المناده بأسم (محمد)!!!

[اروىٌٌ]

السلام عليكم ورحمة الله وبركاته..


حبيت اكتب الموضوع هاذه واعرف ردكم ياترى مثل رد اللي قلت لهم ولا لا ..



لما اطلع اماكن مثل السوق الجامعه ...المهم الاماكن اللي يتواجد فيها هنود وبنغاليه..
اسمع العالم ينادونهم (محمد) ليش (محمد) بذات ليش مو عبدالله عبدالرحمن ..الخ
من الاسماء هاذي بعيد عن اسماء الرسول..


باالله تدرين شنو ديانته هاذه هو بوذي هندوسي شدراج شنو يعبد..



مره كنت بالجامعه سمعت بنت تنادي من سواق الباصات (محمد) لاتشوفون
شكل اللي تنادي (محمد) لاف فوق دماغه قطعت قماش شكبرها..


والمشكله كان يهاوشها يقول انا اسمي مو (محمد) ويقولها اسمه ...
وهي تضحك تقوله عادي...


جيت وقلت لها ليش تنادينه (محمد) نادي عبدالله شدراج شنو يعبد هاذه هو ولفته
هذول ديانتهم قذره مو سماويه..
البنت ردت علي تقولي شفيج ياربي تسون من الحبه ابا عادي الكل اسمه (محمد)


اناهني عصبت:rgewrg: وقلت لها عادي تنادينه باأسم خير خلق الله هادي الامه عادي
ومشيت وخليتها..


وانا الحين اوجه الكلام لكن ياخواتي وانا ادري كثير منكن ينادن الهنادوه باأسم (محمد)
هذول ماتدرين شنو يعبدون منهم يعبدون البقر والحمير والفيران...الخ
والا راح تقولون لي تسون من الحبه ابا مثل ماقالت لي البنت..


اترك لكم الرد...
تحياتي..ّّ:eh_s(17):​

 

[$ بنت علمي $]

ههه

من جم يوم فكرت بهالموضوع ...

يمكن لان النااس تعودت على هالاسم

انا ماانادي ب{محمد}
انادي لو سمحت وبس

مولازم{{محمد}}

وشكرا

 

[هرانية وأفتخر]

رد : المناده بأسم (محمد)!!!

ههههههههه

تعودنا نسمعها من أهلها ومشت علينا


بس أنا اقولج ليش


لأن البنغالية أغلبهم مسلمين .. فكلمة محمد يعني أنت مسلم ...



​

 

[اروىٌٌ]

رد : المناده بأسم (محمد)!!!

منورات بنت علمي وهرانيه..
بس هرانيه مو بس البنغاليه بعد الهنادوه ..
واتمنى انكم تنادون باعبدالله احسن....:eh_s(17):

مشكورات مره ثانيه على تواجدكم...

 

[حكاية شهرزاد]

من حق المسلم انه يسمي محمد او علي او غيره من الاسماء

لكن اذا كافر لا ..

المسلم البنقالي اي
الكافر البنقالي لا

 

[شموخ انثى 94]

انا انادي الهنود بـ لو سمحت مو بأسم معين

يعطيج العافيه حبيبتي ،،

 

[يا عيون جدي]

رد : المناده بأسم (محمد)!!!

اي والله عدل كلامج
بس تبين الصج تعودنا
بس انشالله بحاول ما اقولها وانصح اللي اعرفهم

ويسلموو ع الموضوع
نهتينا لشغله مفروض ننتبه لها من زماااان

 

[Tulips]

رد : المناده بأسم (محمد)!!!

اتوقع لانه اغلبهم اسمهم محمد

بس صاجه يمكن يطلع بوذي ولا سيخي

احسن شي اناديه بلوسمحت

 

[Tutti-Frutti]

رد : المناده بأسم (محمد)!!!



عادي مافيها شي
ماتدرين يمكن هالاسم يأثر فيه ويحبه ويقعد يدور معلومات عن هالشخصيه وليش كل الناس تنادي اي احد بهالاسم

ويهتدي بعدين

ما تدرين ! كل شي جايز

حتى لو مسيحي ولا بوذي
الرسول صلى الله عليه واله وسلم ما يه بس حق المسلمين
يه حق كل الناس من كل الديانات


ساعات هم الاسم يكون له تأثير على الشخص

 

[đeɱɛɼɑ™]

رد : المناده بأسم (محمد)!!!

تصدقين اول مرة تمِر على هَ السالفة :eh_s(10):
عاد احنا صِبيننَا اسمَه صِج محمد .. بس اللي اعرفَه ومُتداول >" باايسااب " " شَركه " " رفيق " " راجو "
بس محمد ولامرة ! ​

 

[توته بالعسل]

رد : المناده بأسم (محمد)!!!

اييوالله ما ادري ليش ينادونه محمد

انا مره تهاوشت ويا بنت بالكليه بسبة هالسالفه
تنادي الي يسوق الباص محمد واهوه لابسلي قلاده

ذهب وسوار ذهب اشكره وشكله استغفر الله اشكره مو مسلم

نادوه اي اسم يعني لازم محمد :bbbiu: ​

 

[اروىٌٌ]

رد : المناده بأسم (محمد)!!!

منورات بنوتات ...

مشكورات على المرور ياليت كل بنت تنبه رفيجاتها او اي احد تسمعه ينادي للهندي محمد...​

 

[اروىٌٌ]

رد : المناده بأسم (محمد)!!!

عادي مافيها شي
ماتدرين يمكن هالاسم يأثر فيه ويحبه ويقعد يدور معلومات عن هالشخصيه وليش كل الناس تنادي اي احد بهالاسم

ويهتدي بعدين

شكو..
اقولج انه هو يهاوش البنت موراضي تنادي (محمد) وتقوليلي (يهتدي) وين قاعدين ولا بالافلام الهنديه ..

ما تدرين ! كل شي جايز

ماظنتي ..

حتى لو مسيحي ولا بوذي
الرسول صلى الله عليه واله وسلم ما يه بس حق المسلمين
يه حق كل الناس من كل الديانات

عليه الصلاة والسلام..
(الديانات السماويه) مو القذره هاذي اللي يعبدون الحيونات والنار والجماد...الخ


ساعات هم الاسم يكون له تأثير على الشخص

اول مره اسمع ..

بس ابي اسألج شنو راح تنقصين لاناديتي الهندي بغير اسم (محمد)...

ومشكوره على رايج وهاذي وجهة نظرج وانا احترمها...:eh_s(17)::eh_s(17):​

 

[Tutti-Frutti]

رد : المناده بأسم (محمد)!!!



لا حبيبتي الرسول ما يه حق الديانات السماويه بس
يه حق كل الناس من جميع الطوائف

ومنو قالج انه الاسم ماله تأثير على الشخص؟

مو يقولج لي سميتو ياهل سموه اسم حسن له معنى؟
ولا تسمونه اسم يفتشل منه

لانه الاسم له تأثير حيل على الشخصيه


ان الله يهدي من يشاء بغير حساب

 

[منو انا]

انا ماقول محمد لوسحمت وخلااص

 

[غلا فهد]

انا اقوووووووولة بيصم مادري بقصم :krkrkr:مسستحيل اقولة محمد لانة اسم الرسوول ماارضي فرضن انة كافر مايصير سبحان اللة انا ولا واحد ينادي من اهلي الهنود بمحمد والخدامة بفاطمة:eh_s(14):

 

[كلمة وفا]

رد : المناده بأسم (محمد)!!!

عدل كلامج :bbbiu:

احسن شي تقوليلهم بابو

 

[غـلا الـروقـي]

رد : المناده بأسم (محمد)!!!

لا انا انادي بيسب ووالله مرااات قليله محمد:eh_s(13):​

 

[بخـــارى]

رد : المناده بأسم (محمد)!!!

هالشي لاحظته من سنتين جد استملقت السالفه

قولي لو سمحت وخلاص

 

[زهره الجلنار]

اي والله صاجه انا قبل جم يوم طالعه مع بنت عمتي ولا اسمعها اتنادي الهندي محمد قلتلها ليش اتسمينه محمد اهو يمكن مومسلم وهذا اسم رسولنا عليه الصلاة والسلام قوليله عالاقل بيسب او لوسمحت جان اتقولي انا متعوده كيفي مالج شغل