المهر للرتوش !! ولا لاعادة التصنيع !!

[Laidy n3ooma]

مرررراااحب بنااات

شخبارررركم

انا للحيني بنوووته بس كتبت هل موضوع لان لاحظته بكثررره خصوصا بين المخطوبات !!

ابي اعرف البنت فيكم (مو كلكم ) توها تستوعب ان يبيلها اعادة تصنيع!!!! يعني في بنات من اول ماتنخطب تكتشف الاخطاء السبعه !!!!

يعني تقطون المهر على اشياء المفروض مسوينها من قبل !!! واشياء اساسيه اذا فيج عيب لازم تعدلينها من غير مهرررر

توج تستوعبين ان يبيلج تقويم !!! تنظيف !! خلع اسنان !!! تبيض اسنان !!!

توج تستوعبين ان جسمج نوعه بسرعه يطلع الشعر والشعره سميكه ومقززه وتبين تسوين ليزر!!!

توج تستوعبين ان جسمج فيه الف و600 بقعه بنيه وخضرا واخوج صافقج من يوم ماكنتي ياهل :eh_s(4):!!!

توج تستوعبين ان لج كشه وقفه ومنتف ومقصف وخشن وتبين تكثيف وكورسات عنايه وتمليس وكراتين ويوكو وماروكو !!!

توج تستوعبين انج دببببه !!!! متيييينه !!! اي اي متييينه !!! تبين جيم وتبين تشتركين بالدايت كير ومادري وين ويوصلون لج الاكل لين البيت واعشاب وحبوب تخسيس ومساج تخسيس

توج تستوعبين ان عندج التهاباات !!!!! وريحه !!! انزين ماياج الزوج !! بتمين على الالتهابااااات ولا اللي تقول عرسي قرب وفيني التهابات وماقلت حق امي استحي وماعرف العلاج واستحي اروح حق ريلي جذي !!!

يابنات المهر حق ملابسج جدام زوجج اكسسوارات شنط اشياء كشخه وراقيه ورزه الرتوش الباقي اللي تخص العرس مو تخص انوثتج وجسمج لان هذا شي المفروض خالصين منه انتوا بنات واناااااث ونعومات وحلوووات ودلوعاااات بعد تبون امدح اكثر

اوكي انا ادري ان كلشي غاااالي ومايكفي المهرررر بس لو كلشي معدلته من قبل جان المهر شوي كفى لان هذي الاشياء تكلف وااايد وبعدين العنايه والاهتمام يبيلها وقت والتقويم يبيله وقت والشعر يبيله وقت وتوحيد اللون يبيله وقت وهذا كله مكلف المفروض البنت على راحتها تسويهم

والله احس بعض البنات مطيورين من يستلمون المهر يروح على الصيانه والبنيه التحتيه :krkrkr:


سوري بنات لاتزعلوووون بس حبيت شوي نغير ونتناقش بهذا الموضوع

مو صح كلاااامي اللي اقوله :eh_s(4):

تدرون انا من 5 ابتدائي سويت تقويم وعدلت اسناني مشاء الله تبارك الله سنعه وشلت التقيوم بثالث اعدادي( متوسطه ) والحين بالجامعه اول ماطلع القويم رحت سويته في اشياء ما تتأجل ومايحتاج لها معرس وريل !! هذا حق نفسج واذا ماعندج يمعي من مصروفج مو كل شي على الزوج وبالمهر تسوونه

واتمنى ماتزعلون من كلامي وسوري على بعض الكلمات حبيت نفرفش:eh_s(7):

كل وحده تقول بشنو اكثر شي قطت مهرها وهل وايد عدلت من نفسها بالمهر ولا قبل الزواج افتكيتي


وانطر ردودكم :eh_s(7):

 

[هدوووشه]

لووول توني استوعب يبلي صيانة

>> لا الحمدلله مو بكل شي
معاك حق بكلامك بس انا من النوع الكسولي اللي مايهتم يعني لو جات علي ماافيني
بس عشان بتزوج قمت احورف بعمري

 

[am-abood]

والله انج صاجه هههههههه استغرب من البنات الي حاطين رجل فوق رجل
ولا انخطبو امبيه مايكفي الوقت لليزر !!
طيب كان سويتيه من قبل خطوبتج وريحتي نفسج اما حزة الحزة واخاف مايمدي ويطلع شعر ومابعرف شوو

ونفس الشي بالنسبه للتقويم والاسنان و العنايه بالجسم والبشره والشعر ...الخ

 

[ميار الغامدي]

صح كلامك
انا انخطبت وشافني والتقويم فيني
جات الخطوبه بعد ما ركبت

 

[*مطبخ الذواقة*]

معاج حق بكل كلمه قلتيها. ... المفروض البنت من تقبض اول راتب لها تبدا تفكر بالاهتمام بنفسها. .. بس للاسف في عوايل وامهات ممكن يرفضون ان البنت تسوي مثلا هالسوالف كله تلقين يقولون لها لما اتزوجين. ..





فعلا الاهتمان قبل الخطبه للبنت مهم. .. ولنفسيتها. ..

شكرا لج


حبيت اسلوبج بالطرح

 

[دلوعة ماماتي 88]

عدل كلااامچ وماشاءالله عليچ


البنات الحين مو نفس اول قامت تهتم بنفسها من المتوسط تشوفينها تعدل بعمرها
والحمدلله من قبل خطبتي سويت اسناني وليزر وكنت اراجع دكتور جلديه عشان شعري وبشرتي مع ان الحمدلله مافيني شي چاااايد بس ابي الاحسن



ومهري للحين ماصرفت واجد منه يدوب الذهب وچم جنطه بث



يعطيچ العافيه ع هالموضوع وان شاءالله الصبايا ينتبهون لاعمارهم اكثر

 

[M!SS.LOBY]

كلامج عدل بس مو كل البنات ( بعضهم )

 

[Shinexo]

في بنآت مآعندهم من يعلمهم ترى , يستوعبون آن كبروآ وجسمهم مب جسم وحده بتتزوج عقب آلخطبه

في بنآت هلهم مآيرضون ويحسسونج آن آكبر عيب !

في بنآت جسمهآ غير صآلح للصنع يبيلهآ وآحد نيو @@

آلله يعين 3> بس صدقتي آلنآس قآمت تستغل آلعروس وقآع يغلون كل شي بحكم آنهآ عروس وهي مصدقه , حبيبتي روحي وآنتي عزوبيه وفكي روحج

موفقه

 

[طريق السعاده]

في اشياء صدق صادقه بكلامك اكره الي تخلي كل هالحوسه لا تذكر الا بعد المهر

بس عندي ملاحظه انا مثلا احكي عن نفسي خخخ وعن البنات الي نفس وضعي

انا مش مخطوبه حاليا ولا متزوجه خخ عزوبيه يعني لكن صح سويت تقويم وقاعده انتظره يخلص وطبعا قبله سويت عنايه وتنظيف كامل للاسنان وحشوات والخ خخخ

قاعده اسوي دايت ودايم اهتم بالانظمه كثير ومن نظام ل نظام عنايتي لشعري وسط وقاعده احاول ازيد واجرب خلطات

بشرتي الحمد لله حلوه وانا اهتم واساسا مافيها ذاك المشاكل وكل اسبوع اسوي صنفره للجسم عندي نقص فيتامين دال ف قاعد يحوس علي بشرتي وشعري كثير لكن قاعده اعالج هالمشكله بس مشكلتي الليزر

انا ادرس بالجامعه ع حساب الوالد الله يحفضه ومب مقصر معي بشيء مخصص لي مصروف من غير رسوم الجامعه طبعا مايعطون مكافئه عندنا بحكم اني ادرس منتسبه مش منتظمه ف مصروفي الي يعطيني يدوب يكفي لبسي وكشختي واغراضي
كلمته بخصوص الليزر لان كان في عرض مسوين عرض قوي فمركز معروف عندنا وروعه بس رفض يقول مب لازم محد يشوفك احين اذا اعرستي صلحي ليزر لو خلصت الجامعه وتوظفت اول شيء بسويه ليزر للجسم لان جد هالشيء يعذب خخخ ومايفهمون انه شيء يتعب يحسبونه عادي

خخخ كتبت لك من الواقع ترا مب كل البنات مهملات احيننا في ظروف تجبر الوحده انها تنتظر هالمهر

وصادقه في بنات بعد ماتدري انها بنت الا بعد خطوبتها :/

 

[Laidy n3ooma]

فدييييييييييييتكم والله نورتوني

وانا اتكلم عن البنت اللي تجمع كل هذووول

يعني في بنات كلشي فيهم عدل الا مثلا انها تحتاج ليزر هذي ممكن لان في لها بديل اللي هو الشيره وفي اهالي مايرضون بس بشرط تكووون سنعه فباقي الاشياء .. وممكن كلشي خالصه منه مثلا الا شعرها !! هني ممكن تتفرغ له ويمديها

اما في بنات مادري شلون مستحملين !! الشعر منتف والجسم مشعر والركب سوود والجسم مبقع والاسنان صفر ومخربطين كلشي فيها !!!! ومو مسويه شي اللهم تغطي هل خرابيط بالاستشوار والمكيااج والكورسيهات!!! لاكن البنت المفروض تحط فبالها جدام الزوج مو كل يوم استشوار ومو كل يوم مكياج وبيشوف جسمج على طبيعته من غير كورسيه او ضاغط وراح تلبسين قصير جدامه معناه بيشوف السواد والسترج مارك والخرابيط

انا اقصد اللي فيهم الف عله وعله وتوها تستوعب وتبي صياااانه


ونووووورتوني بردودكم فددددديت السنعااات يلا خل نتغير عشان نفسنا مو عشان عريس المستقبل ولا عشان فلوسه

 

[al_sheikha]

هههههههههههههههه ااي والله مو شرط تنخطبين عشان تسنعين عمرج
يعني اذا ماأنخطبتي ماتعدلين مثلا اسنانج !
انا اسناني صارلي سنين وبنين احورف فيهم :krkrkr:
والليزر كنت ناويه اسويه من قبل لا انخطب ,,

نصيحه بنات لا تنطرون تنخطبون عشان تتعالجون وتسنعون عمركم ترا عشانج هذا لي طالعتي نفسج بالمنظرة تلقين كل شي بيرفكت فيج


والله يوفقج الجميع :eh_s(7):

 

[سندس 90]

انا من النوووع اللي بتسوي اعادة صيااانه بمهرها


اقوولج ليش
لاني على قددي
التقويم جم يكلللف ؟؟
الليزر ؟؟


هذول الاشياء العيادات والاسنان مااقدر عليهم الحين لانها مكلللفه
وماعندي احد يوديني ويجيبني

اذا كنت موظفه او عالاقل عندي اعااانه اقدر
اما جذي منو اللي بيسوي لي


حبيبتي انتي احمدي ربج مو الكل نفسسج
اهلج مقتدرين يساعدونج

والكل على حسسسب ظروووفه

 

[hend6363]

في ناس الله يعين ما عندهم

 

[طيبة83]

حبيبتي اصلا البنت الي هامله روحها وحالتها حاله اهي اللي تنخطب

وهل شي شفته بعيني اذكر معاي بنات في المدرسه و الجامعه كنت اقول مسكينه هذي شلون بتنخطب لا عناية ولا نظافه ولا جسم

والله كلهم عرسوا ويابوا عيال ما شا الله

 

[قاهره عذالي]

مو في بنات ماعندهم

حتى مصرفهم مايكفي يجمعون حق هالاشياء

وتلقى فرصه المهر انها تقدر تدفع وتعدل

 

[M!$_ $heme]

سندس 90

انا معاها بكل كلمه انا وحده من الناس للحين ما اشتغل وعرسي قريب واهلي على قد حالهم الحمدلله الي اقدر اسويه سويته مثل التقويم وليزر ويهي بس الباجي ماقدر
عليهم وغير ان عندي التزامات وايد يعني موعيب ان الي ماقدر اسويه الحين اسويه بالمهر
بس الحمدلله نظيفه وسنعه والسنع مو بالتجميل بس يعني ودي اسوي تقشير لان بشرتي مختلطه بس ماقدر الحين وجذي اشياء عاديه ماتزيد شي ولا تنقص وشكرا عالموضوع.

 

[أنفاسي دخون]

كلام سليم 100٪

والاهتمام يبيله وقت واستمرار ونشره ع اللي تكون موظفه ومهمله نفسها ولا انخطبت جت من اقصاها اما الطالبه يا حيل الله والاهل بعضهم مايقدرون ع الاسعار اللي بالعلالي

والله يجمل كل زوجه بعين زوجها ولا حبتك عيني ما ضامك الدهر

 

[PuPa^^SWeeT]

صح كلامج


مو معقوولة البنية ماكانت تنعزم و تلبس قصير و حفر

علشان توها تستوعب البلاوي اللي فيها


عالعموووم


بعضهم ممكن اهاليهم مايعطونهم هالمبالغ ولا يقولون مافيج شي



علشان جذي اتفكر انه بمهرها بتسوي هالشي


بس بنات لاتوقعون اكثر من 6 الاف


لاتبنون امال على 8 ةلا 10 الاف


علشان اتقولين ممكن يكفي


6الاف يالله اتكفي شبكة و ساعة


و نفنوف العرس


الباجي لازم اتزيدين من عندج

 

[منـآل]

حبيبتي اصلا البنت الي هامله روحها وحالتها حاله اهي اللي تنخطب

وهل شي شفته بعيني اذكر معاي بنات في المدرسه و الجامعه كنت اقول مسكينه هذي شلون بتنخطب لا عناية ولا نظافه ولا جسم

والله كلهم عرسوا ويابوا عيال ما شا الله

وعلى نياتكم ترزقون

،

صاحبة الموضوع ..
اذاانتي مقتدره غيرج مو مقتدر
اذا انتي لج مصروف يساعدج تحورفين بعمرج غيرج ماعنده
اذا عندج اعانه غيرج ماعندهم او ماتكفي الا حق الاشياء المهمه
اذا انتي موظفه غيرج طالبات وعاطلات

حَتْىّ بعض الموظفات مانشره عليهم لو مااهتموا
يمكن عندهم التزامات اهل تصرف عليهم
الناس اسرار مايصير نطالعهم هذي تهتم هذي ماتهتم
هذي بتسوي صيانه بمهرها
هذي مااهتمت الا عقب ماتزوجت

لازم نفكر في الموضوع من جميع جوانبه
ومانحكم عليه من منظورنا الخاص
ونتخيل كل الناس نفس وضعنا المادي او النفسي

وتأكدي كل بنـْْ♡ـْْت وكل انثى تحب وتتمنى
تكون بأجمل صوره ، لكن مثل ماقلت البعض عندهم عائق مادي
والبعض يمكن عائق نفسي واسري فتهمل نفسها

عموماً يعطيج العافيه ع الموضوع

 

[قلبي دق]

تتكلمون من ورا الشاشه والله اعلم بحالكم كيف

اذا انتي عندك غيرك ماعندها وكلن على حسب حالته الماديه

بعدين الي يمدح نفسه تلاقيه كله عيوب

مو شرط ليزر وتفصخ قدام خلق الله

عادي اقدر ااعتني بنفسي من غير خرابيط وعيادات

وربي خلقنا في احسن تقويم الحمدلله