المعلمات الي يتكلمون عن حياتهم الشخصيةومشاكل البيت في الدوام

[ms gucci]

دخلي يا حلوة ودنا نسمع رايج



















يا حلوات بغيت أسمع رايكم في المعلمات الي يتكلمون عن حياتهم الشخصية ومشاكل البيت مع زميلاتهم في الدوام هل تعتقدون راح يساعدونهم ولا شنو راح يصير أعتقد انتو أدرى يا ريت تعطونا رايكم وتفيدون كل وحده على نياتها تحاول تشكي همها أو تطلب مساعده[أو حتى تتكلم عن زوجها أو حمولتهاSIZE="7"][/SIZE]:lkmnkl:

 

[ملاك-77]

غلط واكبر غلط تفشي اسرار بيتها
في مكان عملها

 

[MISS BAD00RAH]

رد : المعلمات الي يتكلمون عن حياتهم الشخصيةومشاكل البيت في الدوام

طبعا مو مرا ,,, وماراح تستفيد شي ,, غير القيل والقال والطنازة ,,, وبعدين امورج الشخصية اسمها شخصية ما تسولف لاي احد,,, انا

مرة كنت مارة عند قسم السكرتارية ولا اسمع وحدة قاعدة قعدة مع مجموعة حريم وسب برجااالها وانها بتطلق ,,, أمبية عييب اللي بالممر

يسمعونج وين قاعدة .... في ناس حدث ولا حرج ما كو حياااء,,, اللة يستر علينا ويهدنا,,, ونبي رايج بالموضوع بعد !!!!

 

[نوراء]

مو جذي .. وحدة معانا بالدوام مشاكل مع زوجها وانه يطقها وبعدين صار الطلاق وتهاوشو على حضانة اليهال وهذا اهو الزوج الثاني يعني حبته على زوجها الاولى وتمشي وتذيع بسالفتها تدرون شصار لها اقل مشكلة تسويها او تصير لها مع زميلة يقولون لها فيها حالة نفسية المسكينة تدرين كان زوجها يطقها طق وحتى الوزارة اتصلت على المديرة علشان سالفة مسويتها قالت لهم المديرة فيها حالة نفسية وايد نفسيتها تعبانة لانه زوجها يطقها عصبت وقالت من قال ان فيني حالة نفسية قلت بخاطري انتي ..

 

[كونتيسة]

غلط واكبر غلط تفشي اسرار بيتها
في مكان عملها

صاجه 100%

 

[معدن ذهب]

ابدا لا تقوووووووووووولين اي شي عن حياتج كلها خليج غامضه لان الحريم يسمعون ويتشمتون ولا

يعطونج حل وكل سووووووووالفج عند اهلهم ولا ريايلهم


فنصيحه اخت كوني حبوبه ومحترمه من الجميع بس حياتج لااااااااااااااااااااااااااااااااااااااااااااااااا


علي قولت المصرررررررين خليها حلقه في ودناك:rerrerek:

 

[ms gucci]

رد : المعلمات الي يتكلمون عن حياتهم الشخصيةومشاكل البيت في الدوام

شكرا حبيباتي على المشاركة الحلوه يا يريت تزيد المشاركات للنصح لا للذم طبعا أنا أكلم المعلمة الي تتكلم بالدوام عن حياتها الشخصية سوى بالخير أو بالشر ، اذا كنت تعانين من مشاكل فالله يعينج بس حبيبتي لا تشكين لأحد محد بفيدج غيره سبحانه ستار معين غيرج إذا ما راح يتشمت راح يفضحج حتى لو بحسن نية أما ذا كنت تتكلمين بالخير وتمدحين مثلا الي تمدح زوجها وحمولتها فما تدرين الي قدامج شنو عندها من مشاكل والعين حارة والحسد موجود ياما انهدمت بيوت بسبب الحسد لا تمدحين ولا تذمين وأنا قصدي النصيحة والله يفرج همومنا جميعا ويسترنا ولا يفضحنا قولو آمين_shh_:

 

[^^ريهام^^]

في سوالف عن سوالف تفرق

انا احترم المرة اللي تحترم زوجها وأهله وتتحجى عنهم بالخير وما تفضح اسرارها واسرار زوجها

بس اعتقد الوحدة عادي اذا حبت تشكي , على خفيف من زوجها وحمولتها خصوصا اذا تشتكي لزميلتها القريبة منها حيل

بس تدرين وين المشكلة

اللي تسولف عن علاقتها الخاصة بينها وبين زوجها , ما ادري منين تجيب الجرأة وتسولف قدام المدرسات جذي وبالتفاصيل انا لما اسمعها تسولف جذي احط سماعة التلفون باذني علشان ما اسمعها , ونبهتها مرة وقلتلعا حرام , ولا اهتمت وعادي تسولف والابلات مستانسين عليها

اول شي حرام

كلش طبع مو زين ويفشل

 

[همسات ليالي]

رد : المعلمات الي يتكلمون عن حياتهم الشخصيةومشاكل البيت في الدوام

السوالف العادية اللي تصير بكل بيت عااااااااااااادي الوحده تسولف فيها

ام السوالف الخاصه ابدااااااااااا الا حق وحده مخصوصه واتق فيها

 

[& مــشــايــخ &]

موكل شي ينقال

على قولة وحده يمسكونها عليها ممسك باجر أي شي يصير يقولون مريضه نفسيا مضغوووطه صاجين

 

[teacher-85]

رد : المعلمات الي يتكلمون عن حياتهم الشخصيةومشاكل البيت في الدوام

أول ما تدخلين الدوام
تكونين دشيتي عالم ثاني
أكبر غلط انج تخلطين بين البيت والدوام
لازم نتعلم شلون نصكر حلوجنه فضفضي حق رفيجاتج مو حق زميلاتج بالدوام ودايما خلي علاقتج
مع زميلاتج بالدوام رسمية جداا وبحدود الدوام فقط

 

[نونا**]

ويع انا ماحب هالنمونه

 

[ماكنتوشة***]

رد : المعلمات الي يتكلمون عن حياتهم الشخصيةومشاكل البيت في الدوام

غلط واكبر غلط
ماتدري الوحده باجر شنو يصير ؟؟؟؟
تسكت وفضفضة عاديه وبس !!!!:

 

[سويتي الحلوه]

رد : المعلمات الي يتكلمون عن حياتهم الشخصيةومشاكل البيت في الدوام

غلط

\شكو يدرون عن حياتي الخاااصه
وليش اصير كتاب مفتوح جدامهم

 

[ام طلال]

رد : المعلمات الي يتكلمون عن حياتهم الشخصيةومشاكل البيت في الدوام

انا اعرف حده باجي بس رقم ملابس ريلها الداخليه ماقالته !!!!!!!!

 

[fruit salad]

بالنسبة لي حياتي الزوجية خط أحمر ما أرضى أحد يتعداه:wqedqw:
اذا الوحدة حياتها سعيدة مع زوجها بيحسدونها اللي عندهم نقص
وإذا تعيسة بيتشمتون فيها
فالأسلم ما تتكلم الا كلمة ورد غطاها​

 

[Dallosh]

رد : المعلمات الي يتكلمون عن حياتهم الشخصيةومشاكل البيت في الدوام

عاد تدرون لاني ما اتكلم عن حياتي الشخصية
كله اسمعهم يقولون اشعليها لاعندها مشاكل والزوج على كيفها

الله يكفينا ويكفيكم شر لسان وعيون الحريم

 

[Amaloosh]

في ناس ماعندهم شغل غير القيل و القال مشالله يتكلمون بشرف الكل

صدقوني ترا كما تدين تدان

و عندج اهلج عزوتج ليش اروح حق الغريب الي مادري شنو صاله وتربيته في ناس والله يزودون ويتكلمون لا ذمه ولا ضمير

 

[ماعلى الدنياعتب]

اكبر غلط اتكلم عن حياتي الشخصية

 

[اقعد يا حظي]

رد : المعلمات الي يتكلمون عن حياتهم الشخصيةومشاكل البيت في الدوام

انا كنت اسولف عن حياتي الشخصية بحسن نية .. كنت مخطوبة عن حب وكنت اسولف عن خطيبي بحسن نية بس بعدين لاحظت وليد يسألوني عنة ... وعرفت ان انا الغلطانة من الاساس ليش اتكلم عنة
وصرت الحين ما اتكلم عنة بالمرة ... لا وبعد ابشركم شكل الخطبة ما راح تصير يمكن من عيونهم

نصيحة خووواتي لا تتكلمون عن حياتكم الشخصية عند اي احد :eh_s(7):