المشــكله يعاملني مثل اختــه

[ناعمه ودلوعه]

الــسلام بنات انا اخت ناعمه ودلوعه انا ابي ابدي بالموضوع
انا حبيــت اخو ريل اختي دايم نطلع معاهم البــر ونروح كلنا مثل الاخوان بس انا حبيته من الشتا اللي فات
وانا اللحين اموت عليه واهو يعاملني مثل اخته بـــس انا اموت فيه والمــشكله انه املــلج على وحده وعرسهم شهر 10
والمشكله الاكبر اللي ماخذها هيــــــــلقيه والله انها بشبكتها طالعه بدله مشقوقه ماعلينه منها انا ابيه والله ابيع الدنيا واشتريه كل يوم اتعذب وابجي انه مايدري عني وحب من طرف واحــد وامي وخواتي يبوني احضر عرسه بس اختي ناعمه ودلوعه تدري وانا قايلتلها اني احبه وبنات انا فكرت بشي وختي عارضتني وقالت لا انا ابي خط بدون بيانات واطلرشله مسجات بس ماقوله منو انا اقوله كل اللي بقلبي بمسج وكسر الخط لاخلصت وانتوا اشرايكم واشلون اخذه بس انا اتوقع اني اغسل ايدياففففففف والله عمري 17 ومخي راح ينشل من التفكير بس احاتيه وشلون راح يتزوج وضغط الامتحانات والابلات معطيني ورقه اني بس اسرح بالحصص واحس مخي بينفجر وصار عمري اكبر مني بنات بليز مساعده

 

[* ليــــدي *]

ماما الولد املج شتبين يطلقها وياخذج !!
ترضين على نفسج تنحطين بهالموقف والناس تتكلم عنج ؟؟
او واحد يملج عليج ويطلقج وياخذ غيرج وانتي بالملجه اكيد ماترضين فـ خليه وانسيه

عمرج 17 مراهقه توج وعاطفتج قوووويه صدقيني لما تكبرين راح تضحكين على نفسج

 

[G!RLooNa]

انتي توج صغيره 17 سنه يعني مراهقه و ماتوقع انه حب يمكن تعلقتي فيه لانج قمتي تشوفينه وايد و تطلعون وياه و اول ريال احتكيتي فيه جذي لكن مو معناته انه حب و بعدين خلاص لازم ترضين بالامر الواقع الريال مالج و بيتزوج ما ترضينها انتي بعد على بنت الناس تخربين عليها صح ولا لأ,,,

انشالله باجر تكبرين و اييلج نصيبج و بتعرفين انه هذا ماكان حب يمكن اعجاب ,,و شيلي فكره المسجات و مادري شنو هالخرابيط من راسج حطي نفسج مكان البنت ترضين تكونين متزوجه واحد و تيي بنت ثانيه تدز له مسجات تقول مستعده اسوي اي شي عشانه ومادري شنو اكيد ما راح ترضين,,

شيليه من راسج و لا تفكرين فيه

شغلي نفسج بأشياء ثانيه والحين الصيف ياي

اشتركي بنادي اشتغلي عمل تطوعي اي شي بس لا تحطينه ابالج

 

[ra8iya 9afra]

حبيبتي ناعمه ودلوعه..
بالبدايه اسمحيلي على هالكلام .. انتي توج داشه برحله المراهقه ف شي طبيعي انج راح تحبين اي شخص تشوفين تصرفاته واسلوبه معاج حلو .. بس نصيحه من اختج ra8iya 8afra خليج من الحب وانتبهي حق دراستج محد راح ينفعج غير شهادتج وبس ..
ولو انا مكانج اروح العرس وارقص بعد هههههههههههههههههههههههههه
الله يوفقهم ان شاء الله ويهنيهم ويرزقهم بالذريه الصالحه

 

[myself]

امبيه شهالأسلوب؟ ترا عيب شنو هيلقيه وماهيلقيه

انا اقول امه داعيه له انه ماخذاج الله يعينج على نفسج
بس مراهقه ماعليج شرهه

 

[ツ Βαbŷ Fąčę ツ]

ماما الولد املج شتبين يطلقها وياخذج !!
ترضين على نفسج تنحطين بهالموقف والناس تتكلم عنج ؟؟
او واحد يملج عليج ويطلقج وياخذ غيرج وانتي بالملجه اكيد ماترضين فـ خليه وانسيه

عمرج 17 مراهقه توج وعاطفتج قوووويه صدقيني لما تكبرين راح تضحكين على نفسج

نفس ردهآ وزيآده شوي خلي الريآل بحآله دآم بيملج أكيد كلمو أهل البنت وخلصوِ شرآح يكون موقفج وموقفه وموقفهآ من هذآ كله وإنتي يوم حبيتي من طرف وآحد ليمتى مثلآ كنتي تبين تستمرين أكييد الريآل بيروح يخطب ليش أختج مآ كلمت أخوهآ عسآٍس تمدح فيج وتتزوجون على سنه الله ورسوله وبلآش هالخرآبيط

 

[ناعمه ودلوعه]

حبيبتي انا ماقصدت انا كتبت هيلقيه عشان اوضح وبعدين انا منقهره انا اهو كشخه واهي لا وانااهو احلى منها واهي عاديه وانا كتبت هالاموضوع بستفيد من نصايحكم مويايه تقولين امه داعيتله ومراهقه ومادري شنو جوفي عدل منو اللي اسلوبه غلط ومحد طقج على ايدج وقالج عطينا رايج وعالعموم انا اتقبل مرورج...؟

 

[đeɱɛɼɑ™]

مشكلة والله
صار عادي عيني عينك تاخذين ريال متزوج من مرته
شنو ما فيج حيآ ؟ ما عندج كرآمة ؟
و اهو اختارها هيليقية مو كششخة .. كيييييييفه حر الريال

تبي تقطين روحج عالريال قط ... اصحي حبيبتي
انتي بمرحلة مراهقة .. واتفق مع G!RLooNa انه هذا مجرد اعجاب
والسبة طلعاتكم بالبر واليمعات فانعجبتي بالولد وتعلقتي فيه .. . .
خلاص ركزي بدراسسستج اهم شي .. والله بتندمين اذا ما حصلتي الشهادة
بسبة واحد ما يدري عن هوا دآرج

وبعدين عيييييييييييييييييييييب والله عييييب اللي تسوينه .. و بتفشلين اختج جدام حمولتها
اذا طرشتي مسجات و سوالف المراهقة هذي .. عيب علييج @@

 

[ناعمه ودلوعه]

اوكييي بنات في جم بنت ردهم قوي قوي وانا غلطت اني حبيته وكلامكم ماتدرون انه يعور القلب وانا قاع ابجي ومشكورين وعلى كلمة الشرهه موعليج صج مراهقه يعني انتي انولدتي جذي مامريتي بهالعمر وانا بطلع من المنتدى كله

 

[نونةo0o]

آه يالمراااهــقــة

حبيبي انتي ، دامــه ملج وخلص رسمي ،
خــــــــــلاص (game over)
انتهى كل شي و راح يكون له اسره ويعيش حيــاته ،،
وانتي بعد بجيج نصيبج وتكونين اسرتج ...

اما انج تروحين وتاخذين رقم وسالفه ،،
اصلا اللي تاخذ رقم وتكلم واحد مو من اهلها هذي بنت موخلــوقـة كللش و مو متربيه ،، تعرفين انتي هالبنات...
واانتي انشالله مو منهم ابــداا ..

شدي حيلج بدراستج وخلي همج الكبير الدراســه وبس
واللي كاتبه ربج يبي يصيــر

 

[الحــــياة]

يآآبري حآآلي

الرجآآل ملج يآماما

شنوو هالجرأه؟؟!!

انتي شكوو فيها هيليقيه ولا لأ الرجال واهله راضين؟؟!!

الي حآآآرج وشهووو؟؟!!

الهيليقيه عقولتج يمكن اخلاقهاا حلووة ومحترمه وعاقل وحيآآويه

عمرج17سنة جذي كلامج وتفكيرج ياويلنا من الجيل الجآآي؟؟!!

شنو هذآآآ؟!!

تطرشين لهآآ مسجات انتي شنو مماتستحين مابوجهج حيآآ بتفضحين نفسج وتفضحين اختج معاج
الرجال اعرس
اعرررررررررررررس عييييييييييييييييييييييييييييييييييييييييب
تفهمين انتي
وبعدين

يويلي عنج تسرحين بالحصص
اسرحي بدراستج ابرك لج من هالخرابيط
لاتخافين بكرة بتعرسين ويطيب فالج بس لاتفضحين اهلج.​

 

[الحــــياة]

اوكييي بنات في جم بنت ردهم قوي قوي وانا غلطت اني حبيته وكلامكم ماتدرون انه يعور القلب وانا قاع ابجي ومشكورين وعلى كلمة الشرهه موعليج صج مراهقه يعني انتي انولدتي جذي مامريتي بهالعمر وانا بطلع من المنتدى كله

لا لاتطلعين من المنتدى شفتي ان المراهقه دايما مندفعه..!!

شوفي حبيبتي كلنا مرينا بالمراهقه بس ماسوينا جذي ماتعدينا حدودنا مراهقتنا

مجله ومطرب واغنية بس مووونفسسسسسج ياحبيبتي

احنآآ قسينا عليج لان كلامج يعور القلب حرام انتي صغيرة لاتخلين عواطفج تسيطر عليج ياحياتي

فكري بعقلج مو بإحسساسج وصدقيني وتذكرين كلامي بكرة بتضحكين على كلامج لاكبرتي شوي بعد

بتقولين صج انااا مراهقه وخبله كنت​

 

[علمتني كيف احب]

لا تعليق
علي ردود البنات
حرام عليكم ترا بعض الردود تجرح القلب والله
ربي يرزقج بواحد احسن منه
وخلاص الريال تزوج خلج بدراستج
تقبلي مروري

 

[miss disaster]

حبيبتي ترا انا كبرج بس انا يمكن اعقل منج

اللي تحسين فيه مجرد مراهقه مع الايام اذا كبرتي بتضحكيين على نفسج

الريال اختار وملج وصدقيني ما راح تستفيدين شي اذا قلتيله

الحين خلج منه وفكري بدراستج اهم والله يرزقج اللي احسن منه

 

[شوشو الشقيه]

الرجل بيزوج خلاص
بعد لا تهدمين حياته
وربي يعوضج بغيره
حرام الظلم
من اختك شوشو الشقيه

 

[bent_ayawed]

حبيبتي لا تبنين امال على اوهام .. الريال خلاص ملج وان شاءالله الله يوفقه ! شلون يعني بنفصل عنها او بييج ياخذج حتى لو قلتيله ؟ يعقل يعني ؟؟ لو يبيج جان تقدم من الاول وبين روحه .. مو اقلالا في شانج حبيبتي بس ممكن يعدج فعلا مثل اخته او شايف انه عمرج صغيره وهذا السبب انه اشوفه واقعي اكثر .. او ممكن له اسبابه الخاصه مايبي من الاهل , ماتدرين شلون يفكر !
انتي بعدج صغيره والحياة جدامج ان شاء الله , الله يرزقج باللي احسن منه يارب ويرزقنه وياج

 

[bent_ayawed]

حبيبتي لا تبنين امال على اوهام .. الريال خلاص ملج وان شاءالله الله يوفقه ! شلون يعني بنفصل عنها او بييج ياخذج حتى لو قلتيله ؟ يعقل يعني ؟؟ لو يبيج جان تقدم من الاول وبين روحه .. مو اقلالا في شانج حبيبتي بس ممكن يعدج فعلا مثل اخته او شايف انه عمرج صغيره وهذا السبب انه اشوفه واقعي اكثر .. او ممكن له اسبابه الخاصه مايبي من الاهل , ماتدرين شلون يفكر !
انتي بعدج صغيره والحياة جدامج ان شاء الله , الله يرزقج باللي احسن منه يارب ويرزقنه وياج

 

[so_what]

باختصار تكبرين و تنسين لان الحين انتي عايشه بفتره مراهقه تو الناس توج صغيره فكري بدراستج احسن

 

[ماعاد فيني]

باختصار

لو يبيج جان خطبج ما راح اخذ غيرج


واذا تزوج راح يلهى بحياته

ودام عمرج 17 فانتي اكيد في باله مازلتي بنت صغيره مو خرج جوااااااااز

اتمنى تردين لعقلج شوي

والله يرزقج باللي احسسسسسن منه قولي امين

 

[DốǾốDї]

توج 17 يعني اكيد الي تشوفينه نزوه مو حب

وبعدين انتي تقولي الي قاهرني اهو كشخه واهي لا واهو حلو واهي لا !!!

يعني انتي عاجبج كشخته و جماله الفتان

انتي شعليج منها كشخه او لأ ولا مو حلوه يمكن ماخذها عن حب ويشوفها احلى وحده

الله يوفقهم وانتي ان شالله عقب ما تخلصين دراستج وتخرجين ان شالله ربي يرزقج بولد الحلال