المطلقه السعيده نصائح المطلقات وأحسن المحامين

[يالله الخيرهـ]

السلام عليكم

أبغض الحلال عند الله الطلاق أ نا لااشجع ابدا علي الطلاق
لكن عندما تصبح الحياه مستحيله وسنوات عمرك وصحتك
تؤخذ بالأكراه منج تعيشين بين الناس وانتي شبه ميته تبلد
مشاعر وحزن دفين الامراض تتسرب لك بعد هذا الجفاء والحزن
هل يوجد حل غير الطلاق

الطلاق هو الحل لكل من تعاني من حياه قاسيه
اتمنى ان احصل من خواتي المطلقات المنفصلات
على نصائح لأول خطواتي

ارغب بالطلاق
كيف احصل عليه دون تعليق وتعذيب
كيف أخذ حقوقي وحقوق ابنائي
أحسن المحامين
كيف أبدأ من جديد

وبيتج ماانتظرتيه سنوات عمرج هل يذهب منج
يسرق عمرج و احلامج

خواتي أحتاج لمشورة صادقه غير الرجوع عن قراري
وخالص دعواتي لكم بالسعاده

 

[ام غازي 2012]

رررفع ررررفع

 

[شيهانة مطييير]

والله انا همن ابي احسن المحامين
وكيف اخذ حقوقي كاملة لي ولعيالي
ونصائح كيف ابدي حياة جديدة سعيدة

 

[Alias]

اولا لكي تعيشي حياه سعيده من بعد تجربه زواج فاشله اذهبي الى استشاري نفسي وانا ارشح لك دكتوره مريم باقر. عندج المحاميه ذكرى الرشيدي شكثر يمدح نها بامور الطلاق والنفقه. واتمنى لكم حياه سعيده. وجديده

 

[احلام روحي]

ياحبيبتي احيانا الطلاق رحمه وباب سعه
اذا خلاص استخرتي وعزمتي ع الانفصال اكتبي بورقه وقلم شنو تتمنين تكون حياتج الجديده وعيشي مثل الي كتبتيه
طبيعي تتأزمين اول شي حتى لو كانت حياتج السابقه اصلا ماتسوى تنزلين دمعه عشانها بس هذا شعور طبيعي
استفتحي باسم الله الفتاح ان يكون طلاقج فتح خير لج ولعيالج ولدينج وهو الاهم
لا تتأثرين بكلام الناس لانهم مايدرون عن طبيعه الحياة الي عشتيها فعطيهم اذن من طين واذن من عجين وجهزي ردود مبهمه صارمه للفضوليين ولاتخلين حياتج السابقه كتاب مفتوح المل يتسلى بمعرفه تفاصيله حتى لو كنتي مقهورة بالعكس حتى لو طليقج اردى الناس قولي هذا صار رجال غريب عني مايحقلي اتحجى عنه وابو عيالي يستاهلون اني احترمه عشانهم
وبجذي سكرنا باب مهم عشان تلملمين مشاعرج المجروحه بعقل وراحه من غير قال وقيل وخلي حسبي الله ونعم الوكيل كلمه ع لسانج واجرني ربي بمصيبتي واخلفلي خيرا منها دايما في سجودج
طيب بالنسبه للحقوق
في وايد محاميات انصحج افضل من المحامين ولاتحاتين حقوقج محفوظه لج حق الحضانه والسكن وخدامه وسايق تاخذينهم بالقانون ولج حق المتعه وهو مبلغ مالي يحدده القاضي بعد مرور شهور العده

ولج من الشؤون بعد معاش شهري يصرفونه بطريقتهم
وبالنسبه للسكن دام انج حاضنه لعيالج لج حق السكن حسب عدد عيالج يقسمون البيت غصب مو طيب منه وهذي شغله التنفيذ بمحاكم الدوله يطلعون ويقسمون البيت بالي يوفرلج ولعيالج الحياه ااكريمه

 

[Alesar]

الله يكتبلك الخير والصلاح باذنه انا الصراحة ما عندي نصايح بس حبيت اشكر الاسلوب الراقي الي عرضتي فيه الموضوع وان شالله يكون مفيد لجميع الخوات الي يبون النصح والمساعدة في هالموضوع صحيح انه ابغض الحلال بس فعلا مرات الحياة تصير مستحيلة وتحسني ان عمرك قاعد يروح هدر عسى ربي يهدينا ويهديكم الى الصراط المستقيم

 

[امـ خــزامـى]

ياحبيبتي احيانا الطلاق رحمه وباب سعه
اذا خلاص استخرتي وعزمتي ع الانفصال اكتبي بورقه وقلم شنو تتمنين تكون حياتج الجديده وعيشي مثل الي كتبتيه
طبيعي تتأزمين اول شي حتى لو كانت حياتج السابقه اصلا ماتسوى تنزلين دمعه عشانها بس هذا شعور طبيعي
استفتحي باسم الله الفتاح ان يكون طلاقج فتح خير لج ولعيالج ولدينج وهو الاهم
لا تتأثرين بكلام الناس لانهم مايدرون عن طبيعه الحياة الي عشتيها فعطيهم اذن من طين واذن من عجين وجهزي ردود مبهمه صارمه للفضوليين ولاتخلين حياتج السابقه كتاب مفتوح المل يتسلى بمعرفه تفاصيله حتى لو كنتي مقهورة بالعكس حتى لو طليقج اردى الناس قولي هذا صار رجال غريب عني مايحقلي اتحجى عنه وابو عيالي يستاهلون اني احترمه عشانهم
وبجذي سكرنا باب مهم عشان تلملمين مشاعرج المجروحه بعقل وراحه من غير قال وقيل وخلي حسبي الله ونعم الوكيل كلمه ع لسانج واجرني ربي بمصيبتي واخلفلي خيرا منها دايما في سجودج
طيب بالنسبه للحقوق
في وايد محاميات انصحج افضل من المحامين ولاتحاتين حقوقج محفوظه لج حق الحضانه والسكن وخدامه وسايق تاخذينهم بالقانون ولج حق المتعه وهو مبلغ مالي يحدده القاضي بعد مرور شهور العده

ولج من الشؤون بعد معاش شهري يصرفونه بطريقتهم
وبالنسبه للسكن دام انج حاضنه لعيالج لج حق السكن حسب عدد عيالج يقسمون البيت غصب مو طيب منه وهذي شغله التنفيذ بمحاكم الدوله يطلعون ويقسمون البيت بالي يوفرلج ولعيالج الحياه ااكريمه

:rerrerek:معها كفت ووفت ربي يسخرلها ولك وللمسلمين اجمعين

 

[yam_yam]

حبيبة قلبي انتي عسى الله يعوضج بالاحسن يارب
شوفي الطلاق مو عيب
العيب ان يروح عمرج و حياتج و صحتج مع انسان مو مناسب و انتي تتعاملين مع هالامر بسلبية
الطلاق هو بداية جديدة لحياة جديدة مع انسان افضل
طول ما عندج ثقة بالله سبحانه و تعالى لا تحاتين فوضي امرج لله و عيشي حياتج
و لا تقولين حسافه

بالعكس فكري و تعلمي من اخطائج واستفيدي منها للحياة الثانية عشان ماتنعاد

يعني انا استفدت من تجربتي وااااااااايد امور و كلها بحطها في بالي بحياتي الثانية انشالله
و بالعكس مو متحطمة نفسيا و لا افكر اروح لدكتور نفساني
لان اذا كان الطلاق مني فهذا قراري اتخذته باقتناع
و اذا كان منه معناته هو اللي بايع اذا فهو ما يستاهلج
و بالحالتين الامر خيره من الله سبحانه و تعالى


اما العلاج النفسي علاجي فقط بالقران الكريم و تقربي من الله سبحانه و تعالى لان مافي احسن من العلاج

اما بالنسبة للمحامية ارشح لج ذكرى الرشيدي فهي احسن محامية احوال شخصية
بس خلي قضيتج عند مستشارها اسمه عوض العوضي

 

[M!SS.LOBY]

الله يعينج

 

[شيهانه الهيلا]

ذكري الرشيدي تمرمط الرياييل بس عيبها غاليه

 

[M!SS.LOBY]

لا حول ولا قوة الا بالله

 

[توتة UAE]

حبيت الموضوع جميل وتفائلي 3> ربي يسعدكم ويعوضكم بخييير ينسيكم الماضي امين

 

[M!SS.LOBY]

المحامية او المحامي يبون مبلغ مالي وقدره

 

[جوري الصالح]

حبــــوبة ..
يعوضــــك بالاحــــسن إن شـــاءالله