الملابس الداخليه ساعدوني بنات

[Mjnont '3lay]

السلام عليكم ورحمة الله وبركاته
بنات دلوني على اماكن فيها ستيانات مقاسات كبيره وموديلات حلوووه واهم شي كد ومد وقطن
انا احب البوش اب بس اللي اخذهم اغلبهم السفنج يكون ثقييييل وصاك على صدري يعورني ما اعرف انام فيه وولا اتحرك فيه حس كني مخنوقه منه
ويطلع علي صغير يعني نص صدري طالع بره الستيان مع اني اخذ 40
وانا قايسته بالمحل طلع زين بس يوم قايسته بالبيت من غير ملابس طلع صغير وضيق وخانقني :eh_s(2):
عفيه لا تطنشوون ساعدووني ومابي شغلات غااااليه ب9 دنانير وطالع عشان اقدر اتشرى على راحتي

 

[وحيدة امى]

لاسنزا ----- ماركس سبنسر
احلا ستيان روعهغالي بس سعره فيه
يقولون انور بس ماجربت

 

[manoooram]

marks & Spencer
Truimph

 

[ديانا سبنسر]

اب اب

 

[Mjnont '3lay]

مشكورين بنات فديتكم :***
بنات مابي غااالي واجد ابي شغلات سعرها معقوله يعني ب3 ب4 جذي مو ب9 وفووق لاني باخذ واجد مو حبه ولا حبتين

 

[manoooram]

حبيبتي اذا تبين كد ومد ونوعية ممتازة ومرتب باللبس ومضبوط
بتضطرين تدفعين سعر فوق اللي حددتيه لان ما شالله السايز 40 ومو حلو البوش اب باللبس خصوصا مع سايزج لأن بصير اوفر حبي
وعفوا مو زين تنامين فيه لأن يضغط عالجسم وانتي نايمه غير لمن تتحركين

 

[ياربي سكثر أعاني]

انا خذيت مرة من نيووو لوك عجيب بوش اب بس غالي والله كد ومد يمكن ٩ او ٧ .. شوفي ماكس

 

[ام الدرر]

حبوبة
شركة الجميع - شركة الاتحاد التجارية
عندهم اسباني مايزيد عن 5 دنانير وكد ومد لاستعمال يومي
والغلط حبوبة بسايز الكب انتي تاخذين 40 قياس محيط الصدر
والاحرف a-b-c-d هي لمقاس الصدر (الثدي )نفسه
ومثل ما قالتت مانورام لا تاخذين البوش اب لانهم دايما يكون القطعة ما تغطي الصدر كله عشان يبرز لفوق ​

 

[ام حسين 80]

دفعي اكثر علشان ترتاحين
انا مجربة مقاسج لمن كنت متينة حيل و مقاسي 40 بس الصدر نفسه صغير مقاسي a
تلاقينهم عند مارك اند سبنسر و تلاقينهم عند دبنهامز
ما آخذ ستياناتي من غيرهم صج كد و مد

 

[عزوتي خمس صقور]

معليش اخذي 2 او 3 غالين بيكدون ويمدون
من نيولوك وماركس سبنسر​

 

[ناتشوو]

شوفي عندج ردتاغ وماكس نفس مستوى لاسنزا وارخص بكثير
بس اتوقع انت مو ماخذة المقاس المناسب لج

 

[PuPa^^SWeeT]

اخاف انتي يبيلج اكبر بعد


جربي اللي قالوه البنات


ولاتنامين فيهم دامهم بوش اب

ممكن السيم يتبطل و يقزج

 

[أنفاسي دخون]

ماركس سبنسر والجميع ستياناتهم رووووووعه وتكد

 

[بكيزة هانم]

نفس رايهم

 

[ملح الدنيآ.]

روحي انور والطاهر حلوين وان شاء الله تلقين مقاسج وحتى مارك اند سبنسر ,, بس شوي غالين

 

[Mjnont '3lay]

مشكورين بنات بعضكم فهمتوني غلط
انا اخذ مقاس اربعين لانه صدري كبير مو ظهري عريض
يعني لمن اخذ 40 حده زين علي ومرات يكون وااااااااااااااسع بعد لاني ضعيفه مو متينه صوب الظهر بس البوش اب صغير مايشيل الصدر كله هذا اللي انا اقصده
وماعرف شنو يناسبني a ولا b ولا c

 

[Mjnont '3lay]

واللي قالت عادي اخذي غالي
معقوووله انتي تشترين 10 ستيانات والواحد ب10 وفوق ؟؟
يعني تقطين 100 دينار على ستيانات ؟؟؟؟
سوري بس كلام مو منطقي يعني :$
ولو باخذ حبتين ثلاث ميخالف بس انا باخذ كميه لانه نوعي كل شهرين ثلاث اقط اللي عندي واشتري جدد

 

[الباسمه]

حبيبتي
من واقع تجربه
ام ٦ و٧ على قولتج شهرين ثلاثه وينهرون وحتى الون يتغير بالغسيل مادري ليش


وخصوصا الجميع صح فيه شغلات حلوه ومقاسات بس العيب انه اول ماتلبسينهم حلوه وتشيل وبعد شهر شهرين تتغير وتنهري


ماراح تخسرين شي روحي ماركس سبنسر وهناك الفليبينيات يساعدونج واخذي 40 بس b
ودخلي قيسيه وشوفي يناسبج ولام الصدر كله او ردي طلبيها 40 c

لاتطلعين منه الا وانتي عارفه شنو مقاسج بالضبط

وبالنسبه للأسعار غاليه صح بس يكدون وماتطرين تقطينهم عقب شهرين بالعكس انا يقعدون سنه
لانه مع الغسيل مايتغيرون ابداً

اشتري تقريبا ب١٢ ومرات ب١٨

لاتستغلين على روحج اهم شي ترتاحين بلبسها

وكبدايه اشتري ٣
وسلامتج

 

[سلطة]

نيو لوك حلو ومرات يسوون تنزيلات

 

[lebanon night]

انا كنت متلك ولسة حالتي أسوء لانو صابني وجع بظهري و كتفي
الغالي بيتحمل دعك ونوعية منيحة خصوصا متل محلات فيكتوريا سيكرت و ماركس وسبنسر اويشو ولا سنزا وحتى اميريكان ايغل
ممكن تلاقي باتش اند ام الافينيوز عندن خط لانجري و في ماكس رخيص
محلات محلية في انور و الطاهر
وما خليت محل غالي ورخيص الا وجربت منوا على العموم أنا قست بالمحل قياسي وطلع 34 بي
بعدين جربت الستيانة بالمحل في محلات متل اميريكان ايغل ولاسنزا و اويشو بتجربي الستيانة
انا اشتريت وحدة و نشكر الله مشي الحال و صرت أحسن وكمان نصيحة بليل ما تنامي بستيانة نامي من غير عشان عضلات صدرك تتمدد و ترتاح
وخلي الموظفة بالمحل تقيس صدرك بمتر الخياطة عشان تعرفي مقاسك الصحيح وهي بتعطيكي الموديل اللي بيناسبك و احتياجاتك
ودايما اغسلي صدرك بكمدات ماء دافية مع زيت الخزامى عشان تريحي العضلة
واذا أمكن بعد الاستحمام تدلكي منطقة الصدر و الاكتاف بمرهم مطري لحتى تطري عضلات هل المنطقة المشدودة بجانب رشة من عطر أو مستحضر بعد الاستحمام (body spry
وحاولي ترتاحي مع حالك
اذا صدرك صغير البسي بوش أب و اذا كبير ما رح تحناجي
وهيدي أشكال (البرا) الستيانات