المنطقة الحساسة .. ناعمة و خالية من الشعر لمدة شهر .. شلون ؟!
تخلصي من موس الحلاقة و إبدي من اليوم بالشيرة
نظافة و نعومة .. و أهم من هذا كله .. تشيلين الشعر مرة كل أربع أسابيع
:eh_s(15):
ما يخفي عليكم الاثار السلبية اللي يتركها الموس .. و الشي الإيجابي اللي فيه إنه طريقة سهلة لكن تتحملين نتايجها كل يوم ، لأن الشعر بسرعه يطول و يطلع مثل الشوك و ثقيل و يكون شكله مو حلو و ممكن يسبب حكة
:eh_s(16):
انا أفضل إستخدام الشيرة ، و صدقوني يا بنات .. إستخدامها وايد سهل ،، ممكن تكون أول ما تشيلين المنطقة بأول يوم بس إهيا اللي تعور ، لكن عقب ما تشيلينها و بعد شعر تيين بتشيلين تكون العملية وايد أسهل ، لأن الشعر راح يطلع خفيف و أقل بوايد من قبل ...
:eh_s(9):
عشان تبدين بهالطريقة .. محتاجة ..
( الماي )
( مقص )
( بودر جونسون )
( كرسي حمام ) - يفضل أرفع من هذا شوي
( قطع المستخدمه للواكس )
( الشيرة ) - يفضل تسخينها
( أعواد خشب الأيسكريم )
( منظرة ) - يفضل إذا كانت ثابتة على الطوفة و بمستوى جيد من الكرسي
*****
و يالله الحين أعلمكم طريقة سهلة بإستخدام الشيرة و بالخطوات :
1 ) غسلي المنطقة جيدا بإستخدام الماي و الغسول الخاص بالمنطقة الحساسة قبل ما تبدين .
2 ) إذا كان الشعر طويل .. قصريه بإستخدام المقص .. يعني خلي الشعر يكون بطول الحواجب بس عشان ما يعور و سهل تشيلينه
3 ) حطي شوي من بودرة الأطفال جونسون .. عشان يروح الترطيب من المنطقة بعد ما غسلينها.
4 ) إخذي شوية من الشيرة و حطي معاها ماي لما تكون قابلة للإستخدام .
5 ) حطي الشيرة على عود الأيسكريم و تكون كمية الشيرة قليل جدا جدا جدا ، و مسكييه بإييدج اليمين عشان تكون الطريقة أسهل ( إذا كنتي عسماوية مسكيه بإيدج اليسار )
6 ) قعدي على الكرسي البلاستيك و جابلي المنظرة ، و إستخدمي طرف الكرسي في شد المنطقة لي الأسفل و بإستخدام إيدج اليسار شدي المنطقة لي فوق ( أو اليمين إذا كنتي عسماوية ) ، و يكون الشد لمنطقة معينة من منطقة الحساسة .
7 ) فردي الشيرة في منطقة الصغيرة المشدودة .. يعني يدوب 6 شعرات بس و خلي الشيرة تكون موجودة في كل شعره منهم ، يعني حركي العود لما تتأكدين إن الشيرة قاعدة عدل حوالين الشعر .
8 ) بعد ما تحطين الشيرة .. شدي حيل المنطقة و مسكي كل الشعر اللي دير مدار الشعر اللي ما تبين تشيلينه علشان ما يلصق بالغلط مع الشيرة و ممكن جذي يسبب الم.
9 ) حطي طرف القطعه القطنية مالت الواكس و حطيها على هالست شعرات و فركيها لما تتأكدين إنها لاصقة عدل في الشعر.
10 ) سمي بسم الله و شيليها حيل مع عكس إتجاه نمو الشعر ، و جذي راح يكون ألم قليل ممكن الكل يتحمله.
11) كرري الخطوات من 7 لي 10 ليما تخلصين كل الشعر.
أتمنى تستفيدون .. و انا هذي طريقتي من سنتين و وايد مرتاحة منها
عدم نقل الموضوع من دون ذكر إسم المنتدى و إسمي
مع كل الـود ... حـواس
:33_1185028183:
التعديل الأخير:
