المطلق عرفناه لكن المخلوع؟؟؟

[كهرمانة]

سلام عليكم بنات
فيه موضوع محيرني ومحتاجة آراءكم
اذا تقدم لج واحد مطلق هذا شي طبيعي
اقصد الطلاق معروف واسبابه كثيرة
لكن لما تسمعين انه مخلوع
يعني شنو تفهمين من هالكلمة
زوجته خلعته لانها ماتبيه وتنازلت عن حقوقها من نفقه ومتعه عشان تتخلص من هالزوج
صح ولا لأ؟؟
واهوا يبيها وما يبي يطلقها
يعني العيب منه

يعني لما يتقدملج واحد ويقولون لج انه زوجته اخلعته
شنو يتبادر لذهنج لما تسمعين هالكلام
مو يخليج تخافين وتترددين منه اكثر من المطلق؟؟؟

 

[ام فواازي]

والله ماكد فكرت في هالشي بس لو مثل ماقلتي بيطري علي انه يحب العناد وماله كرامه او شري اللي يعند مايطلق ويخلي المره تخلعه و 99% المره كارهته 1% المره مغصوبه على هالشي

 

[تحرير @]

اكيد ماخلعته الى فيه عيب ومايبي يطلقها لانه ماراح يحصل احد بيوافق ع عيبه
والله اعلــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــم

 

[ام زهقانه]

حبيبتتي انا عرف سمعت من رفيجتي ان حماها امرته اخلعته ما تبيه بالعربي تدرين ليش الانه ما يجي الحريم واكيد فيه عيب

 

[فوفو22]

الخلع المستفيد ماديا منه هو الزوج


والمستفيده منه بالحرية وكسب الطلاق الزوجه

وغالبا ما تلجأ الزوجه الى الخلع

في حاله عناد الزوج ....ما يبي يطلقها

فوفو

 

[iLLuMinaTion]

شكرا جزيلا

 

[G!RLooNa]

عفوا جزيلا :dddds:

الموضوع بوادي و بعض الناس بوادي كل من بقلبه شقى الليله :dddds:

اممم مخلوع مادري يعني اذا المطلق ينسال عليه بدال المره مرتين و ثلاث المخلوع يبيله تحري قبل لا تفكرين توافقين عليه

 

[نورعيونك]

مخلوع يعنى فيه شي ولا مشكله وموراضي يطلق الوحده يتقدملها واحد مطلق تخاف وتفكر بعد مخلوع

 

[زوجة عزيز]

انا زوجي طليقته خالعته لكنها ماتنازلت على اي حق من حقوقها بالعكس ماخذه حقوقها وازياده

 

[pusy cat]

ماراح ارضى فيه اكيد معزر بالمره وموراضي يطلقها عشان ماتاخذ حقوقها

 

[نبض شرياني]

ترا مو شرط الريال مايدفع منو قالكم جذي

انا اعرف وحده خالعه نفسها من زوجها والمحكمه حكمت لها بنفقه لعيالها واجار الشقه عادي من حقها لانها تأذت منه نفسيا

 

[Tulips]

لا مو شرط .. ماتدرين شنو المشاكل اللي كانت بينهم يمكن اهو ما كان يبي يطلق واهي كانت مصره عالطلاق

عموما علسان ترتاحون اكثر سئلو طليقته عن اسباب الخلع مافيها شي هذا زواج

 

[shy rose]

طبيعي المخلوووووووع يختلف عن المطلق من نواحي منها

شي نفسي او مرض او عيب يؤدي لطلب الزوجه الخُلع من زوجها

ذكرتيني بزميلة لي طلبت الخُلع لاسباب نفسية في زوجها والى الان لم تُخلع وصار لها سنتان

 

[bto0olah]

سالي عنه موشرط الريال فيه عيب يمكن اهوا يبيها ومايبي يطلقها واهي ماتبيه يمكن مغصوبه عليه قي وايد اسباب سالي احسن

 

[نور خانوم]

بعض الاحيان يكون الخلع مناصف للمرأه

اشدراج يمكن اهيا ماتبيه وراحت خلعته موشرط يكون بالزوج عله .. وسألي عنه اكثر وعن اخلاقه وحالته الماديه

 

[ياليتهم يشعرون]

ولا مره فكرت بهالموضوع بس لو انا مو متزوجه اكيد مااوافق الا اعرف سبب الخلع

 

[أم الأسلوب]

الرجال زي الجزمه نلبسه متى ما نبي ونخلعه متى ما نبي

المطربه انغام خلعت جوزها السابق خلت المهر غالي وخلت مؤخرها ولا شي ؟؟؟


تدرون ليش علشان كانت ناويه عالجنسيه وبس سجلت عالجنسيه سحت على امن جابته ا


يضرب الحب شو بيذل

 

[مريومه النزغه]

انا خلعت زوجي للامانه ماكان فيه عيب بس انا ماابيه موقادره ابلعه كنت نفسيتي ماقدرت تتقبله بس كان يموت فيني المسكين الله يوفقه ويوفقني يارب ويعوضني

 

[طبعي حلو]

لله يوفقج يا رب


بنااااااااااااااات




نخيتكم تكفون

صوتو لي

اضغطو ع الرابط
http://www.4in1-stc.com/home/show/14030

ثم اضغطو ع صوووت للمشاركه

تكفوووووووووون ابي افوز

 

[حبيبه العلي]

مابي اظلم برفع الموضوع واستفيد من الردود من جد شدتني السالفه

مثل مالطلاق ممكن موعيب من المره فاتوقع فيه حالات من الخلع موعيب في الرجل

ولد خالتي دعله ومدمن والشكل استغفر الله من الادمان ومع هذا راعي

حريم ولما طلبت زوجته الطلاق رفض ولما كانت بتخلعه طلقها بسرعه

والحين تزوج عليها ولا كن شي صار وكثير مرت على قبل الخلع طلاق