المساعده بنات دكتوره حفصه رويال حياه ولا محسن طلبه الامومه

[خمريه حلوه]

قوه بنات شلونكم شخباركم الله يتمم عليكم ويسهل يارب
بنات تكفون انا محتاره بين دكتوره حفصه بوعركي بمستشفي رويال حياه ودكتور محسن طلبه الامومه شرايكم بلمستشفين والدكتورين من جميع النواحي ككل لاني محتاره وين اولد واحتمال انا قيصريه وانا بچر وماعرف ولا عندي احد استشيره قلت مالج غير خواتج اللي يلمنتدى عسى الله ترد علي الجنه انشاءالله وانشاءالله اللي بترد علي وتريحني بدعيلهاا من كل قلبي بكل صلاه تكفون بنات ابي تجاربكم خصوصا البنات اللي عندهم خلفيه الله يخليكم والله احترت وين اروح وخصوصا اني خوافه لدرجه مو طبيعيه وبس!!! وشكرا......

 

[Babystyle]

اب
اب

 

[ريتاج_90]

للاسف ماعرفهم

وليش تقولين يمكن تولدين قيصصريةة
ماتدرين ترى بوقت الولادةة سبحان الله كل شي
يتغير
انتيي ادعي انه ولادتج تكون طبيعية

وان شاءالله تولدين طبيعي وتفرحين بشوفت
النونو

 

[خمريه حلوه]

مشكوره ياقلبي ياريتاج ماقصرتي عسى ربي يرزقج انشالله

يلاا بنات وينكم معقوله ماتعرفون هالدكاتره وينكم تكفوووووون معقوله ٧٠ مشاهده ووحده ورت يلاا يالغاليات ارجوووووو المسااااعده

 

[خمريه حلوه]

وينكم خواتي الكويتيات شدعوه
اب اب اب

 

[دايم على البال]

انا جربت مستشفى الامومه مو الدكتور المستشفى روعه من ناحية العنايه وكل شي التيسير من الله
سبحان الله


انا اقولج اقتراح وانتي كيفج
انتي روحي لرويال حياة وادخلي ع الدكتوره وشوفيها وشوفي شنو تقولج وبعدها باسبوع روحي الامومه وادخلي ع الدكتور وشوفي شنو يقولج
وانتي بعدها استخيري وشوفي قلبج شنو اللي ارتاح عليه والله كريم وكثري الاستغفار وادعي وتصدقي وتيسير من الله لامن دكتوره ولا دكتور

 

[حروف من ذهب*]

الدكتور محسن كلهم يمدحونه ونص جماعتنا عنده والمستشفي هم حلو والعناية فيه زينه والله يكتب لج الولاده السهلة أن شالله

 

[زيووونتييي]

روحي حق محسن وشريحله وضعج اهوا يسوي كل شي وآخر احتمال يختار القيصري ومن ناحية الأمومة ومحسن أنا مجربتهم والحين ثاني حمال لي ما بقا شي ان شا الله على ولادتي ومابي أغير لا الدكتور ولا المستشفى

صح كلام البنت شوفي اول دكتوره اللي برويال حياة شنو تقولج وبعدين روحي حق محسن وهم شوفي شيقولج وقولي له شنو قالتلج الدكتوره

الله يسهل عليج حبيبتي

 

[خمريه حلوه]

يعل انشالله كل اللي ودو علي ان الله يرزقكم الذريه الصالحه المعافاه وربي يفرح قلوبكم ويجعلكم في خطوه سلام ياحبايبي ماقصرتوو
والله انكم هديتوو علي تدرون بچريه وخايفه ومتوتره وهذا اول حمل لي من بعد ثمن سنوات ادعووولي بالولاده الميسره ويغر عيني واشوف ظناي قولوو امين

 

[خمريه حلوه]

اب اب اب

 

[درة التاج]

سلام عليكم
حبيبتي ألف مبروك الحمل وعسا ربي يثبته وتولدين ويرزقك ربي بالذرية الصالحة
انا انصحك تروحين لدكتورة حفصة برويال حياة
المرأة احسن لك من الريال وقسم النساء والولادة هناك في دكاترة حريم واستشاريات
وممكن تراجعين عند دكتورة بعيادة خارجية ويوم الولادة تكون موجودة تولدك
الله يسهلها عليك

 

[خمريه حلوه]

اب اب اب

 

[مشاعر]

انحاشي من الدكتور محسن طلبه
أنا كنت أراجع عنده وتو من يومين قايله حق البنات عنه
أساسا أنا ماكنت بولد عنده كنت أراجع وكلش موزين رحت علي سمعته ومدح البنات تالي انصدمت بالواقع
حتي اغلب البنات اللي يراجعون عنده يقولون بس مراجعه ما نفكر ولاده وايد عسر بالولادة ويطلع روح الوحدة

:
دكتور زين شوفي الأسطل في السلام

 

[Your Dream]

كل وحده تفرق تجربتها عن الثانيه


انتي شوفي وين ترتاحيين وروحي له

انا عن نفسي دكتور محسن وكل خواني ورفيجاتي عنده

وكل يوم ادعيله من قلبي لانه انسسسسسان قبل لايكون دكتور ويخاف على مريضاته حيييل

والله يثبت حملج ويرزقج طفل سليم معافى

 

[زيووونتييي]

دكتور محسن طلبه عسر بالولادة ؟؟؟؟؟؟؟ هههههههههههههه يا كثر ما يصروخون البنات وشالعياره دامهم مؤ مرتاحيين له ليش من الأساس يراجعون عنده ؟؟؟ في ناس ما تخاف الله بس تتبلى واللي مؤ مجربه الدكتور يا تنقل تجربه صجيه من وحده تعرفها مع الدكتور أو لا تقول كلام تبلي وعشوائي يفضل نقل التجارب الواقعية عساس نستفيد

وحبيبتي اللي كاتبه الموضوع يا قلبي الله يتمم عليج ويثبته لج وأنصحج نصيحه روحي لدكتور محسن مراجعه عاديه صدقيني منتي خسرانه شي

 

[حبيبة اهلهاا]

حبيبتي من تجربتي الخاصه بصراحه كان ينزل مني دم و كنت مجهضه من قبل

قلتله دخلني قالي لا روحي اخذيلج رقم و انتي راح اتكونين اخر وحده

؟؟؟؟؟؟

وكان مدخل ٢٠ وحده قبلي قبل جم يوم من نزل مني دم

يعني مااادري انتي استخيري و انا غيرته

 

[مشاعر]

دكتور محسن طلبه عسر بالولادة ؟؟؟؟؟؟؟ هههههههههههههه يا كثر ما يصروخون البنات وشالعياره دامهم مؤ مرتاحيين له ليش من الأساس يراجعون عنده ؟؟؟ في ناس ما تخاف الله بس تتبلى واللي مؤ مجربه الدكتور يا تنقل تجربه صجيه من وحده تعرفها مع الدكتور أو لا تقول كلام تبلي وعشوائي يفضل نقل التجارب الواقعية عساس نستفيد

وحبيبتي اللي كاتبه الموضوع يا قلبي الله يتمم عليج ويثبته لج وأنصحج نصيحه روحي لدكتور محسن مراجعه عاديه صدقيني منتي خسرانه شي

منو اللي ما يخاف الله ويتبلي؟

اللي تعرف تقرا عربي تفهم كلامي :eh_s(9):أنا قلت عن تجربتي ما افكر ارجع له مره ثانيه ونقلت كلام البنات
وصار لي موقف معاه زين الله ستر علي ما أجهظت ..

بليز اللي مايدري عن االلقافه :eh_s(15):

 

[خمريه حلوه]

الله يجزااكم خير كل اللي ردورر حبايبي ماقصرتوو وانشاءالله لكم الجنه يارب وانشاءالله اللي الله كاتبه بيصير والسهاله من الله سواء عمليه ولا طبيعي والدكاتره وسيله لااكثر وانا اكبر احتمال طبعن مع الله قيصريه والله يس

 

[نونا**]

الدكتوره حفصة اول مره اسمع فيها

اما الدكتور محسن طلبه انا وايد سمعت مدح عنه

لذلك من الشهر اللي طاف كنت احاول احجز دقيت قالولي 52 وحده اجمالي اللي استقبلهم اليوم وماكو مجال يستقبلج

عاد رحتله الاسبوع اللي طاف ودخلت عليه

الدكتور زين عطاني نصايح عشان اول طبيعي بعد القيصريه

انا ارتحتله شوي وموعدي معاه الشهر الياي

 

[Nono83]

وااااااي يابعض الحريم بس تذم واهي مو مو مجربه الولاده عند الشخص .. شوفي يالغاليه انا اعيالي كلهم عنده وخواتي وحمواتي ورفيجاتي عنده والله انه احسن دكتور من جميع النواحي يكفي الزحمه الي عنده بس شتقولين عن عيارة الحريم اعرف وحده راحت له وقعدت تعيب ويع عبد جيكر مارتحت له واخرتها راحت لناهض الي بالموساة وولدها قيصريه بعدها احملت وولدت عند محسن طبيعي وقعدت تمدح طيب من الاول ليش العياره .. انا الحين حامل ومافكر اولد عند غيره كافي مرتين كنت مليار بالميه عمليه وبعد الله ومحسن ولدت طبيعي والبيبي لله الحمد مافيه شي بس لاتقذف الا الشجرهً المثمره نفس عاليه الفضلي يوم بيطلع من عيادتها خافت تخسر الملايين رفعت قضيه وتبلت عليه وكسبها غصبن عنها وكاهو ماشاءالله مكتبه مليان ورد ودروع لانه احسن دكتوو الله يوفقه يارب والله اني مارضى عليه لانه يستاهل