المجآملهـ هل هي استهزآء ؟؟؟

[ya al3rosa]

بسم اللهـ الرحمن الرحيم ..

تحيهـً طيبهـ ؤبعد ...!!


""(المجآملهـ هل هي استهزآء ..؟ )""



طبعا كلنـآ عآرفين المجآملهـً ..,,

بعـض ـآناسس معروفين ب المجآملهـ ..

ؤبعض ـآلنآس يكرهؤن المجـآملهـ ..,

ويقؤلون المجآملهـ هي استهزآء للآخريين ..

ـآنتم مع من ...؟؟

\
/
\
/

ووجهـ نضركم هل المجـآملهـ الاستهزآء ب الاخرين ..؟؟





المـآيكـ لكم ..

​

 

[ام عمار و عامر]

ما ننكر ان المجامله مهمه و ضروريه بس بحدود و للناس اللي علاقتي فيهم سطحيه
اما القريبين مني ما لها داعي
طبعا الزوج لازم مجاملات عشان تصير الحياه حلوه

 

[PuPa^^SWeeT]

لااا مو شرط استهزاء


المجاملة حلوة و الكلمة الطيبة تذيب الحواجز


طبعا مو على اي شي انجامل


بالامور المصيرية لازم نتصااارح


بس بالامور العادية اليومية


والنفسيا المجاملة حلوة و تخلي العلاقات اتكون مرنة و سلسة



بس مو طول الوقت

 

[متيمة بالشعر]

انا وحده من الناس ما احب المجامله ... يعني بصراحه تنرفزني ..
اوك .. ليش نجامل ؟ عشان ما يزعلون اللي جدامنا لما نقول لهم راينا بصراحه ؟؟
طيب اهما من الاساس اسئلونا عن راينا ! و دام ان اهما اسئلونا معناته المفروض ما يزعلون ! لان راينا ممكن يكون زين و ممكن يكون شين
يعني مثلا .. وحده تسئلني عن بدلتها اذا حلوه ولا لا .. هي سئلتني تبي تعرف رايي .. انا مو عاجبتني !
اشلون اقول لها : تهببببببل و عجيبه و الوانها ما كو عليها !! جذي احس اني اجذب !!


و بنفس الوقت وبالمقابل / انا ما اقول اني ادش عليها بقوه يعني اقول لها رايي بطريقة تجرررح !! لا طبعا اقول لها الحقيقه بس بطريقة حلوه و وامدح اللي هي مسويته بس بشكل مو مباشر ..
يعني نرجع حق مثالنا البدله / اقول لها : هي حليـوه .. بس لو كانت تنوره بدال البنطلون يطلع احلى ولو كانت البلوزه لونها افتح يطلع عجيب ولو البروش مو موجود يطلع سمــبل اكثر مو خبه ..... / بجذي انا قلت اشكره ان ما اعجبتني بس بطريقه ذربه ............


.. وبسس هاذا وجهة نظري .. هي مو استهزاء بس ماادري ما احبها ..


يعطيج العافيه .. عالموضوع

 

[ام دليار]

أنا بحب المجاملة أذا حدا أشترا شي وحب
أني اشوفه لزم أقول كتير حلو كتير أنيق
بس هيك حدود المجاملات
أي كلمة حلوة تجبر الخاطر مش ضروري تكون مجاملة

 

[Angel-Lady]

لا ما اشوف المجامله استهزاء لان بالنهاية المجاملة توصفين شغله و الكلمه الطيبه و الحلوه توصل اسرع للقلب

فيه ناس تحب مجامله و ناس ما تحبها... كل وحد على حسب نظرته لها

فالانسان ليش يدخل نفسه بمتاهه...

يقول رايه : بصراحه و بطريقه ذربه و حلوه = مجامله بعقل

*

 

[الغلا كله لبوي]

المجامله حلوه بس بحدود فيه اشياء تستحق اني اجامل فيها واشياء لا

اما انها تعتبر استهزاء لا لا لا

ومشكوره ع الموضوع

 

[روح مغليهاM]

لامو استهزاء

انااجامل مرا يعني اذ شي يجرح الواحد لازم اجاامل

مثلا وحده غلط علي بدون قصد وانا بداخلي عصبت غصب علي مااتحمل هذالشي وهي جالسه تعتذر بالله ابهاوشها لازم اجاامل واقول ماحصل الاالخير عادي لانه موقصدها او سوء فهم

او مره كنت بزواج وصديقتي تسالني ايش رايك بفستاني ومبسووطه فيه وانا مرا مااعجبني يعني ابقول واع مو حلو بالعكس جاملتها وقلت حلو مرآتتهني فيه
يعني بشبه هالحالات اجامل مو استهزاء عشان مااجرح واضايق احد مني
يسلمو ع الموضووع النايس

 

[ya al3rosa]

ثااااااااانكيوووووووو بنااااااااااات ما قصرتوو على الردود

 

[sparklya doomii]

اناا عن نفسـي مااعرف اجامل اعطي كاااش فالويهه مالف يمين ولاآ يسااار
بكل صراااحه وهااي وجهه نظري "

 

[مبرقعات]

المسمى الحقيقي للمجامله هو النفاق وفى كذا برنامج ديني وكذا فتوه من كبار علماء الدين بمن فيهم رحمة الله عليه بن عثيمين ان المجامله هي النفاق وربنا قال والمنافقين والمنافقون فى الدرك الأسفل من النار ​

 

[manoooram]

المجاملة ما أنظر لها على انها استهزاء بالآخرين
فهي مطلوبة وحلوة لمن تكون بحدود المعقول فيها كسب وتقريب القلوب لبعض
وتكون منفره اذا كانت المجاملة بشكل مبالغ يدخل فيها الكذب والنفاق واعتبرها تملق للآخرين بهالحاله

 

[نونه العنونه_H]

مرات الي جدامج يكسر الخاطر تضطرين انج تجاملينه
ومرات ناس علاقتج معاهم سطحيه و يخرون الااكوو والماكو
ويتكلمون عن مآسيهم ف تضطرين غصبن عنج

 

[Ms.Candy]

احيانا تكون استهزاء واحيانا لا صرنا ما نعرف الصدق من الكذب بس عموما احيانا المجاملة حلوة واحيانا استهزاء

 

[روانتي 12]

لا هي مو إستهزاء .. بس مجرد ان ماتستنقصج او تفشلج .. والمجامله بحدود طبعـآ .. يعني إجامل بإسلوب حلو مو بإسلوب وقح او نذاله .. بس اجاملها بكلام حلو .. عششان بس ما احسسها انها طايحه من عيني ولا فيها عيب .. عشان تكسبين حبها لج اكثر من انج تكسبين كرهها لج .. وهذي وجهة نظري ..,*

 

[Miss Cherry]

مرات ضروري تجاملين عشان ما تجرحين اللي جدامج بس كثرة المجاملات منفره تخليج منافقه

 

[ya al3rosa]

لووووووول
اى واللة صج كلامج

 

[رواااسي]

انا بنظري ان المجامله مطلوبه بمعنى اذا شفت وحده ماحبها ودخلت بيتي اكيد ببتسم لها وارحب فيها .....او وحده سالتني قدام دوانيه بنات شرايج بالبدله اكيد بقولها رووووعه ....وزوجي لازم لازم لازم اجامله في اغلب الاحيان

 

[@ مسكـ @]

المجامله تكون بحدود

واهم شي ماتكثر عشان ماتتحول لنفاق

 

[amoma]

للاسف لازم نجامل بس بحدود