المكياج الماركة ومكياج الهنود :)

[مشتطـه]

السلام عليكم شلونكم بنوتات اليوم بسولف لكم عن مكياج الماركة و مكياج الهنود


اول شي خل اشرح نبذه عني تفادي لبعض الردود اللي بشوفها


انا احب المكياج
اعرف أحط الحمدلله

احب الموضة والازياء والحمدلله ذويقة واعرف الذوق بالمكياج واللبس وكل شي يخص المرأه
لاني مهتمه

حالتي المادية جيدة جدآ ولله الحمد مو قاصرني شي بفضل الله ..

-
-



بدت فكرة الموضوع اليوم

شلون ؟


لما رحت دبنهامز أشتري مكياج ماركة لان عندي عرس قريب وبحط لنفسي بالبيت

فقلت لازم اشتري مكياج واضاءات وجذي لان العرس قريب مني حيل
وماني رايحه صالون
والسبب ان زوجي يكره تلبخ الصالون علي فـ منعني عنه


اشتطيت وشريت مكياج ماركة قلت أكيد راح يطلع واو وجذي ويبين شكله اذرب وغير



للعلم انا اموت بشي اسمة مكياج هنود لان استعماله وايد عاجبني مو شوية
مثل الاضاءات الشدوات البلشرات و الحمر وتاتو الحواجب وهالسوالف


الا الكونسيلر استخدم ميبيلين و برجوا

والكريم الاساس ما احب الا ماكس فاكتر لانه جدآ يناسب لوني

والبودر اول كنت استخدم ماكس فاكتر والحين استخدمت ماك ستديو فكس تهبل

مممممممم


الآيلاينر أستخدم محمود سعيد وما بقى احد ما سألني شنو الآيلاينر وايد وايد

والله حتى بلندن الاجنبيات يسألوني عنه :krkrkr@ والله العظيم ما ابالغ ولاني اعرف اخطه بعد



مممممم الكحل داخل العين استخدم سمايلنق الاخضر

والمسكرات ديور و برجوا وماكس فاكتر وبوبا

والشدوات والاضاءات كله من الهنود والحمر زوغه احبهم


ف نوعآ ما
ما ينقال عني اني مو من عشاق المكياج الماركة
يعني الاساسيات ماركة والباجي من الهنود


يو يه عرسي وبجهز المكياج قمت وشريت من مكياجي شدوات حيل حبيتهم الـ48 لو
وشريت جم حمرة من ماك ومكياجي

وشريت كريم اساس ديور غالي اذكر

وشريت ماسكارا ديور
وشريت جم شغله ماركة والباجي هنود

وللأسف كريم اساس ديور يلووووع الجبد

ماسكارا ديور جدآ عاديه نفس ماكس فاكتر ماتسوى سعرها

وحمر ماك عسى ما يجيس حلجي شي الا طبعت وعفست الدنيا

وما استخدمتهم كثر الباجي


نكمل

اي عاد اقولكم رحت وشريت لمعات من ميكب فور ايفر
وشريت شدوات اللون الواحد ب 10 و750 من بوبي براون
والباجي عندي كريم اساس ومسكرات وكحل وجذي

واليوم عندي استقبال قلت بجربهم عالخفيف حق استقبال ما راح احط وايد

واقوم واجرب واحط

كلش ما فرق معاي الشدوات

واللمعه امنية حياتي تصير نفس طقة نجوى كرم

مو راضي يلمع تحت حاجبي


شريت من شارمل لمعات الدنيا لعرسي وما نفعت





امانه بنات لحد يرد بروح الحين ضروري لي تكمله بليز لاتردون
ما اقدر احفظ الموضوع بلاب توب لانه لابتوب زوجي ومابيه يشوف




برررررررررب طلعه مفاجأه

بكمل لكم الباجي باقي شكثر

 

[Kocheko]

ناطرينج

 

[فرحة قلبي]

معاك حق الماركات حلوه بس نلاقي بديل اذا لمعات اوحمر وشدو ول شي على طريقه حطك للمكياج

 

[Angel_store]

waiting

 

[NODA 2]

قاعده انطرج وينج يا حلوه كملي

 

[UNICORNA]

على انتظار (=

 

[شيختهم*]

Waiting

 

[أحاسيس سرمديه]

ناطرينج خيتوووووو

 

[سوسو حبيبتى]

هيهيهيهي بقعد جانب اخوواتى

واحدة تسوي لنا قهوه يابنااات

 

[عذاب والكل ذاب]

مشتطه وينك !
قسم اني اشتطيت :dddds: انتظرك

على فكرة ـأنا مكياجي اوكي الكل يمدحه كامل بس ! ناقصه شي ..
اللاي لاينر :eh_s(2): ماعرف لسائل​

 

[ميس هارودز]

وينيج في من قبل ماحد يرد وانا مو راضية ارد ،ناطرتج والحين ترى دولتي الغيبة يوم كامل ننطرج

 

[MiSS B.K]

:bbbiu:متابعه

 

[بنت الاحلام]

انتي نفذ ذوقي بالمكياج والبورد والمسكره يعني نتشابه وانا نفسج بالضبط
ما اايد الماركات باشياء كثيره حتي بزهابي اخذت شكثر من مكياج الهنود والماركه

بس كريم كيرولان
وغيرلان مع بورده والبيس
ومسكره سالوران

والباجي الاشياء العاديه
مثل مسكره ريميل
وكريم ماكس فاكتر
وفي بورده روعه من ماركه ماكس تاج انصحج تجربينها

وعندهم شدو نفس شدو مكياجي الي يجي الوان بنفس العلبه

ونفس المستوا بالضبط
انصحج فيهم

وعندي اشياء واحد بما اني اجرب واحب وبنفس الوقت اتاجر بالمكياج
بتذكر وبرجع لج

 

[softy_22]

ننتظــر .. ^^

 

[أسيرة_أحزاني]

اي والله صاجة مكياج الماركات مو كل شي حلو والله يطيح بجبد الوحده وتحسفين عليها

والهنود عندهم بلاوي بس وين الي يدورهم وله خلق لهم

 

[هواياااااا]

نفس الشئ جربت الماركه وطقة الهنود وفيه الزين وفيه الشين وهى على حسب الاستخدام بس اهم شئ الكريم الاساس والكحل السائل 00000000000000وكملى ننتظرك00000000000000000

 

[:نسوني غلاه:]

ناطرينج

 

[نور بوبيان]

وينج
طولتي
عسى المانع خير

 

[أحترت أعبر]

وينج ترا ناطرين ...

 

[بحر الرمال]

انا اشتطيت يالله باقي لي شوي و احترق