المكياج

[مدموزيل لولي]

اهلين بنات ,, كيفكم ؟؟ :eh_s(7):

ابي فزعتكم انا ببدا اشتري المكياج بس مو عارفه وش اخذ بالضبط :eh_s(2):
بليزز قولولي وش اشتري بالضبط . واللي عندها صوره للبلشر او الاضلال او اي شي حلو
تنزل صورته عشان اعرف كيف شكله :yaaaaaarb:

والله يوفقكم ويسعدكم ,, ولاني اثق برايكم وذوقكم قلت مالي الا بنات منتدى كويتيات اكيد بينصحوني بكل شي حلوو :eh_s(17):

 

[غرام القمة]

ابشري الافضل تنتظرين معرض العطور والمكياج باخر الشهر عشان تخلصين مرة وحدة
وعسي ربي يوفقج

 

[Om-azooz]

اب اب

 

[فدوووو]

اشتري اللي انتي متعوده عليه ومرتاحه له

 

[معلمة شيسمونه]

صح اشتري الاشياء اللي انتي تستخدمينها ماله داعي تاخذين شغلات عمرج ما احتجتي لها​

اقتراحات : ممكن تفيدج
شادوات ------------- في علبة عند مكياجي الحين بس ينزلون المعرض يبيعونها على 11 دينار علبة تينن
فيها قلوسات وفيها شادوات كل الالوان وفيها بلاشرات وفيها شادو الحواجب عموما انا اتكلم عن العلبة المسطحه مو عن الجنطه الكبيره لان الجنطة الكبيره موووووووووووو حلوه تلوع الجبد نصيحه​

سنتر بوينت --------- اخذي حمر ريفلون وهم اذا لقيتيهم بالمعرض احسن بيسوون لج خصم حلو ترى حمر ريفلون نفس كفاءة حمر ماك بالضبط وبنصصص السعر ما يتعدون 3 دنانير ونص او بالكثيررررر 4 وبلاشراتهم طبيعية
ماركة نيكس اقلامهم الكحل تهبببل خاصه الملونه عجيبه​

كريم اساس للمناسبات يكون شوي قوي ----------- اقترح عليج سوبرا كلر من كريولاين
كريم اساس خفيف للاستخدام اليوم يهبل ---------- اقترح عليج كريم مينارد عند بيوتي هو مع بودرته ولا جنج حاطه كريم​

تاتو حواجب ----------- تاتو ماك البني هو مع فرشته عن تجربه يهبببببل​

فيكسر مثبت المكياج --------------- اقترح فكسر كريولاين استحاله يتزحزح المكياج يثبته من قلب​

اشتري فرشة البلاشر والشادو والسحبة نوعيات ممتازه لانج بتستخدمينهم على طول
الايلاينر ------------- عندج ماركة لوريال وريميل ملوتهم وايد حلوين وفرشهم ثابته
الماسكره -------------------- عند ريفلون دبل تويست ومالت لانكون ام فرشتين ومالت كلنك الكل يمدحهم​

عاد بعدين اخذي الشغلات اللي تحبينها لمعات واضاءات بالمعرض الاسعار شوي تفرق وارخص صراحه خاصه اذا تشترين كميه يبين​

ان شاء الله ما اكون نسيت شي واكون افدتج لاني خلصت المكياج من زمان ​

 

[ya al3rosa]

معلمة شيسمووونة ما قصرت يعطيها العافية

 

[مدموزيل لولي]

شيسمونه الله يجزززاك خير حبيبتي
بس انا من السعوديه مو الكويت

 

[مدموزيل لولي]

فددديتك ماقصرررتي ياعمري
اي ريفلون توني شاريه من ارواجه اعجبتني صراحه
بس وش تقترحون علي اخذ من ماك وبوبي براون لانهم احلى ماركتين صراحه
انا تر مو حقه مكياج عشان كذا ماعرف شي

 

[أجمل إنسـآنـه ~]

..~.~ أبدي من أغرض ألمكيـآج من ألأف...~.~

1- كريم أسـآس
2- بودره
3-شدو
4- كحل حواجب(بنـي +أسود)..
5-كحل داخل العين( ألوأن) مثـل..أزرق أخضر..
6-كحل سائل
7-ماسكرا
8-اضاءه تحت العين
9-لمعات اذا تحبين الالوان تحطينهم ع الشدو
10-بلاشارات
11-لمعه الخدود مثل ..( فازلين ألمكيـآج)
12-حمر وقلوزات

..~.~ وهيكـ أششيـآءء


وموفقـه...~.~

 

[dla3_princess]

انصحج وبقووووة بماركة كرايولان عندهم اشيااااااء خطيييرة وصج شغلهم ثااااابت و عجيب

الكونسيلر مالهم موووووووصح و كريم فاونديشن الجسم مع المثبت فيكسر البخاخ مع البوودرة

والله العظييم تبارك الرحمن موووووصج

روحي جربيهم عندهم اهما موجودين بالجابريه او جمعية الروضه التجميل اللي فوق