المصرووف .. خصوصاً الوظفات.. وضحووو لي

[راضيه بالواقع]

السلام عليكم

انامتابعه بصمت للقسم وقليلة مشاركاتي

وحبيت اشارك لانه مادري هالشي طبيعي ؟؟؟؟

والا مقصر ويعتبر بخل!



موضوعي زوجي يقول اذا توظفتي تصرفين ع نفسسسج ملابس او مناسبات

شغلج الخاص فيج تصرفينه من معاشج مالي شغل واذا احتجتي من عيووووووني ماراح اقصر ومن عيوني

يعني لاتنطرين مني كل شهر اعطيج 100 او 200 لا


اما شغل البيت علي لكن مصروفج مالي شغل فيه


بنات شي طبيعي؟ عادي؟ والا املا مستغرب ؟
اهو معاشه زين مو قوي
وموقصر معاي

اذا توظفت مايعطيني كل شهر ...فيدوني هالشي طبيعي منه؟؟


وبس:$


اتمنى تفيدوني وتنوروني

 

[رنيم الروح]

عااادي حبيبتي انا معاشي اذا بصرفه علي بس لكن شي يخص البيت وغيره لا اهو الي يصرف لانه معاشه قوي وماديته ممتازه واحيانا اذا بغيت زيادة افلوس يعطيني ومايقصر

 

[ديانا سبنسر]

انتي شيلي نفسج بس احتياجات البيت عليه

 

[جذابه بنت ذيابه]

نصيحه شيلي نفسج منه و مو شرط تاخذين شهريا مثلا كل شهرين قولي محتاجه ابي شغلات .. وناقصتني فلوس

يمكن اهو عليه اقساط و قرض او او ...

 

[شغف القلوب]

بالعكس انا اشوف هالشي صح اهوا عليه مسؤوليات البيت والعيال وكل شي
وانتي معاشج حقج بروحج تتصرفين فيه على راحتج وريلج مرن قالج اذا تبين شي اعطيج من عيوني
يعني ماقالج بس فلوسج ومالج شي عندي ومو مقصر معاج لو طلبتيه​

 

[قَلبڪْ صًخرْ]

عادي
اهم شي متكفل في مصاريف البيت والعيال

ومصاريفج
مثل العواني
واللبس
والمكياج
والمطعام

ماله شغل

ساعديه لانه قال اذا تبين مو مقصر


مو بخل هذا

 

[PuPa^^SWeeT]

الاغلب


هذا وضعه


تتوظف و تشتري لنفسها من معاشها



بس اهو يتكفل بالايجار و الماكل و ان قدر الخدامة



بس ماراح يقدر على مصرفج بعد


معاشه زين مو قوي يعني حروة ال 900


بعد اهو يبي يرتاح و يصرف


ولاتحاتين ممكن يهديج بين فترة و فترة

ولا يطلعج مطاعم و لا سينما


حسبيهم

 

[جوجوحبي]

حبيبتي الشرع يقول ان الزوج امكلف ابمصروفج
حتى لوكنتي موظفه


يعني الكماليات ممكن تصرفينها من معاشج

اما الاساسيات اهو ملزوم فيج

 

[lailosh]

لا طبعا مووو عااادي اهو متكفل بمصرووفج حتا لو موظفه شنو يعنييي مايصرف عليييج اذا ما خذيتي منه من طييبج مؤ من حقه يقوولج مؤ مسؤول علا مصرووفج الا اذا احتجتي وييين قااعديين

 

[كتكات احمر]

وااااي طليقي

ديري بالج مايعطيج مصروف علبو انتي موظفه ملزوم فيج غصبن علي ام من يابته قطيعه تقطع الرياييل

لا تذكريني يهالو شادين حيلهم يبون الزواج وتالي بيعتج ببيززه

 

[كركميه]

حبيبتي بالشرع ملزوم يصرف عليج لو تملكين ملايين هذا واجبه بكرا شوي شوي كل شي بيقطه على راسج

 

[ديمة بنت غنيمة]

صح كلامه .......عندج معاش شحقة تاخذين منه فلوس ؟ اصلا مايبيلها كلام !

 

[سندس 90]

نصيحه لا تكبرين مواضيع بسبب الماده
اطلب منه شغلات بحيث انه ماينسى وجودج ويمسحج من ماله
بس الماركات والعناية واللبس .... هذا بصراحه مكلللف حييل فماالومه
الزبده اطلب كل فتره بس عششان ماينساج 

 

[مشتطـه]

لحظه لحظة لحظظظة ؟


عندج معاااش

شكو يصررررف عليييييج !!!

اي صح كلامه مو ملزوم يشريلج جناط ب 600 و 700
و بدلة ب200

وانتي معاشج تصرفينه بالهبل

لا حبيبتي كلامه منطقي مليون بالامية

ملزوم ومن حقج يصررررف عالعيال والبيت

طالما عندج معاش مو متكفل فيج الا اذا احتجتي


كركمية شكوووو
حتى واهي موظفة مناشبته على فلوسه

يتعب فيهم خل يستانس فيهم شوي

هم عندها معاش وهم تنهبه

!!!!!!!!!!!! فظيعين

 

[مشتطـه]

عادي
اهم شي متكفل في مصاريف البيت والعيال

ومصاريفج
مثل العواني
واللبس
والمكياج
والمطعام

ماله شغل

ساعديه لانه قال اذا تبين مو مقصر


مو بخل هذا

صح اهو مو ملزوم يصرررف على رفيجاتج الوالدات
وبدلج الخبه
وجناطج المبالغ فيها

صح كلامج قلبك صخرررر

مستلزماتها عليها اهي هذي مو ضرورياااات


الثلاجه الخدامه العيال مو مشكلة عليه ولو اني أأيد تساعدينه شوي

باجر يهج منج وينحاش

ويصك على راسج سورية ومصرية عشان توفر


خفو على رياييلكم بالنهاااااب حرام عليكم ما الومهم مايبون الزواج شبابننااا

من شفاحتكم :krkrkr:

 

[Miss Cherry]

لا تسوين منها مشكلة الأغلب هذا وضعهم

إذا على صرفج و كماليات عادي .. بس يصرف على البيت من إلى

 

[غـرامـي أنـت]

عادي شي طبيعي

 

[مولاي الفرج]

دام انتي مرتاحه من هالشي خلاص

واي شي نقصج قوليله

بالتوفيق

 

[ناتشوو]

هذا وضع الاغلبية
ولا تتهاونين بمصرف البيت حسبالج مايكلف
شوفي جم تروحون الجمعية وجم تدفعون كل مرة ؟
ومع مرور السنوات بيزيد العدد ع خير
شوفي مصاريف العيال مدارس ملابس طبيب خاص
طلعات العاب
ايجار وخادمة ...الخ
اصلا نعمة لو معاش الوحدة لها
الاغلبية تصرف معاه ع العيال خاصة والتسوق لهم

 

[sh_mashael]

اشفيكم شهالنهب

المعاش يالله يكفيه و يكفي البيت و الخدامه و الايجار

بعد اشحقه تشتغلون دام تبون رياييلكم يصرفون عليكم ؟؟؟؟