ام زهقانه]

استخيري
بعدين من كلام شكله مقبول سمعته زينه ليش
ترفضين كلنا رياجيلنا غير عنا
لا تحكمينواطلبي نصيبج

 

[سفييره الكويت]

اذا احد اختار لج سياره ومدحها لج وانتي ماعجبتج بتختارينها او لا؟؟

طبيعي بتقولين لا


....



نفس الشي خطيبج اذا مو عاجبج لا تقبلينه لانه التقبل النفسي مهم تقبل باسلوبه بشكله باسلوب حياته كل هالامور مهمه ..!

 

[ماني من الناس]

انا وزوجي شخصياتنا تختلف بس نحب بعض رغم كلشي
حتى بعد الهوشات نعترف لبعض ان احنا نحب بعض

يعني الحب يشفع بهالحاله

 

[انثى عاشقة]

صلي استخارة اكثر من مرة
الشكل مو اساس قدام الاخلاق والدين
اذا مصلي ومسمي ومن عايلة واخلاقه زينة
استخيري ربنا هل هالشخص يناسبك ولا لا ؟؟
والله يوفقك ​

 

[Pretty L@dy]

اهم شي انتي ترتاحيله
انا احس انج تحاولين تقنعين نفسج

استخيري احسن

 

[مدّهره !]

إذا غلبت إيجابياته ع سلبياته فـ أشوف تستخيرين وتتوكلين ع الله ,,

لكن إذا شااايفه أنتِ عدم قبولك للشكل مسيطر عليك هذا شيء آخر !!

الله يووووفقك ...

 

[am faisal]

انت الوحيدة القادرة على اتخاذ القرار لا نحن

 

[دآنة آلرشآيده]

اذا مو متقبلته ولا بالعته لاتوافقين
لان اهم شي بالزواج القبوول استخيري

 

[pink Barbie]

انا جذي يايبيلي واحد اكبر مني 9 سنين ودين ومحافظ وبيتوتي
ويبيني البس عباية :/ وانا احب البس بدل ومكياج وجذي
اول ما قالولي عن هالاشياء قلت لا لان انا مو جذي

اذا مو مقتنعه لا تاخذينه واستخيري وان شاء الله خير