المتن شين والصحه غاليه ? والرشاقه هدفي . متفائله والله يوفقني ☺

[تمره بحلاوتها]

من غير مقدمات

لي متى وانا متينه ؟! دايما هالسؤال فبالي

من سنين وانا وزني ثابت تقريبا

واذا سويت دايت مدته قصيره حدي انزل 5كيلو

واردهم بالتدريج . ولا كأني سويت شي

وزني حاليا 80كيلو وطولي 160

شريت جهاز الغزال الطائر وحطيته مقابل التلفزيون عشان الهى فيه

وبحاول ابتدي ب20 دقيقه وبالتدريج بوصلها لساعه باذن الله

وحطيتلي نظام غذائي عشوائي بس 3وجبات رئيسية

الريوق
2بيض مسلوق + ملعقه لبنة + حليب قليل الدسم

الغداء
تونه + سلطه

العشاء
2روب + خياره

السناك
مرتين عالساعه 11ص وال5م
مكسرات وقهوه عربيه وتمر

قبل النوم
شاي اخضر

والماي طبعا بكثر منه قد ما اقدر

الممنوعات
الخبز بأنواعه والعيش والمعكرونه
والمقالي والعصاير والحلويات

ببتدي اليوم لمدة اسبوع وان شاءالله يصبرني ويوفقني

ودي اوصل لل60 كيلو خلال 3 شهور !

يمكن صعب بس مو مستحيل

بسم الله بديييييت

ادعولي ?

 

[fatma A]

ابي اشترك وياج محتاجه تشجيع بصراحه

 

[تمره بحلاوتها]

ابي اشترك وياج محتاجه تشجيع بصراحه

حياااج والساعه المباركه حبيبتي

امشي على اي نظام تبينه بس شرط بعدي عن الممنوعات اللي كاتبتهم فوق

ولمدة اسبوع شوفي اذا في نتيجه حتى لو 500غرام راااااضيه

وكملي ،،،

والله هالمتن مأثر على حياتي جابلي الكسل واتعب من كثر الحركه وحتى باللبس كله اتوهق

ف قررت اسوي رجيم مدته 3 شهور عالراحه عشان مايبين الترهل بعدين

توكلت على رب العباد والله يكتب اللي فيه خير لي ولج :eh_s(7):

 

[تمره بحلاوتها]

اليوم طبقت برنامجي عدل ولله الحمد

والحين مسويه شاي اخضر

بس والله ماتوقعت الجهاز !

تمللت منه بأول 3 دقايق خخخخخخ

بس الحمد لله عدت ال20دقيقه على خير

��متفائله��

 

[سلاسل الذهب]

انا ودي اشترك معاكم بس لازم اكل عيش حتى لوشويه اذا ماكليت عيش اظل طول اليوم يوعانه بسألج حبيبتي اذا حاولت اطبق اللي قلتي عنه ماكو يوم مفتوح؟؟؟ ومشكوره وعسى الله يظعفج وانتي بصحه وعافيه

 

[سلاسل الذهب]

نسيت اقولكم لا تنسون المشي وااااااااااايدمهم

 

[أحلى عيون]

ينقل الي اليوميات والتجمعات



موفقين اخواتي

 

[بسكوتا كتكوتا]

من غير مقدمات

لي متى وانا متينه ؟! دايما هالسؤال فبالي

من سنين وانا وزني ثابت تقريبا

واذا سويت دايت مدته قصيره حدي انزل 5كيلو

واردهم بالتدريج . ولا كأني سويت شي

وزني حاليا 80كيلو وطولي 160

شريت جهاز الغزال الطائر وحطيته مقابل التلفزيون عشان الهى فيه

وبحاول ابتدي ب20 دقيقه وبالتدريج بوصلها لساعه باذن الله

وحطيتلي نظام غذائي عشوائي بس 3وجبات رئيسية

الريوق
2بيض مسلوق + ملعقه لبنة + حليب قليل الدسم

الغداء
تونه + سلطه

العشاء
2روب + خياره

السناك
مرتين عالساعه 11ص وال5م
مكسرات وقهوه عربيه وتمر

قبل النوم
شاي اخضر

والماي طبعا بكثر منه قد ما اقدر

الممنوعات
الخبز بأنواعه والعيش والمعكرونه
والمقالي والعصاير والحلويات

ببتدي اليوم لمدة اسبوع وان شاءالله يصبرني ويوفقني

ودي اوصل لل60 كيلو خلال 3 شهور !

يمكن صعب بس مو مستحيل

بسم الله بديييييت

ادعولي ?

الله يبلغج مرادج ومرادنا وياج لوووول
انا بعد كل يوم احاجي نفسي واااايد الي متي وانا ازيد في المتن لدرجة انه الكل قام يقولي وايد متنتي وزايده بالمتن لدرجة انهم قامو يقارنوني بالعالم
لالالالالالالالالالالالالالالالالالالالالالالالالالالالالازم اضعف واسترجع صحتي ووزني
الحين انا وزني 93 وطولي 163


بالنسبه لبرنامجج خوش شئ بس عندج الريوق 2 بيض وايد عليج راح يضرج البيض ف1 كفاية
والعشا 2 روب هم ثقيل عليج ف لو 1 افضل

 

[fatma A]

انا وزني 115
وطولي 161
وبديت اخفف من اكلي بس شعري بدا يتساقط بشكل مو طبيعي

 

[Pink_Roses]

فاطمة لا تحطين ابالج ان شعرج يحت من تخفيف الأكل اكيد في سبب ثاني

 

[Pink_Roses]

انزين انتي تغيرين بالوجبات والا نفسها ثابتة كل يوم؟

 

[*شغف*]

انا من تجمع الضعيفات لووووووووووووووول
بس دشيت بقول لكم الله يوفقكم و تضعفون

 

[تمره بحلاوتها]

بالنسبه لبرنامجج خوش شئ بس عندج الريوق 2 بيض وايد عليج راح يضرج البيض ف1 كفاية
والعشا 2 روب هم ثقيل عليج ف لو 1 افضل

صح حبيبتي بيضتين ثقال عالمعده

بس انا اكل البياض بس ?

والروب بعد اول الايام كنت اكله وحابته بس تالي كرررررهته

ومااكمل علبه وحده

والحمدلله

 

[تمره بحلاوتها]

بعد ١٠ أيام على الانضباط

اليوم الصبح قست وزني

وابشركم

نزلت ٣ كيلو و ٨٠٠ غرام

الحمدلله
​

 

[تمره بحلاوتها]

اليوم لي ١١يوم ماشاءالله

لاحظت بشرتي كأنها احلوت ههههه والله احس صج احلويت ��

والحركه عندي زادت ومااتعب مثل قبل ولله الحمد

وجهاز الغزال الطائر ممتاااااااز اول الايام متعب بس مع التعود خيااااااااال

وبصرااااحه تعبت من هالاكل فبغير بال١٠ الايام الجايه

بضيف التفاح والبرتقال والجزر

والتوست الاسمر بالحبوب

احبكم خواتي ادعولي ️

​

 

[تمره بحلاوتها]

انا وزني 115
وطولي 161
وبديت اخفف من اكلي بس شعري بدا يتساقط بشكل مو طبيعي

حبيبتي مااتوقع من التخفيف بالاكل يمكن نقص حديد !!!!

سوي تحاليل احسن عشان تتطمنين

وسلاااامتج ياحلوه ?

 

[منيره آل ثاني]

انا بنظم وياج

نظامي هو

اكل خضراوات وايد واشرب ماي وايد وفواكه خصوصا البرتقال والتفاح والخوخ والزبيب والمشمش المجفف

وابتعد عن العيش الا مره في الاسبوع وابتعد عن الموز والمنجا والعنب والجوكليت

لو بشرب حليب اشربه يكون قليل الدسم مع عسل

واسوي رياضه كل يوم ماعندي ايام راحه لمدة ساعه

بقولج على مشروبين يحرق الدهون انتي اختاري واحد على كيفج

اولا عصير التفاح والزنجبيل

اعصري تفاح والزنجبيل في العصاره وشربيه وسوي رياضه على طول لا تنطرين

والثاني عصير ليمون ونعناع

تيبين مطاره بلاستيكيه حطي فيها ثلج وماي واعصري عليها ليمون وقطي قطعة الليمون فيه

وحطي نعناع واذا مو متوفر مو مشكله تقدرين تستغنين عنه

اشربيه في اي وقت ممكن وانتي تمارسين الرياضه او اي وقت عادي

وانتي تمارسين الرياضه

كل ربع ساعه شربي ثلاث رشفات ماي مو وايد

وبعد الرياضه شربي جاي اخضر لانه يحرق الدهون

امممم شنو بعد

اكل الليل هو الي يمتن لا تاكلين فليل بيزيد وزنج ... بعد الساعه سته سكي حلجج

ان شاء الله كل ما سويت او كليت شي باجي بكتب هني

لاني مثل ماتحتاجين دعم انا بعد احتاج دعم منج ومن البنات

ابي اضعف قبل لا يجي نصيبي ان شاء الله

الي الامام ونحن ورائك سائرون

 

[منيره آل ثاني]

فليل اذا حسيتي بيوع شربي ماي او جاي اخضر

 

[منيره آل ثاني]

الحين قاعده اشرب جاي حليب قليل الدسم مع كيسين سكر خفيف تروبيكانا

انطر يأذن الفجر عشان ابتدي يومي فطور ان شاء الله

نصيحه لازم تاكلين فطور زين وتخففين غدا وقد ما تقدرين تخففين دبل في العشا او حتى ما تتعشين احسن

انتي عشاج الساعه جم...؟

للاسف احنا الساعه سبعه عشان جي قلت بسوي ريجيم التوقف عن الاكل الساعه سته

اذا عشاج قبل ست معليش اذا بعد استغني عنها

وفقج الله لما يحبه ويرضاه

 

[منيره آل ثاني]

صباح الخير

اليوم فطوري

ثنين معمول وجاي حليب بسكر تروبيكانا وبس

اشوفكم على خير ان شاء الله