المطبخــ الامــريــكيــ / منــ a2z

[dlooo3a]

عليكم بالعافيه

 

[dlooo3a]

ومبارك علييييييييييكم الشهر

 

[مجنونة حبه]

الله يعافيج خوخه

 

[doode cool]

يسلموووو الايادي مج مج وانشاءالله ينعاد علينا ي رب

انا كمان فوري كنا خفيف باقي من المحشي امس تسحرنا فيه وسويت ع الفطور كبده زوزي يحبها اما انا يعني والحمدالله ع النعمه الله يدومها ي رب






اما الحلو مهلبيه وباقي حلو امس كمان


​

 

[مجنونة حبه]

تسلم الايادي دودي
ذكرتيني اشتري جبده دياي

 

[ام عبدالوهاب555]

بنات يعطيكم العافية

وتسلم الايادي


شنوول
ضروري طريقة الحلو شكله يشوق

انا شفت حلو يشبهه كب كيك ككاو و صوص ككاو حواليه

 

[Miss Chanel]

الله يعافيكم بنات

بعطيكم طريقة الحلا من عيوني
بس بغيت اقولكم انا لو بسويه مــــرة ثانيهـ بحط مع الككاو سنيكرز اتوقع بيطلع احلا احلا
انتو جربوه وقولولي

هذي طريقتـهـ

http://www.q8yat.com/t853928.html

 

[Miss Chanel]

واليوم بعد سويت حلا يطير العقل بالنسبه لي امووووت فيــــهـ لذيذ

ومن جنب :d

 

[بطه فيها نطه]

تبارك الرحمن .. كل طبق يهبل ويقول الزود عندي

عليكم بالعافيه وتسلم ايدكم

 

[بطه فيها نطه]

hevy whipping cream

وايد اسألوني عن الكريمه .. كريمه الطبخ حق الباستات اوخل نقول بديل كريمة kdd مالت الكويت

هذا الموجود واللي اعرفه بامريكا ...





عن تجربه ممتازه












وهذي بعد ممتازه عن تجربه




وهالنوع لايغركم صورة السي فود اللي عليه ... بس لانها نوعين نوع مالح ونوع للحلو

فشكل العلبه يفرق










وهذي كريمه مخفوقه جاهزه تحصلونها بالفريزرات .. في منها على كاكاو وفراوله

والساده العاديه ... ممتازه عن تجربه

تصلح للحلويات والجيز كيك وحشوة الكيك





وهذا دريم ويب بودر ... جزاها الله خير ام كوشه اللي دلتنا عليه

ولا كنت اشوفه ههههههههه بس مايه ببالي انه دريم ويب

يمكن ليش الرسمه كاكاو ... بس اهو بودر الابيض العادي

 

[بطه فيها نطه]

نكمل الطلبات ...


اقراص الفول





المقادير :


1 علبة فول مدمس

1 ك كزبره خضره مفرومه

نص ك بصل اخضر مفروم ناعم

3 م طحين

2 بيضه

بيكنغ بودر

كمون بورد

كزبره بودر

فلفل حار احمر مجروش حسب الرغبه

ملح

ماي


الطريقه :

نصفي الفول .. ونهرسه بالشوكه ونضيف باقي المقادير عليه

ونخلطهم ... وبدهن غزير حار نصب الحبات بالقفشه ونقلي


للتزين :

خبز عربي

طحينه

سلطه عاديه

بطاط مقلي

واديلووووووووو احلى سندويش

 

[بطه فيها نطه]

بودينغ الكاكاو





المقادير :

جبن فيلادلفيا مقدار 4 م كبار

1 قيمر

2 جيس كريم كرميل

فانيلا شوي

كريمه مخفوقه مقدار 3 م كبار

حليب بارد شوي تقريبا نص كوب

كاكاو بودر حلو - مو مر

كيك اي نوع



الطريقه :


نصف الكيك بالقالب

نخلط جميع المقادير بالخلاط او نضربه بالخلاط اليدوي .. ونصبه على الكيك وندخله الثلاجه

ونزينه بكريمه وصوص كاكاو وفراوله

بس انا الصوص كان عباره عن ( كاكاو مارس + كريمه سائله ) بحمام مائي ذوبته

بس كان وايد دسم ... افضل نوع كاكاو ثاني

لو بجربه مره ثانيه

 

[بطه فيها نطه]

مجبوس الدياي




اقسمه ثلاث مراحل :

الحشو - الدياي - العيش



الحشو :

مقاديره :

نخي حب صغار مسلوق ثلاث ارباع بماء فاتر وعقب نصفيه

كشمش مغسول ومنقع

بصل مفروم ناعم

ثوم مهروس ناعم

بهارات ( كزبره - كمون - ملح - بهارات المجبوس - فلفل اسود ) من كل شي شوي

دهن


الطريقة :


في مقلى نحط البصل من غير دهن ونقلب فيه لما يتغير لونه لبني عقب نضيف الثوم

والدهن والبهارت والنخي والكشمش .. ونقصر عليه ونخليه ... وبجذي يكون جاهز



الدياي :


مقادير فوح الدياي :

1 بصل مقطع كبار

1 جزر مقطع كبار

1 طماط مقطع 2

فصوص ثوم

حب هيل

حب فلفل

ورق غار

اعواد دارسين

ملح - كركم - بهارات المجبوس ناعمه تقريبا 1 م


الطريقه :

نكون غاسلين الديايه من وقت بملح وكركم ومخلينها تقريبا جريب النص ساعه

عقب نغسلها عدل ونحطها بجدر فيه كله المقادير اللي طافت + الماي طبعا

نخليها لما تستوي ... وعقب نشخل الماي من البهارات علشان نفوح

فيه العيش ...


العيش :

المقادير :

عيش منقوع

ملح

خلطه ( ماي ورد + زعفران + صبغه + دهن ) حق فوق العيش


الطريقه :

ممكن تفوحين العيش بماي الدياي نفس طريقة المشخول ... او تجبسينه

وهي تحطين فرقاعة الجدر بصل شوي وتقلبين فيه مع دهن وكركم

وتضيفين عليه العيش والملح ... وتصبين ماي الدياي فوقه .. مو وايد بطرف الاصبع

زياده ماي ..

تغطيه بالقصدير عدل ... عقب فتره نرد نفتحت يكون الماي ناشف عن العيش

نقلب شوي ... بطرف الشوكه .. وبعدين نصب الخلطه مالت الزعفران فوقه

ونرد نسكر القصدير وراس الجدر .. ونقصر عليه

وبهالمرحله ممكن نحط الحشو فوقه على جنب علشان نكهة الحشو ياخذها العيش


شوي الدياي :

ناخذ الدياي اللي فحناه ونبهره بالثوم والبهارات والزبده او الدهن والملح والزايد من خلطة

الزعفران ونضيف رشة هيل ناعم بعد ... وندلك الدياي

ممكن نخلطهم كلهم مع شوية كاتشب ... وندلك فيهم اسهل

وندخلها الفرن تتحمر ... ماتاخذ وقت يدوب دقايق


وسلامتكم تقدم مع الدقوس او السلطه

 

[بطه فيها نطه]

واليوم بعد سويت حلا يطير العقل بالنسبه لي امووووت فيــــهـ لذيذ

ومن جنب :d

شوشو تسلم ايدك .. شوقني

نبي الطريقه بليز ... وعليكم بالف عافيه

 

[لولوة الكويتية]

ما شاءالله
تسلم الايادي تبارك الله امبدعين يا مغتربات
مج مج شكل المرقوق حلو عليكم بالعافيه
شنوول تسلم ايدك وعليك بالعافيه
دودي عليك بالعافيه الكبده
مشكوووورين

 

[لولوة الكويتية]

دودي مشكوورة على طريقه الحلو

 

[doode cool]

,ولو لولو تامرني بس انشاءالله يعجبك
​

 

[doode cool]

مرحبا صبايا

اليوم اشتهيت علا الفطور انو يكون طاليانو

وسوت شوربة بروكلي انصحكم كلكم تجربونه اهي جاهزه بس اضفت لها قطع بروكلي ولما خلصت استوت حطيت الجبن فوق صارت حق فرايدز لزيزا

ومكرونه قواقع محشيه سبانخ وفطر وجبن سكاربونا

وسلط وسويت

[url=http://www.0zz0.com] [/URL]

[url=http://www.0zz0.com] [/URL]


هذا السويت

[url=http://www.0zz0.com] [/URL]
​

 

[مجنونة حبه]

يعطيج العافيه دودي والسويت شكله مرااااااااااااا خطير نبي الطريقه حبيبتي

 

[منورة الكويتية]

دودي ماشاءالله يعطيج العافيه شكل الفطور ايشوق