المصالح في الروضة

[kokah]

:lkmnkl:

مرحبا حبيت اليوم نتناقش عن المصالح الشخصية اللي تصير بالرياض وايد احس انا لما نوصل لي نهاية السنة سبحان الله تتغير نفسية الادارة معاك ويبحثون عن الافضل لللإفادة حيل تعقدت من هالسالفة وايد تضايقني يعني الابلة اللي حدها حارقتهم بالغياب ولو تداوم يوم او يومين بالأسبوع ووراها مصلحة مثلا خط حلو او إيدها فنية أو من نوع ماتعطي رايها حتى لو هي حاسة انة هذا الشي غلط عندهم قمة التعاون منها والله حدي منبطة شبدي من الاسلوب الفظيع مايقدرون الابلة اللي تكرف و عطت تربويا وركزت بالدراسة للاطفال لرفع مستواهم الدليل لما يزورونها يتعجبون من مستوى اعيالها و عند نهاية السنة تبدي المصالح مايلتفتون شنو انجزتي شنو ضحيتي في بيتك و زوجك و اعيالك كم مرة و أي طلب يطلبونة ينفذ لهم و في الاخير تحسين يلتفتون حك الابلة الغيابة و لا بعد يشكرونها وفيج خير يقولي ليش شذية المهم علمت اعيالها الترقص والتهزز فصارت ابلةمبدعة يا للأسف هاذ مستوى رياضنا و انتوا اشرايكم​

:denya:

 

[عشوشه]

السلام عليكم يالغاليه لو بس ما تنفعلين و عموما حبيت أوضح ان هذه السياسه المتبعه في جميع الادارات المدرسيه فكل منهم يفضل الاضافي و ليس العمل الرئيسي لأن باعتقادهم ( البعض و ليس الكل ) أن التريس هو من صميم عملك و الغياب هو جزء من حقوق المعلمه و أي غياب اضافي المعلمه هي من يدفع الثمن و لا يدخل ذلك من ضمن صلاحيات الاداره فلا يستطيعون حتى منعك من ذلك و هنا يأت يدور الضمير فأنت من يحدد ذلك اما الالتزام بالدوام و العمل الجاد في سبيل اعداد جيل ممتاز يحاسبك عليه الله أو الغياب المستهتر مع تقديم بعض الخدمات كما تفضلتي لكسب رضا الاداره و رضاهم على فكره سهل جدا و لكن يحتاج لبعض الشطاره و للحديث بقيه بكره أكمل معاكي

 

[عبق الورد]

حبيبتي لا تعورين قلبج .. المصالح موجوده بكل مكان
اتني سوي اللي يرضي ربج ويرضي ضميرج ولا تنطرين شكر من احد .. احتسبي الاجر من الله .. وشوفي شراح تحسين فيه ..وراح ربي يوفقج ويسخر لج الكل .
وصدقيني اذا تنطرين شكر من اداره والا مشرفه راح تتعبين .. والدنيا مو دوام وبس .. سوي اللي عليج بما يرضي الله واستمتعي بحياتج
اسفه عالاطاله ..

 

[kokah]

اشكركم على تفاعلكم وربي ينصرني على من ظلمني

 

[عهود الحب]

عادي ياما راح تشوفين
فعلا اغلبية الرياض جذي
موبس اخر السنة
احيانا طول السنة
واحيانا طول ما انتي بالروضة تشوفين التوب هم اهل الهياتة والغياب
ويمكن يفضونها تقز بالسوق وانتي تستلمين جدولها بعد

عادي الظلم بكل مكان


المهم انه الي يحاسب ربج مو اهمه
بالاخر يحاسب الكل ويمهل ولا يهمل


لاتعصبين عادي تقبلي الوضع

 

[عشوشه]

حبيبتي يالغاليه فعلا على قولة عهود سوي اللي يملي عليج ضميرج و الباقي على الله لأن الاداره ماراح تتغير المهم انتي و رضاج عن نفسج

 

[malak_009]

تصدقون كرهت شيء أسمة رياض أطفال والسبب هالنوع من الناس اللي ما تحلل معاشها ولا تخاف اللة
مرة من المرات قلت بحول وبصير إدارية لكني أكتشفت إن هذا حال الكويت في كل مكان مو بس في رياض الأطفال
وفي كل الوزارات والدوائر الحكومية وترى أحنا واللة أحسن من غيرنا

 

[حبي لها]

والله يا كوكة انج صاجة بس كل واحد يحط ربه قدام عينه

 

[*نوفه*]

حبيبتي هذيل حسابهم لربهم

انا اقول كافي السمعه الزينه ودج اذا طلعتي واو تقاعدت يقولون خوش مدرسه كانت تشتغل

احسن مايقولون هايته وكله غايبه

 

[_MoMo_]

الله كريم بس ,, خليني ساكته بس خل نعطللللللللل ماصااااااااااارت هالومين جنهم سنتين

 

[راقية باخلاقي]

بتشوفين بعد بس طنشي طنشي

 

[كويتية ذهب]

الله
يعين

 

[:: عائشه بقلبي ::]

وسعى صدرك وخل يولون

فكري بحياتك الخاصه

وطنشيهم الروضه قطيها وراء ظهرك

سوى الشغل لله وبس

 

[غزلان الكويت]

اختي الحبيبة هذي حال الدنيا الانسان اللي مايحسب نفسه شنو راح يقدر راح يخلص بعمله لاوالله

بس انتي حبيبتي ماعليج منههم انتي طالعي ربج وحللي معاشج واللي عند الله مايضيع وخلي البشر وخلي عينج على الله سبخحانه وتعالى وانشالله بتشوفين الخير كله