المهر..

[شمعة*البيت]

السلام عليكم خواتي الخبيرات بالهدايا ولفها

(( ياريت صور مع الردود ان امكن))

المهر بالعاده ينحط بعلبه ؟ وشلون شكلها؟

ومن وين احصل غير بيت الهدايا وبياع الورد ومحلات البخور والعود ؟

واخاف احط الفلوس واعطيه المحل ينسحب منه جم عشرين بدون ما احس ؟ شنو مقترحاتكم ؟

ويزاكم الله خير

 

[جوليييت]

رد : المهر..

لا انتي تشترين الصندوق وتاخذينه
وخو بالبيت تحطين الفلوس
مو تعطينهم الفلوس واهم يحطونها

 

[خليجيه وافتخررر]

؟؟؟

 

[شمعة*البيت]

بس 2 ردوا ؟

يزاكم الله خير اللي رديتوا

 

[شمعة*البيت]

لا تقصرون معاي ابي ردود ....بنات وينكم

 

[اخت أخوها]

اهو بالعادة ينحط في صندوق
والصناديق متوفرة بكل مكان على حسب ذوقج
وعلى حسب إلي بتحطينه مع الفلوس ( عطور فرنسية وعربية/بخور / ساعة / طقم / خاتم / مكياج / خامات )
تقدرين تحطين اسم المعاريس داخل الصندوق يسويه بيت الهدايا

والفلوس حطيها انتي مو تعطين مال التغليف أحسن و أضمن وبعض الناس يحطون المهر شيك بس أحس الأنواط تونس

ويارب أكون فدتج بشي
ويوفق معاريسكم

 

[بنوته@كيوته]

حياتي الصناديق موجوده بكل محلات الهدايا

حتى مراكز الهدايا إللي ساعات تكون موجوده بمراكز الهدايا بالجمعيات تلقين فيها صناديق فيلبينيات مشتغلين فيهم رووعه

انا شفت بجمعية الشعب وجمعية الدعيه فوق يسوون صناديق مهور باسعار حلوه

وحطي فيها على ذوقج البخور والطيب والفلوس كل مجموعه لفيها وزينيها على ذوقج حسب لون الصندوق

شوفي العضوه هبسا اهني كانت منزله موضوع عن دزة ولد اختها فيها افكار حلوه وليتات تشب وفناتق

وشفي العضوه noonaa عندها موضوع متجد من 12 صفحه او اكثر ماشالله كل صفحه فيها طريقه تغليف غير

عندها بصفحه من الصفحات طريقة تزييين الفلوس

يا رب اكون افدتج حياتي

مبروكين مقدما

 

[~فيونكا~]

رد : المهر..

أنا اخوي أذكر سويناله عندمحل العفاسي للعطورالي بالكويت لقيناهم جاهزين ويكتبون عليهم الاسامي بعد وعطووورااتهم حيييل حلوه حتى بخورهم بعد مرت
اخوي للحين تستخدمهم وتمدحهم:icon30:

 

[دلوعتي حصوص]

رد : المهر..

تلقين عند بوابة هدايا صناديق حلوه وفي بعد عند محلات العطور يسوون للدزه وموفقه حبيبتي

 

[شمعة*البيت]

بعد حبيباتي لا توقفون خلصت الافكار والتجارب :aha:

ما ضنتي

اكيد بعد في افكار