المشتركين في فلكس الشعب عطوني رايكم

[ام بنتها]

السلام عليكم
قوه بنات
بغييت اسال ال مجربه مشتركه في نادي فلكس مال الشعب
شلونه ؟
و شلون الكلاسات و المدربات ؟
هل صج زحمه مثل ما يقولون بنات شامبينز ؟
لان انا رحتله يومين كان حده خياااال
بس انا ما جربت الكلاسات بس على الاجهزه و كان كل جهاز له تلفزيون
بس الكلاسات شلونه و هل يفييد و يضعف
و ابي مال الشعب لاني رحت مال بنيد القار كلللللللللللللش ما عجبني حده صغير و مافي صالات
و مال الشعب شررررررح و كبيييييييييييير و هم رحت شامبينز و لمن سألت عن الكلاسات في بعضها موجوده بفلكس الشعب بس مو موجوده لا ببنيد القار و لا بشامبينز
بس البنات الي بالمنتدى الي بموضوع بنات جامبينز الجابريه كلهم ذموا فلكس و تكلموا عن زحمته
ودي اشترك فيييه
بليييز الي مشتركه فيه خل تفيدني و تفيد بنات المنتدى
ادري طولت عليكم و قرقت وايد
نااااااااااااااااطرتكم بناااااااااات

 

[dan]

النادي حددددددددددده عجييييب و نظييييف

الكلاسات واااايده و متنوعه و كل شهر تقريبا يحطون جداول جديده بالنسبة للمواعيد

المدرباااات والله كلهم عسل و كلهم ينصحون و تدرييبهم روعه

اقياسات وزنج و المقاسات و نسبة الماي و الدهون فيها متابعه شهريه

و فيه كلاسات اكوا خياليه

بالنسبه للزحمه الصبح و الضحاوي اينن النادي كلش مو زحمه بعد الظهر تبلش الزحمه و ألحين عشان قرب الصيف بكل النوادي بكون زحمه

في بالنادي: صالون باتشي ايلوتشي - سبا للمساج - داشينغ ديفا للأضافر و بدكير منكير - فلكس غروميه كافتيريا و اشتراك و جبات - و خدمه ايقاف سيارات (Free)

و حياج الله معانا

 

[ام بنتها]

الله يحييج داان مشكووره
انزين بسالج هل الزحمه العصر تصيرر لاتطاااقيعني لدرجه انج تنطرين دورعشان تصعدينالجهااز و بالكلاصاات يصيير تلزق و تدعم او زحمه مقبووله يعني الكلاس جم وحده تكون فيه _ وصج مودقيقين فيمواعيد الكلاسات ؟\

 

[dan]

لالالا اشدعوه مو لما هل درجه صالة الاجهزة كبيييييييره و فيها ما ادري يمكن اكثر من 50 جهاز مشي بس و غير القواري و الاجهزه الثانيه دايما ولا مره صارت زحمه

الكلاسات بالعكس وايد ملتزمين بالمواعيد و اهما دايما احطون جداول اذا فيته تغيير بالرسبشن اذكر مره مدربه مايات على طول يابو غيرها و حتى بالكلاسات العصر ولا مره شفت جتف على الجتف يعني تقدرين تقولين ان كثرو 12 يمكن بالكلاس الواحد

 

[ام بنتها]

مشكوووره حياتي ما تقدرين صج فدتيني و انشالله بعد الصيفيي ياييتكم

 

[The.Cancerian]

انا صارلي سنتين بفلكس ..
صراحة نظافة ومكان راقي وحصص متنوعة ..
والحلو فيه انج ما تحسين بزحمته نفس تشامبيونز​

 

[نور**الدنيا]

فلكس وما ادراك ماهو فلكس
شوووفي بالنسبه لي انا اول ما دشيته حسيييت براحه مو طبيعيه مكان حلو حتي مدرباته حده وناسه اهم شي مكانه من داخل حلو حتي نفسية الناس حلوه انصحج فيه الزحمه تصير بعد 6 ربي يوفقج خيتوووو

 

[miss_Ba6oOo6a]

ناااااايس انا من زمان بفلكس بس الحين وايد صاير زحمه بس كأشكال ومعامله احسن

 

[مريوما الحلوه]

بجم الاشتراك بنات بليز

 

[ام بنتها]

مشكورييين ما تقصروون
انزين بعد بسألأكم ادري حدي دوختكم
تقريبا شكثر تقدوون فيه باليوم يعني اذا الوحده متزوجه و عندها عياال هل تقدر تلتزم فيه او تتحسف لانها ما تقدر ترووح
يعني يسواا لي شتركت اقعد فيه جم ساعه باليوم - هل ساعتين كافي ؟

 

[Lonly Girl]

أنا مشتركة فيه حدة عجيب وماكو زحمة بس المغرب اشوي يصيير زحمة ، بالنسبة للكلاسات متنوعة وحلوة مثل ماقالت داااااااااان

طبعا الأسعار اذا أول مرة تشتركين تختلف عن اللى عندها اشتراااك قديم هذا رقمهم 2616661
واللي ببنيد القار لاتروحيلة لانه هذا فاميلي فلكس حق اليهال أوكي بس اللى بالشعب أحلى وأنظف بواااااايد
تحياتي

 

[ام بنتها]

ميرسيييي لونلي غيييرلز ؛)