المواساة ولا السيف ضرووري بنات

[بنوته كربونش]

قوه بنات شلونكم

انا بالشهر التاسع و كنت اراجع بمستشفى السلام عند دكتوره ريم الخرس والحمدالله وايد مرتاحه و مجربه ولادة السلام ومرتاحه فيه بس المشكله انه المستشفى الغو العقد الي مع شركة التأمين و توهقت

والحين مادري اروح اي مستشفى و اراجع عند منو كنت محتاره بين رويال حياة و المواساة و السيف رحت رويال و مادري ما ارتحت

فالحين انا بين السيف و بين المواساة اي مستشفى احسن من ناحية العنايه والاهتمام و منو احسن دكتوره خصوصا وقت الولاده

ابي كل وحده تقول تجربتها الي مرت فيهاا

اخاف تيلي ولاده ومادري وين اروح شكلي بروح الصبااح هههههههههه:eh_s(16):

​

 

[لولو أبيض]

ما ادري عن السيف بس المواساة صراحة مأأأأأسااااااااة

 

[بنوته كربونش]

مشكوره لولو على ردج بس ممكن اعرف ليش المواساة مو شي و من اي ناحيه ؟!

​

 

[<miss botamba>]

المواساه زين رفيجتي والده عندهم ووايد ناس هم اعرفهم كله يا مواساه يا رويال

و السيف قطيعه لا تروحين مال محمود حيدر

 

[Aloe Vera]

اختي و رفيجتي يمدحون المواساة


بس انا عندي رويال اهو التوووب كل ولاداتي هناك
و غرف رويال احلى من المواساة اسعارهم احسن توني رايحتله جولة مع وحدة حامل


السيف...... بصراحة مادري عنه وما انصح فيه

 

[بنوته كربونش]

مشكورين حبايبي على الرد بس الي مجربه المواساة تقولي منو احسن دكتوره

​

 

[حرم حبيبي]

اب
اب
اب

 

[KOKO_284I]

حبوبه أنا بجري بالمواساه زينين بس السسترات ما كانوا ذاك الزود

وحاليا أنا بالسابع ومن الاول قاعده اراجع عندهم وحيل مرتاحه عند روبينا بإذن الله بولد واهي حيل تهتم وستراتهم أخلاقهم حلوه

 

[shak!shoka]

انا والده بالسيف عند الدكتوره ابتسام عضنفز



روعه من جميع النواحي

اهتمام
راحه
نظافه
دلع



المواساه مو مجربته

 

[أحلى من الخيال]

أختي كل ولاداتها بالمواساة
بصراحة عندهم خبرة أكبر
و تمدح دكتور اسمه أسامه
و الله يقومج بالسلامة​

 

[attoosh]

اختي نصيحه لوجه الله انا ما اعرفج وكلامي اتحاسب علييه دربالج من مستشفى السيف ويع ويع ويع ويع ثم ويع اولدي بالبيت ولا هل المستشفى السكه انا والده صارلي اسبوع عندهم ودكتوري حدني ما اولد الا هناك ذبحوني ودخلو بنتي العنايه وشقو جسمها بالابر ومضاد واخرتها تشخيصهم غلط عقب اربع ايام ونهبونا بالفاتوره واخرتها لما ريلي راح بيتفاهم معاهم كان معصب يستهزأون ومستشفى حتى ما فيها مدير تقدرين تشتكيله وانا بالغرفه لا اهتمام فيني ولا شي عكس باجي المستشفيات انا ولدت بدار الشفا من احسن ما اكون بس هل المستشفى لا تروحيلهم دربالج

 

[عسل مرت قيمر]

بنات كتبو تجاربكم خلنستفيد

 

[بنوته كربونش]

مشكورين على ردكم حبايبي

شاك شوك : ابتسام يمدحونها بس انا خالتي تراجع بالسيف و قالت انها كانت بأجازه فمادري اذا ردت ولا لا

كو كو : روبينا الهنديه ولا غيرها لاني سامعه من جم وحده تمدحها بس اي هي احسن اهيه ولا فيرجينيا

​

 

[بيرلا ستور]

ولدي باي مستشفى الا المواساه معاناه وقمة اللئم والتعامل اللي مو حلووو
الله لا يسامحهم
يتركونج تتعذبين يالله ينادون الدكتور

ابعدي عن المواساه

 

[q8helwa]

المواساه ينن

والده فيه ولدي

 

[so0os]

انا اقول كل شي قسمه ونصيب وحظ وكل وحده وقسمتها
يعني في ناس يجربون مستشقى ودكتور يتوفقون فيه وفي ناس نفس المستشفى والدكتور ويكون حظها مو حلو وما تتوفق معاه
توكلي على الله ةاختاري الي ترتاحيله وربي يسهل عليج

 

[ام ساره 4]

نصيحه روحي دار الشفا يهبل نظافه وعنايه واهتمام وغير الدكاتره اللي فيه شطار والسهاله من رب العالمين

 

[بنوته كربونش]

اي والله صح كلامج سوس و السهاله من الله

​

 

[أوراق مبعثره !]

حبيبتي السهالة من الله واذا بتسمعين كلام البنات وحده تمدح وحده تذم راح تضيعين لان تجربه عن تجربه تختلف نصيحتي مري المستشفيين وشوفي دكتورة بكل واحد بعدها قرري باي واحد ترتاحين اكثر ً

 

[بنوته كربونش]

مشكوره حبيبتي اوراق مبعثره صح كلامج كل وحده و تجربتها غير بس شسوي متوهقه و ماقدر كل يوم اروح مستشفى لان ريلي دوامه شفتات فقلت اشوف منو الاحسن اهني

​