المجلس الطبي..ادخلو الموضوع والي يعافيكم

[MISS SMAIL]

السلام عليكم ورحمه الله وبركاته
شلونكم معلمات ..انشاالله بخير ..
انا حامل بالشهر الرابع ومن اول ماحملت وانا معاي تكرمون دم وانفصال في كيس الجنين
والحين معي نزول في المشيمه.... وقدمت مجلس طبي لاني ممنوعه من الحركه حتى الكحه والعطسه والصوت العالي يتعبني وينزل دم زياده والدكتوره موصيه بالراحه السريريه ممنوع الحركه كلش
المهم قدمت مجلس طبي وبعد ركضه شهر تخيلو كم عطوني عطوني 4 اسابيع اجازه بعدها مباشرع عمل @@..
الحين ابي اسال الي نفس حالتي كم يعطونها اجازه... لان لمن رحت استلم التقرير من الصباح لقيت حوامل معطينهم ثلاث شهور وشهرين والي بالشهر السادس معطينها للولاده @@
يعني حتى المجلس الطبي لازم واسطه؟؟؟ ياليت تفيدوني ..
اي وحده عندها فكره تقول لي ويعطيكم الف الف الف عافيه حبيباتي ...

 

[*ماي الورد*]

بعد اربع اسابيع اخذي تقرير من دكتورتج وو ديه الصباح علشان تتجدين المجلس الطبي

 

[منار البربرية]

الله يشفيج يارب

 

[ام عفاف الكويت]

انا طايحه من سلم على الشهر الخامس وبلاوي وتنومت وكان عندي اجهاض منذر هالحمل
وربج ستر عطوني 4 اسابيع
شفتي قبل مايخلص باسبوع
اركضي جدديه بالمجلس من جديد
انا الحين بجدده لاني اصلن ماتحرك وشلون بصارخ وبصعد سلم وانزل
بنات مراهقات شعرفهم عوار او مشيمه نازله او ولاده نخرعهم وهما كتاكيت

 

[اسيل الصمت]

لاحول الله ولا قوة الا بالله

الله يكون بعونج حبيبتي

قبل لاتخلص اجازتج بأسبوع روحي جدديها
والله يقومج بالسلامه

 

[Angel_store]

اب اب اب

 

[MISS SMAIL]

مشكورين حبيباتي ماقصرتو

 

[^SwEeTa^]

كنت داشة بقولج مثل ما قالوا البنات

قبل لا يخلص المجلس الطبي تروحين تجددينه

تقومين بالسلامه

 

[*ماي الورد*]

اخذي معاج السونار لا تنسين

 

[MISS SMAIL]

مشكورين حبيباتي على المرور

 

[tafany]

حبيبتي أول مايعطونك 4 الاسابيع قدمي على مجلس ثاني وحطي موعده لما يخلص تاريخ المجلس الأول وهلم جرى
............وبعدين في طريقة ثانية خلي دكتورتك تعطيك دخول لمستشفى خاص لو ليله وحدة ويعطونك إجازة اسبوعين وإذا خلصوا دخلي مرة ثانية وإذا خلصوا دخلي مرة ثالثة لين تحسين إنك زينة.........
وبعد الولادة بإذن الله وبعد إجازة الوضع راح يحولونك مجلس طبي .....
واحتفظي بالتقارير اللي تعطيجياهم الدكتورة علشان تقدمينهم للمجلس الطبي .
وسهالات بإذن الله .......إذا أنت محتاجة صج راحة صدقيني الله بيوفقك.....
وبصرااااااااااااااااحة الحامل حتى لو مافيها شي تحتاج راحة,,,,,..
الله يقومك بالسلامة

 

[عصفورة صغيورة]

حبيبتي انا حامل باطفال انابيب يعني حملي صعب وحملت الحمدلله عقب بطا
ولازم راحه وانا معلمه عربي يعني اقل شي باليوم حصتين وادارتنا ماتقدر
طبعا مافكرت اجازف بنفسي وحملي فاخذت مجلس طبي عطوني٦ اسابيع وراجعت مرة ثانيه ومنت مسويه ربط همن عطوني ٦ اسابيع
وباخذ مجلس طبي لين الله يفرجها وطبعا لو عندج واسطه حتا لو مافيج شي بتاخذين لي الولاده الله المستعان

وسلامتج حبيبتي والله يهون علينا وعلى كل الحوامل يارب