المطبخــ الامــريــكيــ / منــ a2z

[غلا شمر]

اوووووووه

بطوط..

شنووو هالشغل مراااااااااا عجيب..

تسلم ايديك حبيبتي...


الصوص اللي ع الكيكه شننووو..

توفي .. سكر وقشطه .. والا شي ثااني

 

[ام دونه]

تسلم ايدج بطوط وبالعافيه

عادي عادي دائما الاطباق تاخذ منحدر ثاني بس تطلع حلوه وخصوصا اذا من ايدج

 

[Miss Chanel]

يعطيج العافيه بططططوط

 

[مجنونة حبه]

تسلم الايادي بطوط وبالعافيه عليكم

بس ييبين ان الفتووش كلش مالج خلق
خل اعلمج الفتوش اللبناني الي اهل امي وامي يسوونه صدقيني الكل حتى اهل ريلي الي ماياكل سلطه صار ياكل الفتوش

كيكه تمر شكلها لذيذ بس انا احط عاها جوز او عين الجمل تطلع لذيذه ومقرمشه

اما البشاميل شكلج يبتيها صج هذي البشاميل
الي اغلبهم يحطون طبقه متييييينه صوص البشاميل فوق المعكرونه ماتعجبني حييل ولا يحطون بالنص اللحم المفروم مع المعجون او صلصه الحمرا حركات

 

[بطه فيها نطه]

البنات جميعااااااااااااااااا الله يعافيكم

ان شاء الله باقرب وقت احط مقادير الكيكه وطريقتها ... والتوفي بعد

 

[بطه فيها نطه]

تسلم الايادي بطوط وبالعافيه عليكم


الله يسلمك ويعافيك

بس ييبين ان الفتووش كلش مالج خلق
خل اعلمج الفتوش اللبناني الي اهل امي وامي يسوونه صدقيني الكل حتى اهل ريلي الي ماياكل سلطه صار ياكل الفتوش


شوقتيني .. يالله ناطره

عاد غرامي الفتوش ..


كيكه تمر شكلها لذيذ بس انا احط عاها جوز او عين الجمل تطلع لذيذه ومقرمشه

حاطه فيها مج مج من داخل مو وايد علشان اللي عندي مايحبون اي شي بالدنيا هههههههههههه

وراشه خفيف من فوقها ..


اما البشاميل شكلج يبتيها صج هذي البشاميل
الي اغلبهم يحطون طبقه متييييينه صوص البشاميل فوق المعكرونه ماتعجبني حييل ولا يحطون بالنص اللحم المفروم مع المعجون او صلصه الحمرا حركات

لا مااحب الطبقات بالبشاميل .. حشى لازانيا مو معكرونه ... مع العلم وايد يسونها بهالطريقه

وانا مثلك مااحبها بمعجون

 

[لولوة الكويتية]

واااااو بطووط تسلم ايدك المعكرونيه شكلها روعه عاد انا غرامي الباشميل
ممكن طريقه كيكه التمر لان امي تحبها ودي اسويها لها تستاهل ست الحبايب

 

[بطه فيها نطه]

كيكة التمر الذيذه








المقادير :


2 كوب طحين

1 كوب سكر

2 بيض

ربع كوب دهن

2 كوب تمر منظف من الطعام

1 م بيكنغ بودر

1 م هيل ناعم

2 م حبه حلوه مطحونه خشن

ربع كوب او حسب الرغبه جوز مفروم خشن

فانيلا

نص كوب ماي حار جداااااااااا ( علشان نذوب التمر فيه )




الطريقه :


البدايه مع التمر .. ناخذه ونظفه او في نوع ينباع خاص معجون ومنضف ( اللي يستعملونه للتمريه )

نصب عليه نص كوب ماي حار ونذوبه عادي بالطاسه وراح تبقى كتل عادي خليها

راح تطلع معاكم بالكيكه واهي اللي تحليها


الحين نبدي نخلط السكر والبيض والدهن والفانيلا .... بعدين نظيف الطحين والبيكنغ بودر

وعقبها اي دور التمر اللي ذوبناه نظيفه ونحرك عدل .. ان كان الخليط حيل ثقيل ظيفي ماي

شوي ... بس اساسا مانبي خليط خفيف ... لا متوسط

بعدين نظيف الهيل والجوز والحبه الحلوه ونحرك ...

نصب الخليط بقالب مدهون ... على 350 د ونخبزها عادي مثل اي كيكه ... بس لاتفتحين الفرن وااايد

عليها علشان لاتخفق معاك ... ونحمرها عقب من فوق



صلصة التوفي :



سكر - قيمر - زبده


اول شي نكرمل الشكر وبعدين نظيف الزبده والقيمر ... ونحرك وبس

الصراحه ماعندي مقدار معين ... يعني شوف العين

خليه خفيف وراح يضبط معاك


وعليكم بالعافيه ...

 

[ام دونه]

تسلم ايدج بطوط

 

[غلا شمر]

تسلم الايااادي بطووط

جاااااااري التجربه غلاااتي..

 

[Miss Chanel]

تسسلم ايدج بطوط
بس عادي الغي الفانيلا والحبه الحلوه ؟؟؟

 

[اختكم بالله]

تسلم ايدج بطوط

انا عندي فانيلا البودره عادي وجم المقدار الفانيلا

شكرًا فديتج

 

[لولوة الكويتية]

حياتي بطوط مشكوووورة

 

[مس دلال]

السلام عليكم
كيف الحال ؟ ان شاء الله مناح
اعتذر منكم بنات انا دايم اتابع مواضيعكم وودي اشارك وياكم بس الله يعين مايمدي اجلس ع الجهاز الا ويجيني شغل وسبحان الله كل ماجي اشارك تعلق الصفحه وياي >_<

....

ممكن تدلوني ع منتج تونه نوعيه زينه
جربت كثييير وكلهم فاشلين اللي تجي لينه بزياده واللي زفرتها
عاد اللي مجربه نوع زين تفيدني


وشكرآ مقدمآآآ

 

[مجنونة حبه]

يعطيج العافيه بطوط شهيتيني والله
راح اسويها

 

[doode cool]

تسلم يديك بطوط علا هيك كيكه

بس ماعرف شنو حبه حلوا
​

 

[doode cool]

مشاءالله مج مج بالعافيه المعجنات والرز الصيني


بصراحه انا اول قبل كنت اعرف ه اطبخ شوي الحين متفشله حدي من زوجي ماطبخ له كل الي طبخاته كبسة دجاج وفتشيني ومسقعه هو ساعديني فيها بس ليه ماعرف اطبخ عشان لازم اتبع الخطوات بدقيق بالملي ولما ارح السوبرماركت ماعرف اشتري اغراض حق اطبخ والله فشله من زوجي

 

[مجنونة حبه]

الله يعافيج دودي
شوفي بالنسبه حق الاغراض سوبر ماركت تعتمد على طبخاتج

يعني اذا انتوا كل اسبوع اتييبون اغراض من سوبر ماركت

كتبي لسته من اكلات مشتهيتها او الوجبات الي تبين اتسوينها باسبوع فقط وكل وجبه راح اتعرفين نواقص والاحتياجات الي تبينها بالماركت

بالبدايه زواجي احترت شنو اسوي غير احب التنويع مااحب اعتمد على نوع واحد من الاكل ما احب التكرار فكنت اسوي لسته واكيد مو كل يوم اكله دسمه
ادخل معاها وجبات سريعه وخفيفه

جربي وترا ينفع حق شهري مو بس اسبوعي

 

[ام دونه]

حلوه طريقتج مج مج بجرب اسويها

 

[doode cool]

يابعد البي يامج ممج حلوا الطريقه يعني الي مشتهيا اطبخها ه الاسبوع اشوف شنو واكتب اغراضه والي ناقصه واروح اجيبهم مره وحده مره ثانكس بسويها ونشاءالله اقوللج بالاخبار والطبخات الزينه
​