المصممه بدور فستان عرس اختي

[Dadoosh]

السلام بنات. شوفو طويلات العمر اختي عروس و مابقا مكان مارحناه علشان نفنوف العرس. عالعموم رحنا نوره الحذران و دفعنا 40 علشان انشو ف. طبعا البدلات ماقولكم مو حلوه بس شك شك شك و لويه المهم طلعنا وراحت علينا هلاربعين رحنه انجفه كلش مو ستايل المهم أنا لمن تزوجت كنت امسويه اجهازي كله عند مصممه اسمها بدور اتليه بيد ستايل فوديتها أهناك ولقن بدله اتجنن نااااااعمه أعجبتها بس المشكله انه اختي بتدش معاها عروس ثانيه وهالاتيليه معروف شغل نواعم فماادري انجازف وانأجر ولا أندور مصممين حيل شغلهم اوفر يشهد الله ان البدله واااااااااااو اشويه عليها بس هم خايفه اشرايكم؟!؟!! معروف هالمكان ؟

 

[Zaina-al-zaina]

حبوبه انا ماابي اقطع رزق المرا

اذا ضامنه البدله اخذيها ! اما اذا بتفصل عليهااا لااااااا

اعرف وحده فصلت بدله عندها وخربت ووحده ثانيه ظبطت معاها !!!

وع قولتج الكل بدا يعرفهاااا !! وهذا اللي خلاني ماتشجع اروح لها!

والله يوفقج انتي واختج يارب

 

[Dadoosh]

زينه حبيبتي بالعكس زباينها كلهم حضر هذا اللي امشجعني انتي شايفه تفانيه الأعراس عندها ؟ فيديني؟ اي والبدله جاهزه. و أنا كنت امسويه عندها كل اجهازي و حمولتي و ما ادراك ما حمولتي جنو لمن شافو بدلاتي و ليلحين مو عارفين المكان بس صج كنت امسببتلهم ازمه فساتيني لووول قولي هذيله بدله صباحيتي و باجي الجهاز. بس فستان العرس اهو اللي امحيرني لانه ناعم بس كلاااااااسسس عالاخر. والبنيه والله كانت حدها نايسس وذوق

 

[Janna-q8]

ما اعرفه و الله

 

[Dadoosh]

عفيه بنات فيدوني والله متوهقين ... يالله شدو حيلكم معاي ،،،،

 

[Dadoosh]

والله ماكسرت خاطركم ؛(؟؟؟؟

 

[انا كلي فداك]

والله ما عرف عنها شي بس ماحبیت اطلع
بدوون مارد

 

[زبــــــــدة]

ماعرفها

بس اذا النفنوف وايد حلوو خل تاخذه ...

لان صعبه بتلقى واحد احلى منه اذا دش مزاجها

 

[white**angel]

ماعرفهااا
بس دام تقولين البدله كلاااس ووااااو خلاص توكلي على الله لا تفكر بالعروس الثانيه لو بتفكر فيهااا بتتعب خل تطلع بستايلهااا

 

[!witcha!]

اذا عاجبها ليش لا ؟ اهم شي رايها مو راي الناس فيها وبعدين الهبه الحين كله نفانيف ناعمة وكشخه مو شغل اوفر
يا حلات النعومه تبرز الجمال اكثر بعدين لاتنسين الميك اب والتسريحه والمسكه لهم دور غير النفنوف؟
الله يوفقها يارب

 

[Dadoosh]

شكلنا بنتوكل عالله وبناخذه مشكورين بنات و للامانه دامنكم ماتعرفونها روحولها تر شغلها وايد غريب و ناعم حق جهازكم أنصحكم فيها و يشهد الله أني ماعرفها بس اجهازي كان كله عندها. والله المستعان

 

[Dadoosh]

تمت ولله الحمد مشكوريييين وايد وايد وايد عالافاده

 

[عجميه زوغه]

انا مسويه عندها

واختي مفصله عندها لعرسي

بس اسعارها نار بالنسبه لشغلها واذا انتي ملاحظه موديلاتها كله تقليد ايلي صعب والجسمي ومصممين غيرهم

بس اذا عاجبتج استخيري وتوكلي على الله

 

[* ياعين أبوووي*]

حبيبتي خلي اختج تفكر انها هي بس وحدها بتدش لانها اذا فكرت ان معها احد راح تتعب وتتعبكم وخليهااا تعتمد ع النعومه
والسنبل رااااح تطلع واو ورااااااقيه والله يوووووووووفقها ويتمم فرحتــــــــــــــــــــــــــــــــــــــــــــها



اااااااااااااااااااااااااااااب لعيـــــــــــــــــــــــــــــــــــــــــــــــــــــــونج

 

[Dadoosh]

الجسمي امبي حرام عليج. لا الحق ينقال هبه الكويتيين وحده وهم اللي اعرفه انهم رايحين عرض واحد بلبنان بس لا كلش لا. الجسمي له ناسه وهي لها زباينها. الجسمي شغله حلو و وايد حلو بس أهي استايلي اكثر. والبنيه نوعها أتقول تبين تصميم ولا لا . أنا ادري أسعارها نار نار بس الوالده شاطره بالخامات أتقول ان خاماتها غاليه أمبينه.

 

[Dadoosh]

غزل أهي تدري والله بس تدرين هم عنصر المنافسه موجود حياتي مشكوره هالنصيخه وان هم بقولها

 

[البرااك]

ولا تترددين. كل اللي شاف شغلهاجن عليه. من صجج اجري وانتي امغمضه و في بدله لونها كريمي مو صج. ولحد ايقولك تقليد ما تقليد أنا هالبنت من تعاملت معاها وانا ما افكر اروح لغيرها صج ذوق والألوان روعه. و هذا رايي

 

[البرااك]

امبيييييه نفنوف العرس صج عجبني و حتى بدله صباحيتي أنا خذيت البلاتينية بالكوبر

 

[يآلبهـ قلبي]

مادري والله اول مره اسمع فيهـآ وين مكـآنها

 

[آنثى خورآفيه !]

آول مره آسسمع عنهـآ

موفقين يـآ رب