الملجــــــة

[Kint a3rfik!!]

السلام عليكم و رحمة الله و بركااته

بدش سييده بالموضووع

بناات دايما امهاتنا وقت الملجة يقولون >>

ديربااااالج يصييير شي :eh_s(14):

انا انخطبت مرتين و ما صار نصيب والله يرزقنا بولد الحلال

و اول مره انخطبت امي عطتني محاظرة عن الزواااج :ch12:

و سولفتلي عن فترة الملجة كله تقوولي بالملجة حطي حدووووووود بينج و بييينه

و ديرباالج اتبدييين باي شييييي يقوول هاذي جريئة و مشفووحة >> اكيد ما راح اسويها

ولا اتخلينه يسوي شي

قلتلها سولفيلي عن فتره ملجتج انتي و البابا

تقوول عاادي طلعاات و مطااعم
و مره ناام عندنا بس انا بدار و اهوه بدااار :eh_s(1): مسكيين ابوووي :krkrkr:
و اذا مسك اييدي اووخرها

ههههههههههههه الوالده ما عندها كييري مييري

هذا بعصر امييي بس الحييين عروووس و حااامل !! :krkrkr:

صرااحه انا مع الوالده بس مو لهدرجة هههههههههه يعني عادي يمسك ايدي بوسه عالخد بسسسس و هم احس رااح امووت من الحياا و استحييييييييييي :eh_s(22):

ولا انتو شرااايكم بنااات بكلااام الوالدة ؟؟
وسولفيلنا عن فتره ملجتج ؟؟
و هل حطيتي حدود و شلون تتعاملين معاه اذا اتقربلج ؟؟ :eh_s(1):
و هل تعتقدين ان من الاصح ان ما يدخل عليج وقت الملجه ؟ وليش ؟

وااااااااي بنااات حدي خاايفه عادي اهفه كف اقوله وخر :eh_s(16):
احس ما اعرف اتعامل :eh_s(2):



و المااايك لكم :eh_s(8):​

 

[غـرامـي أنـت]

انـا مع امك بكل كلمه لان ماتدررين وش يصير بين يووم وليله

 

[عاشقة الدوحة]

هذي فترة خطوبة لازم في حدود
وحلاته نخلي شي لبعد العرس
و سبحان الله يمكن ما يصير نصيب .. عشان جذي الافضل تكون في حدوووووووووووووووووود

 

[ميمي..]

مع مامتك اكييييييييد

 

[MiSs_6a7LooSHA]

أكيد صح كلامها لازم تكون في حدووووووووود مايصير شي

في بنات تطلقوا وتوهقوا وشكثر سمعنا سوالف يعني لبنية ماتسوى عليها تتطلق واخرتها بيصير احراج

 

[(*ام عهــــد *)]

كلام الوالده صح

 

[white**angel]

كلامها صح حلاته الشي بليلة العرس بس اذا بيلم او يبوس عااااادي
يعني المقبلات كافي والشي الدسم حق العرس

 

[G!RLooNa]

معاها و مو معاها

يعني شدعوا حتى ايدي ما اخليه يمسكها لا عادي حتى الشغلات الثانيه الخفيفه بس ان ما يدخل عليها الا ورا العرس

 

[قلبي محمد]

أكييييد انا مع ان الريال ما يدخل على مرته قبل العرس
اوكي بوسه على الخد او الإيد مو مشكله بس الاشياء القويه لا بعد العرس
كل شي بوقته حلو

 

[][ sarah ][]

انا والله معاها ومو معاها
يعني صح كلامها بس مثلا عادي مسكه ايد او لمه هالاشياء البسيطه

بس لايتمادون , لان رياييل هالزمن يخرعون
والملجه المفروض تكون تعارف ماتدرين شنو يصير يمكن مايتفاهمون عالاقل تقدر تنفصل احسن من انها تتعلق وتتوهق

 

[مولاي الفرج]

مو لي هالدرجه عاد لي ملجتو انتي حلاله اخذي وعطي وعبري عن شعورج وكل شي الحدود خليها بالاشياء الكبيرة بس

 

[زكيه الدرملي]

معاااااهاااا

 

[Kint a3rfik!!]

منوريييييييييين

و بناات نبي المتزوجاات يجاوبونا عالاسئلة عشان نستفييد

8
8

ولا انتو شرااايكم بنااات بكلااام الوالدة ؟؟
وسولفيلنا عن فتره ملجتج ؟؟
و هل حطيتي حدود و شلون تتعاملين معاه اذا اتقربلج ؟؟ :eh_s(1):
و هل تعتقدين ان من الاصح ان ما يدخل عليج وقت الملجه ؟ وليش ؟

 

[om-HaSsoOon]

اكيد كلام الماما صح انتي ماتدرين الريال زين موزين للحين مابين شي شلوون بتطيحين الميانه معاه على طووول جذي

بالله طلع موزين شتسوين هني عاد

انا اقوول لازم كل واحد فيكم يستغل هالفتره استغلال تااااااااااااااام ومفيد يعني كل واحد يعرف طبع الثاني اسلوبه تربيته اخلاقه يعني جنه اختبار وفي بنات عمدا يحطون رياييلهم في هالفتره في مواقف محرجه عشان يعرفون شلون راح يتصرفون

فديري بالج على قولت الماما

 

[رُوريّ ~]

شوفي كل البنآت تقريبآآ بفتره الملجه صآرت بينهم وبين ازوآجهم ( يلمس ايدج يقرب صوبج يلمج يبوسج يمكن )

بس اشيآآآآآآآآء ثآآآآآآآنيه خط آحمر ديريبآآآآآلج

انتي للحين مآتعرفين اهو شنو ... وشنو طبعه ...شنو تفكيره...

شلون تخلينه يتمآدى !!!!

لآ يبآآ خلي بينكم حدود لين العرس انشآلله كيفكم عآد حزتهآ ههههههههههه

وآلله انآ بالملجه قرب صوبي حيل يبي يبوسني ويلمني مآآآآآآآآقدرت تمنيت اني اختفي هههههههههه عآد بينت له ان مآبي ومتوتره وتو النآس يعني ...جآن يقول اوك خلآص لآتضآيقين ورد يسولف عآآآدي ..بالعكس هذآ شي من حقج ترفضين مو تقولين آخآف يقول نفسيه ويقول جآفه ! .. بالعكسسس خل يقعد ينطر لين العرس ويتحمل ههههههههههههههههههه
وبعدين الرجآل يحب المره بحيآهآ وآلله بيموت عليج خلج حيآويه ولآترضين بكل شي من آول مره

وبسسس
تقبلي ودي قبل ردي :*​

 

[قآنون كيفكـ!!]

اي لازم حدود ..

 

[Leann]

فترة الملجة هي حلاله و يقدرون يسوون الي يبونه مو حرام لان زوجته شرعا

هذا من ناحية الدين اما من ناحية التقاليد فيكون فيه حدود يعني مثل ما قالوا البنات الشغلة العوده تخلينها حق ورا العرس

انا بالنسبة حقي كانت في حدود بينا لان انا وايد باردة و طبعي مو رومانسية و بعد كنت استحي وايد منه فما كان اكو شي لا خفيف و لا هم يحزنون :krkrkr: كلما حاول كنت اوخر

يالله بعد العرس بشهر العسل اللي تعودت عليه و قمت اخليه ياخذ راحته و ما اوخر

 

[دلع العتبان]

ويلي ويلاه فيها قبايل قبل الملجه ويطلع معاها عندنا عشان اخواني يطخووونه بالفرد هههههههههههههههههههههههههههههههههههههههههههههههههههههههههههههههههههههههههههه


عندنا فوون بس وبالخش والدس لاشافها احد صبي لو عمره سنتين جاها ام الركب وشلل نصفي وحوله مؤقته تقول تكلم رفيجها ماعندنا بيع برد صعايده ولا الرجال مانشوفه بعد الملجه لين العرس اوكي هيه شافته هوه مايشوفها وان شافه ابوي بالشارع سيده " الي يحب النبي يضررررررررررب " وراه تقول مسوي جريمه وحذف بيض فاسد اصلا بيوم العرس موواثق من نفسه عشان جذي نص القبيله ماكو عقد نفسيه مقطوع منهم النسل من الخرعه < خيالات

هههههههههههههههههههههههههههههههههههههههههههههههههههههههههههههههههه

 

[Lo0o0lY]

اى لازم في حدود

بس عادى المقبلات

 

[Tom ♥ Jerry]

.




ادا ملجو خلاص المره تكون حلال الريال و العكس صحيح ،
بس مو حلو عآد يتمآدون وآيد
حلو آنه يخلون الشي الكبير ليه العرس