المغتربة مع اطفالها ياريت تساعدني

[frketa1]

السلااام عليكم
بدخل بالموضوع على طول
انا ويا زوجي ودنا نكمل دراستنا يعني نبي ندرس ماجستير ودكتوراه انشالله
وعندنا طموح ورغبة كبيرة
وتخصصاتنا مو موجودة بالكويت
فقال ليش ما نروح امريكا نكمل (اهو عاش قبل بامريكا 6 سنوات)
بس المشكلة مادري شلون تربية الاطفال هناك
يعني عيالي صغار عندي 2 اعمارهم سنة وسنتين
وهني عندي خادمة ويااا دووب نلحق على الغسيل والتنظيف والعناية بالاطفال
وهناك ماكو خدم شنو بسوي وانا بدرس بعد انا ويا زوجي
لما الحين مو قادرة اقرر ومابي اتخلى عن حلمي بعد
واللي بتسألني اي ولاية لما الحين ما قدمنا فما ندري
تكفووووون اللي عاشت هذا الوضع تساعدني بخبرتها
اللي اغتربت مع اطفالها الصغار وخصوصا للدراسة شنو سوت هناك
وشلون تخلصين اعمال المنزل وتعتنين بالاطفال وتدرسين؟؟؟؟؟؟؟؟؟؟؟؟؟

 

[سيلينا]

انصحج روحي درسي انا اعرف وحده لما كنت بامريكا مثلج عندها بنتين مشاء الله اخذت ماحستير ودكتوراه والحين اهي بالسعوديه
بخصوص الغسيل ومتابعه الصغار اهناك في حضانه دخليهم وبهالطريقه نومهم يكون منظم ومن غير خدامه صدقيني شغلج وترتبيج ونظافه اهدومج احسن من الخدامه اهناك البيوت صغار بسرعه بسرعه بساعه تنظفينهم وغير جذيه زوجج يتغير بساعدج وبيشيل ويحط معاج لان اهناك طبيعه الحياه غير راح تشوف بيكون تعاون بينكم اكثر بشغل البيت والصغار صدقيني مايضرهم حضانات او بيبي ستر لاتحاتين


انصحج توكلي ع الله الموضوع بالبدايه صعب لين ترتبين امورج وتنظمين وقتج عقب بتشوفينها احلى ايام حياتج صراحه تجربه انصحج تجربينها

 

[ام_يويو]

قوه حبيتى شوفى حبيتى انه الحين عايش التجربيه بمريكا مع ريلى قاعد يدرس ماجستير وفى ولايه اورقن وعندى اصبيان 2 واحد اوله روضه والثانى عمره 2 الصراح الوضع ما يتحمل انه تدريسين لان يبله وحد متفرغه ما راح اتحلقين مع اليهال ولا التنضيف والغسيل ولا الاوتى وفوق كل هذا طباخ وغسيل اماعين طبعن خددم ما كو نفس الكويت كل شى عليج انتى وما ادرى عنج والله انه هذا راى ى صعبه لان اعيالج بعد اصغار وايد تعب بس تقدرين اتحطين اعيالج فى الحضانه فل تايم يعنى مثلن من اول ما تطلعين حق الجامعه اتقطينهم الصبح لمن الساعه 6 المغرب يمكن اهنى تقدرين اشوى اتوازنين بين الدراسه وشغل البيت وبس هذا الوضع بمريكا بس اقولج حياتهم بسيطه وحلوه الشعب الامريكى وايد طبيب كل يبتسم وايد فرندلى حبوب والله اوفقج انشاله

 

[toto2006]

انا حماتي راحت علاج مع ريلها 9 اشهر و عندها 2 و حطتهم بحضانه من 9 الصبح لما 5 العصر و تقول وايد حضاناتهم حلوه و نظيفه و يوكلونهم بعد بس شغل البيت يكون مو وايد و لما كانت تظطر تقعد مع ريلها بالمستشفى تييب بيبي ستر اللي اهيا ابلتهم بالمدرسه .. تقول اصلا رخيصه و عيشتهم كانت حلوه بالنسبالي انا بمصر مع ريلي و عيالي و معاي خدامه صج مو ملحقه لاني مالقيت حضانه نظيفه حق بنتي بس امريكا اتوقع وايد يهتمون باليهال و الله بسهل عليج

 

[مجنونة حبه]

امممممممممممم ما ابي اخرعج
انا مغتربه وبامريكا وعندي ياهلين عمر ٤ اشهر وسنتين من ناحيه التنظيف شوفي شقق صغيره بسرعه اخلص وغسيل المواعين في دش ووشر فسهاله اما الهدوم غساله كل اسبوع او على حسب وضعج وصج ترى زوج يساعد بالغربه فهذا الشي الحلو ومن ناحيه اليهال انا بنتي الحين قاعدة ادورلها حضانه بس ترى بالاسبوع ٢٠٠ دولار
اوكي بس الشغله الحلوه ان الماستر يا صبح في دوام او بليل على حسب محاضرات وهذا الشي يشجعني انا اكمل بس لما الاقي حضانه حق عيالي
وان شاء الله افدتج

 

[frketa1]

مشكووورين على ردودكم بس الصراحة مادري لما الحين محتارة وخايفة وايد، انزين ما عندكم فكرة عن الخدامات اللي ايون بارت تايم يعني بس اخليها تنظف وتسوي الاوتي وتطلع؟؟

 

[مجنونة حبه]

امبيه اشفيج اتحاتين على تنظيف ترى سهاله مفروض اتحاتين على عيالج وتنظيم حق دراستج

 

[frketa1]

امبيه اشفيج اتحاتين على تنظيف ترى سهاله مفروض اتحاتين على عيالج وتنظيم حق دراستج

والله أحاتي كل شي وطبعا اكثر شي عيالي بس انشالله متطمنة ان بدخلهم حضانة زينة لأن وايد عندهم حضانات ممتازة

 

[مجنونة حبه]

اي بس ديري بالج على نظام دراسه مو يحطولج مواد دينهم
والله يوفقج ان شاء الله بدراستج

 

[sereen]

حبيبتى انتى العلم حلو لو معاها عيال , انتى نفس حالتى انا وزوجى كنا ندرس ومعانا ماشاء الله عيال على 2 3 سنوات , شوفى ترى الامور تمشى بس يبيلها مساعدة الطرفين انتى وزوج , مافى شى من غير سلبيات ولا ايجابيات بس دراستكم بترجع بالفايدة لكم ولعيالكم ان شا اءلله شوفى عمرى تبين على الخاص اقوولج لان يييييييينننى السيرفر فى المنتدى , شوفى بشكل مووووجز
العيال فى حضانه لانكم بطووولون مو اقل من خمس سنوات
دوام الحضانات من الساعه سبع الى الساعه خمس يعنى انتى بالدوام
تاخذينهم تعشينهم يناموووووووون بعد ماتقعدين معاهم ماناموا الله وياج لان بصير صيحه بصراحه انا كنت اروح بعد ماينامون بالليل مكتبة الجامعه خاصه ايام الاخبتارات يبيلها تركيز
طبعا الله يعين الحاله النفسيه اتصير بالحضيض ليه درجه ,,,,,, بس الله الحافظ
راح يكون فى ضغط نفسى وبدنى بس لا زم تتساعدين انتى وزوج وتلعبونها one-two
شغالات من وين ياعمرى بارت تايم و الله اذا المادة زينه عندكم حلووو بس اهى حيييييييييل مكلفه ساعته ب احنا بولايتنا المتواضعه نسبيا
ب 100دولار
وعيالج حضاناتهم بتصير اكثر من نص الراتب شهريا ما يقل عن 700 دولار للطفل الواحد
انا ما اخرعج من الوضع بس انا محد قالى شنو اللى راح اواجههه ولا اصلا فكرت فيه لان كان هدفنا الدراسه , بس ربج يسهلها اشلوون ماتدرين
بس يبيلج مطاطير صبر عشان تخلصووون على خير
اى سؤال انا حاضرة عمرى
بصراحه انا احب افيد الناس اللى تبى تدرس خاصه اللى معاهم اطفال لانى مريت فى وايد تجارب كونى امى وطالبه وزوجى كونه اب وطالب
وعيالنا صاروا طلبه هااهاهها ماشاء الله خلاص نوينا نفتح جامعه برووحنا

 

[مجنونة حبه]

سرين انا ناويه اكمل ماستر بس لما عيالي يدشون الحضانه بس صح كلامج اسعار الحضانه غاليه يبيلها اشوي بس ان شاء الله الاتحاد يشوفون هالموضوع يساعدونه اشوي

 

[sereen]

مجنونه حبه , عسى الله ان شاء الله يوووفقج يارب وتشرفين اهلج بارفع الشهادات , والله مافى احلى ولا ارقى من العلم والعلم وترى بصراحه بامريكا سواء اليهال كبار ولا صغار تعبهم واحد بس الى مرحلة المراهقه تبدى المصايب " اسال المجرب" الله يعينا بس ونخلص على خير ان شاء الله
الله يوفقج عمرى

 

[مجنونة حبه]

مشكوره حبيبتي والله يسمع منج
والله يوفقج ان شاء الله

 

[loolat^mady]

انا من رايي تتوكلين اول شي على الله سبحانه اهوه اللي يسهل كل شي.. انا عندي ولد عمره سنه وشهرين ودخلته الحضانه والحمدالله وايد زينه.. وادرس انا وريلي ماستر.. وانشالله ناويه اييبله اخت والا اخو حق اللويه بس انا احس ان عادي عندي اييب 4 يهال بدون خدامه بامريكا بس ماقدر اعيش مع ياهل واحد بدون خدامه بالكويت..هناك الحياة مسهله حق الام..سوالف تنظيف من اممممه ماحاتي اصلا اكلنا كله بالجامعه ماكو وقت طبخ اذا فضيت سويتلنا شي.. والحين الكورس الياي عندي مواد بلييل ف دورتلي بيبي ستر من الانترنت موقع حده اينن..وانشالله الله يسهلها.. بس اذا عندج فرصه توكلي على رب العالمين ..والحمدالله ان ريلج يعرف بامريكا ف شوي يصير ااسهل..احنا بدينا من الصفر وكان حيل تعب.. بتدورين اي شي ماعليج الا تطقطقين بالانترنت ..شقه سياره بيبي ستر مكان معين اييي شي بس دشي قوقل ويطلعلج كل شي بمنطقتكم.. انا على الله وعلى هالقوقل .. واذا تبين اي شي حياج انشالله نساعدج..

 

[om-3abdallah]

هلا والله والصراحة انا من راي البنات ترا ما يحس فيها الا المجرب انا بامريكا صارلي 6 شهور وعندي ولدي 4 سنوات وبنتي سنة ونصف وزوجي يدرس وطبعا انا مو قادرة حتى اخذ لغة بسبب الشغل وابدا مااقعد من الانشغال سواء بامور البيت او بنتي وطبعا ولدي دخلته المدرسة لكن بنتي صغيرة بعدها مااقدر اقطها هني وبعدها بهالعمر تراهم موصبورين على الاطفال مثل حضانات الديرة
وبالنسبة للخادمة انا بالكويت ماكنت اقدر اعيش بدون الخادمة يوم واحد وهذا للاسف لان اعتمادنا كلي عليها فهني كليتها عدل المطبخ والطبخ واليهال والتنظيف وااااااااااااااااااااي مع ان كل شي اوتوماتك الغسالات وغسالات المواعين بس والله مااقعد !!!!! يعني اذا بتروحين حطي ابالج ان زوجج يكمل اول وانتي على ماتدخلين اليهال ويستقرون بعدين تكملين والله يوفقنا جميعا يارب

 

[درقاء]

خووش موضوع ..
انا ان شاءالله بروح حق ريلي اهو الحين بامريكا دوره عسكريه .. فبلحقه على شهر 5 باذن الله ان تسهلت الأمور ..
مع ولدي عمره سنه وجم شهر ..

اييييييييييييي .. الا على طاري اليهال .. انا ولدي عنده تطعيم بو سنه ونص .. يعني انا اكون هناك ..
فعادي ما اطعمه الا لما نرد الكويت؟

 

[loolat^mady]

خووش موضوع ..
انا ان شاءالله بروح حق ريلي اهو الحين بامريكا دوره عسكريه .. فبلحقه على شهر 5 باذن الله ان تسهلت الأمور ..
مع ولدي عمره سنه وجم شهر ..

اييييييييييييي .. الا على طاري اليهال .. انا ولدي عنده تم تعرفين شنو اسم الدي على تطعيم بو سنه ونص .. يعني انا اكون هناك ..
فعادي ما اطعمه الا لما نرد الكويت؟

لأ طبعا مو عادي .. طعميه هناك مو زين يتأخر عن تطعيمه.. وعادي على انشورنس ريلج يطعمونه.. بس انتي لازم تعرفين شنو اسم التطعيم عشان مايعطونه كل شي انا هني وذبحوني تطعيمات بولدي اشياء عجيبه غريبه ولدي عمره سنه و5 اشهر تقريبا بعمر ولدج الشهر الياي تطعيمه عاد مادري شبيقزون فيه حبيبي