المسجات اللي بالغلط

[عروق التوت]

السلام عليكم
حبيت اغير روتين هالقسم شوي

خل نفرفش شوي
وكل وحده تقولنا كيف تتصرف اذا دزة مسج بالغلط لشخص ثاني في قائمة تلفونها
اكيد موقف يسبب لها احراج بس كيف تتصرف:eh_s(10):



يالله كل وحده تقولنا موقفها
:eh_s(21):

 

[غيمه ظميانه]

انا دايما اغلط وادز على زوجي خخخخخخخخخخخخخخ يعني بدز حق رفيجتي ومن العجله احط رقم زوجي

مرا كنت قاعده يمه ودزيت حق رفيجتي كلام حريم خخخخخخخخ وما مداه يوصل المسج الا صوت مسج وصل حق جهاز زوجي خخخخخخخخخخخخخ انا انصدمت وشكيت بلامر لان مو اول مره بس المصيبه هالمره الكلام فضيحه وضحك بيني وبينها

المهم رحت شفت الرسائل المرسله ولا طلعت دازه المسج لزوجي خخخخخخخخخخخخخخ المشكله قمت اضحك وقلت يوووه دزيت لك بالغلط وانقز عالجهاز ابي امسج المسج وزوجي ينز معاي طق مطااق واقوله خصوصيات يقول بشوف مو شغلج وصارت مصارعه وشوي واابجي واضحك ما ادري شساللفه

اخر شي قلت خلاص شوف اوريك ولله بس اشوه قال خلاص يالله امسحيه بسررررعه خخخخخخخخخخخخخخخ واشوه مسحته وما قراه

وتوبه اللحين لازم اجيك عالرقم

 

[ميمي؟]

ولا مره صااااااااااارت اشوى

 

[انسام الكويت]

مرات بالغلط ادز يا حق زوجي يا حق اختي العووده

بس على اختي تطووف عادي بس زوجي غثيث

ينبش ويسأل ليش وشنو ومنوو ياكرهني بالساعه اللي

غلطت فيها

 

[عروق التوت]

30 اللي دشوا
و3 اللي شاركوا بس

يعطيكم العافيه حبايبي عالردود

 

[لمسه حزن]

رد : المسجات اللي بالغلط

انا مسجاتي داائما ارسلها

لوحده من رفيجاتي لان اغلب الوقت

متواصله معاها

فا اي مسج لوول على طول لها

فضيحه

 

[شيخه الحلى]

انا وااايد اغلط هالغلطه
والأغلب مع زوجي
دايما ادزله مسجات بالغلط
بس عندي غلطه 3 مرات اسويها وانحرج
عندي وحده بالدوام اسمها مشاعل الــ........
وفي وحده تحط مكياج اسمها شيماء الــ.......
(نفس العايله)
وكل مره ادز حق اللي معانا بالدوام.. لوسمحتي اختي ابي موعد مكياج وشعر لليوم الفلاني
وأشوفها ما ترد علي وارد ادزز لها
ولما اداوم تقولي اللي بالدوام شفيج دازتلي مكياج ومادري شنو؟؟ عاد اللي بالدوام وحده كبيره وفشله علاقتي فيها سطحيه
و سويتها 3 مرات تقريبا
وآخر شي مسحت رقمها

 

[عجمية ماتهاب]

انا دزيت مسج لزوجي بالغلط ابي ادزه لرفيجتي
وربي شي يضحك اقولها صباح الدلع والولع
وينج انا ناطرتج بالكافتيريا انا دزيته ونسيت
شوي ولا داق علي يقول صباح الدلع والولع ها !!؟
حددددده فشيلة
يقولي ليش ماتقولينلي هالكلام

 

[DooLy88]

لوووووووووووووووول

من زمان ماصادني جذي

موقف يفشل
خصوصا لو كان المسج في اشيا #$%@ لوول

 

[موجةاحزان]

رد : المسجات اللي بالغلط

هههههههههههههههههههههههه
دايم دايم تحصل ادزهالزوجي
اويعلق الجوال وياخذاول رقم عندي الي هو رقم زوجي
صحيح عادي ارد ارسله على طول اتاسف بس مراااات
اكون زعلانه عليه وادز مسجات بيني انا وختي تقولي
تعالي غيري جو عندي يمكن ترضين عليه كان اكتب لها وشلون تبيني
اقوله بروح عنداختي وانا زعلانه عليه تبينه يستانس على باله اني اراضيه
وانا مابي خليه هويبداء يراضيني جاءوقت الارسال بدال مادزها لختي دزيتها لزوجي
بعد دقايق يجيني مسج منه يقولي العبي غيرها بس ماكو روحه هههههههههههههههههههههه
دايم موبس كذا فيه حاجات مابيه يدري عنها بس بدال مادزها للمرسل ادزها له كان يقولي كل مسجاتك لي بالغلط
هذا جوالك يحس فيني اكثرمنك يبيني اكثرمنك

 

[@نداوي@]

رد : المسجات اللي بالغلط

اب ..
اب ..
حزب الطمااشه ..
وكمل بناات ..

 

[مشتاقه لك يبا]

رد : المسجات اللي بالغلط

انا بصراحه نادر ما اغلط بالمسجات والحمدلله

يسلمووو على الموضوع الحلوووو

 

[توته حمره]

رد : المسجات اللي بالغلط

انا صارت معي كنت متهاوشة مع ريلي وصديقتي اجبرتني ادق عليه واراضيه لاني غلطانة فدقيت عليه وراضيته وراضاني عقب ماصكرته دزيت مسج بالغلط حقه على اساس ادزه حق صديقتي اطمنها شنو صار معاي والله صج فشلة المسج كله عنه ودقيت عليه وقلت له لا تقرا المسج امسحه بس للاسف قاريه ومخلص خخخخخخخخخ صج انقص ويهي بس اشوه كنت مادحته وايد وعقبها توبة اجيك عالرقم عدل.....

 

[غنج إلعذآرى]

تصير كذا مره هههههه

بس بناات في مسج وصلي قبل اسبووع وبشووف تفسرونه مثل تفسيري ولا
جاني مسج يقول < جيكواعلى يقول
( حبيبي انا مشتآئتلك كتير وناطرتك على احمر من الجمر اموااح وكاتبه اسمها ورقمهاا))
والرقم الي كاتبته مو فتح خط كويتي لا مغربي - بنات تتوقعون شبكه دعاره وترسل مسجات عشوائيه الله يستر بس وحسبي الله عليهم

 

[ديانا سبنسر]

ماصارت معاي ولله الحمد

 

[أم الحلووووين]

صااااارت واااااااجد مع زوجي ..
بس نااسيه شنو .. بس نشبه يقعد بالتفصيل يدقق..

 

[noo7a]

اول ايام عرسي
دزيت مسج حقريلي
"حبي انا الحين رايحه"
ماشوف الا اختي دازه لي مسج كاتبه
" حبج!من متى صرت حبج؟ حبي شوفي كنتي بدزينه حق منو و دزيه لول "

 

[۩۩ الجـــــود ۩۩]

يووووووووووووووووه انا اعتقد اكثر وحده تدز مسجات غلط وبمساعدة عيالى

مرات يلعبون بالتلفون ويدزون على اخر رقم

ولدى الصغير مره دز صورة ابوه وسائط لابلة اخوه فالروضه يانى تفشلت رحت اليوم الثانى اعتذر منها

 

[أم حوور]

ياكثر المسجات اللي بالغلط

 

[الراقيه 81]

انا مره دزيت حق زوجي كلام حلو وبالغلط دزيته لمرت حماي عاد اقعدت عن الكل والجميع تقول اني مو غلطانه واني بحرها والله يعلم اللي بنيتي ومن عقبها قمت اتركد لما ادز مسج عشان ما يصير فيني موقف بايخ