(...المدارس الداخلية...)

[صمت الليالي]

السلام عليكم ورحمة الله وبركاته


سؤال طرى في بالي وابي اسمع رايكم


هل تؤيدين دخول بنتج او اختج مدرسة داخلية؟؟؟

وليش تؤيدين او لأ؟؟

انتظر ردودكم​

 

[C'est La Vie]

عندنا مدارس داخلية بالكويت ؟؟ :080402ask_prv:

 

[noorq8]

لو عندي بيزاااااااااااات واااااايد جان أنا أول وحده تفكر بهالمشروع .............أأيد على طول الخط

 

[صمت الليالي]

عندنا مدارس داخلية بالكويت ؟؟

لاااا أقصد برا الكويت

 

[صمت الليالي]

لو عندي بيزاااااااااااات واااااايد جان أنا أول وحده تفكر بهالمشروع .............أأيد على طول الخط

نورتي الصفحة بردج

 

[C'est La Vie]

ليش يا حافظ؟
قاصرنا مدارس بالكويت عشان يدرسون برة؟
وبمدرسة داخلية بعد؟
ماتدرين شيجري عليهم شحالهم منو يرافجون شنو يسوون؟؟
خصوصا ان المراهقة فترة صعبة المفروض يكونون تحت عين اهلهم
لالالا كلش اعارض
الحمدلله عندنا المدارس على افا من يشيل من الحكومية والخاصة وغيرها

 

[صمت الليالي]

ليش يا حافظ؟
قاصرنا مدارس بالكويت عشان يدرسون برة؟
وبمدرسة داخلية بعد؟
ماتدرين شيجري عليهم شحالهم منو يرافجون شنو يسوون؟؟
خصوصا ان المراهقة فترة صعبة المفروض يكونون تحت عين اهلهم
لالالا كلش اعارض
الحمدلله عندنا المدارس على افا من يشيل من الحكومية والخاصة وغيرها

هاذي وجهة نظرج ونحترمها



وما ننسى اختلاف الاراء لا يفسد للود قضية

 

[noorq8]

عندي ثنتين من صديقاتي درسوا بمدارس داخليه والحين امهات عيال تعالي شوفي الذوق والادب والرقي والسنع وصديق زوجي درس بلبنان بمدرسه داخليه شوفي الثقافه وأعرف ناس كل سنه العطله كلها عيالهم مدارس داخليه اللي بلندن واللي بسويسرا .والحين الامارات عندهم اول مدرسه داخليه .أصلا النظام صاااارم بالداخلي لان عيال النخبه هم اللي يروحون فيخافون على سمعتهم هالمدارس ويتابعون متابعه دقيقه..

 

[صمت الليالي]

يسلمووو على الردوود

 

[C'est La Vie]

هاذي وجهة نظرج ونحترمها



وما ننسى اختلاف الاراء لا يفسد للود قضية

اكيد يا قلبي :eh_s(7):
اتمنى نسمع وجهة نظرج بالموضوع

 

[Q8 Essence]

و شنو وظيفه الام و الابو إذا عيالهم طول السنه الدراسيه مو عندهم و و عايشين براااا ؟؟؟

يااناس إتعبـوا شوي على عيالكم , جابلوهم درسوهم عندكم - اوكي دخلوهم أحسن المدارس الخاصه بالكويت - بس خلوهم حولكم

الكويتيين يبون كل شي جاهز حتى بتربيه عيالهم مالهم خلق ...

صج حرام بأحلى مراحل عمرهم تحرمونهم منكم ...

 

[قطوة@@]

لا

كلش هالفكرة مو الدراسه للبنت في الخارج

 

[tooota_]

انا درست بس مو مدارس داخليه
بس سكن طالبات
بالامرات لضروف الوالد والوالده.درست مرحلة الثنويه بسكن طالبات شالمشكله
كل وحده وتربيتها واخلاقها وتصرفاتها وشخصيتها
وكاني الحمدلله احسن شهاده ومنصب ومتزوجه
شالمشكله

 

[صمت الليالي]

اكيد يا قلبي
اتمنى نسمع وجهة نظرج بالموضوع

أنا عن نفسي اؤيد المدارس الداخلية

 

[واثقه خطاي]

لا أؤيد ابدااااااااااااااااا شنو يدرسون ومو على عينج ,ماتدرين شنو يصير لهم ,وبعدين وين التواصل بين الابناء والاباء وشلون راح يحسون بحنانهم وشلون يتعلمون عاداتهم ,يكفينا اللي نشوفه الحين

 

[nice-girl]

شوفي عشان اكون صريحه معاج انا اييد وبقوه ادا اولاد بس ادا بنات مادري لانه ماعندي بنات
واي والله عاد انا واختي داك اليوم نسولف انه نفتح مشرووووع مدرسه داخليه بالكويت مو بره

 

[صمت الليالي]

تسلمون على الردود

لكن من وجهة نظري ايجابيات المدرسة اكثر من سلبياتها

مثل :

يتعلمون الانضباط

يعتمدون على نفسهم

واذا الواحد يبي يودي عياله يوديهم مدرسه يثق فيها عشان يرتاح باله

 

[الأماكن]

وناسة ... ياريت يسوون لنا مدارس داخلية

حلوة ... الفكرة


مثل سالي ... و أدخل بنتي فيها

و عيالي بعد ... و أنا أروح أرتاح و أجابل نفسي :ggdw:

بس بالأحلام ... أكيد زوجي ما يرضي

 

[soo_soo]

تخيلت الوضع
شلون عايشه بس عشان دراسه وطول السنه نظام في نظام وغير كذا بعييده عن ابوي

فا بلنسبه حقيي ما أأيده لي

 

[جروح76]

آنا ولدي بمدرسة داخلية في سويسرا وهاذي ثاني سنه له اهناك لكن مو طول السنه . يروح بس خلال فترة الصيف أهو ورفيجه.
بصراحه وايد تغير ولدي وصار عنده شخصية وثقة كبيره بنفسه