الموضوع مو سطحي ولازم الكل يستفيد : المتزوجات و المكياج

[قطوووة]

السلام عليكم


بنات اتمنى قبل الرد تقرون موضوعي عدل .. مرة ومرتين لين تفهمون قصدي وشنو اانا بوصل له


احنا خوات ونقرا كل يوم مشاكل بهالقسم وغيره من الاقسام ..
لكن هني عن مشاكل بنات مع "عيون ازواجهم الزايغه "
اللي زوجها مايقرب لها .. اللي هاجرها ..الي اخذ منها احلى منها

في مثل اجنبي يقول
At night, all cats are green

ترجمته : ان عيون القطاوة كلهم خضر بالظلمة و

بما معناه ان كل شي مثل مثل وقت الظلمة


--------------------


الذكر حسب تركيبته الفيسلوجية واللي انخلق فيها كائن بصري
يحب يشوف ويطالع

بنات احنا البنات ان شفنا بنت حلوة نطالعها وننبهر فما بالكم بالرجل الي تتحرك كل مشاعره


وبالخليج عندنا .. غالبا ..الكشخة والترزز والاهتمام .. قبل الزواج .. وبعد الزواج بفترة يروح كل هذا .. ( لاحظوا قلت غالبا )

المكياج وما ادراك ما المكياج .. يحول الشينه الى ملكة جمال
ويزيد الحلوة حلا

اهو شدو .. اهي سحبه عين .. اهو تكبير شفايف .. اهي لمعه والخ من هالامور اللي كلنا نعرفها كـ بنات ..

السؤال هو .. احيان الوحدة ماتوعي لمرحلة ان زوجها بيطير منها الا متاخر

في زوجات يقولون لهم ازواجهم مثلا بنتزوج عليج ..تقوم تشد حيلها وترد تهتم بشكلها والخ





السؤال هو ......


هل مريتي بهالمرحلة .. ؟

شنو غيرتي بنفسج ..؟ مكياجج .. ؟ لبسج .. ؟ شعرج ؟؟

شنو غيرتي وشنو رده فعل زوجج

هل تغيير للاحسن ولا للاسوا


بنات نبي نستفيد من مواقفكم ..







لكم المايك

 

[Tom ♥ Jerry]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

هل مريتي بهالمرحلة .. ؟

لما تزوجت اهتميت بنفسي آكثر طبعا !


شنو غيرتي بنفسج ..؟ مكياجج .. ؟ لبسج .. ؟ شعرج ؟؟


مكياجي قمت اكثر منه بالعزايم و قمت ادخل اليوتيوب و اتعلم آكثر و أكثر
لبسي اغير ستايلي بين فتره و فتره و ما اعلق على شي ..
شعري بين فتره و فتره اصبغه .. و مهتمه فيه وايد بطوله و بخليه كثيف


شنو غيرتي وشنو رده فعل زوجج

ريلي يعجبه كل شي اسويه :$

هل تغيير للاحسن ولا للاسوا

للآحسن :*

 

[ككوته]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

او زواجي كنت البس واهتم بس لاحظت ان زوجي مو وايد مع المكياج الاوفر ولا اللبس احسه يستانس علي اكثر وانا بعفويتي وطفولتي لاني في مابينا اناديه بابا وساعات اغير والبس واحط مكياج بس ما احسه وايد ينشد مادري انا مكياجي مو عاجبه مع ان الكل يشهد لي ان مكياجي حلو ولا انه اهو يحب للطبيعي اكثر
اسفه على الطواله وشكرا على الموضوع

 

[ككوته]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

**اول زواجي

 

[غرآم بنوته]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

حلو الموضوع بس مو متزوجه داخله استفيد :$

يسلمممو يآعسسل

 

[قطوووة]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

حياكم بنات

 

[ريم خانم]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

لا الحمدلله مامريت فيهاانا كنت عاديه قبل اتزوج والمكياج مااعرفه الا بالمناسبات الكبيره بس بعد الزواج صرت اهتم واكشخ بس بقول نصيحه للبنات لاتسمعين كلام الرجال لما يقول مااحب كذا ومااحب هذا هم مدري ليش يقولون مااحب واذا حطيتي وتزينتي ينبهر وترى الروتين يملل يعني وحده تقعد طول عمرها شعرها كعكه وطويل نفس الشكل من يوم عرسها تقولك فلان مايبيني اقصه يعني هو شكلك ولا شكله شعرك ولا شعره خوذي رايه بس مو لدرجة ان يتحكم بشكلك ولو تغيرين اول واحد بيعجب فيك هو ..
هو اكيد الشكل مهم بس مو هو الي مايخلي الرجال يخون او عينه زايغه في اشياء اهم الكلام الحلو والحنان والابتسامه واكيد نعومة الجسم والريحه الزينه لان الشكل بعد فتره بيتعود عليه بس اهتمامك فيه اذا قل او تغير هنا المشكلة

 

[Om_Ksha]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

خووووش مووضوووع
انا يتني فتره اهمال بوقت الحمال وغيره بس ان شاءالله ارد نفس قبل واحسن ،،

وانا مع الاخت ريم خانم الريال كله مايبي بس لي غيرت المره بنفسها يعجبه فالافضل ماتاخذ رايه وتشوف اهي شنو اللي تحتاجله تسويه

 

[++MesK++]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

موضوعج عجيب

انا ياتني فتره مريت بظروف قهريه و حاشتني كآبه قويه الله العالم بحالي

والله ما أبالغ حتى شعري مالي خلق امشطه

بس عقب فتره قعدت مع نفسي و قلت لازم أطلع من الكآبه اللي انا فيها

الحاله اللي انا فيها ماراح تنفعني بالعكس بتضرني

و بالتدريج رديت نفس قبل اكشخ و ألبس

و صرت اغير ستايل لبسي و حتى قمصان النوم لازم تنوعون بالالوان و الموديلات

حتى لون الشعر و القصه كل هذا يلعب دور

 

[قطوووة]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

حلوة ردودكم

 

[حلآوهـ حلوهـ]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

وآآي الموضوع حدده مفييد خصصوصصآ للمقبلات على الزواج مثلي لوول ..

..

انا بنظري المفرووض كل وحده تكششخ لزوجها مادري هالبنات اللي يهملون نفسسهم شو يحسون فيه ,,!!
خير اختي لييش متزوجه عيل جان قعدتي ببيت اهلج

بنفس الوقت اتعلمي المكياج اللي يبرز جمالج اللي يكون فيه خدع وحركات وابتعدي عن التهويل تدرين ليش ؟
لان المكياج اللي فيه خدع راح يبين بشكل كلي خفييف يعني الزوج ماراح يعررف انه مكياج ثقيل وبنفس الوقت يبرز جمالج

وفي نقطه ذكرتها وحده فوق ان الريال يقول ما احب المكياج والكششخه احب الطبيعي ,, اتحملي تسمعين كلامه وعن تجربه
مع خطيبي بدايه كان قول جذي ويوم اكششخ ينبههر ويمددح ومن عيونه يبين كل شي
ودليل ثاني انهم لما يشوفون بنت حلوه وكاشخه يمدحون فيها سواء ع الطبيعه ولا التلفزيون ,,

ولآزم مرات اتخلين استايلج رسسمي وكيوت وبسيط لكسسر الروتين طبعآ وبث =)

 

[Laidy n3ooma]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

بس في نقطه مهمه لاتحطون كل يوم مكياج عشان مايتعود على شكلج ولما يمر يوم بدون ميكب يحس كانج مرييضه

اعرف وحده مدمنه مكياج وبيوم ماحطت بيوم راحت تقعد زوجها للدوام قالها شفيييج جذذي !!! روحي حطي مكياج بعدين قعديني

يمكن مو لانها جيكررره بس هو تعود انها دايما حلوووه بالميكب وصارت عقبها جلحه

 

[شقآوه أنثى]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

صرآحه الموضوع حيل مفيد والله
وانا متابعه البنات

لان ماودي اطيح بغلطات وابي اتعلم

يلا يلا بنات لا يوقف

حزب الطمآشه :$

 

[قطوووة]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

صح

نقطة اللي كل يوم فل ميك اب وثاني يوم ماكو شي هم صحيحة

التدريج بالمكياج مهم

مرة خفيف مرة ناعم مرة نص نص ومرة ثقيل حسب الوقت والمكان والمناسبة

 

[ريم خانم]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

بعد في شي مهم مو تستلمين الرجال كل يوم تفصخ لااا انتبهي نوعي باللبس مره طويل مره قصير قطن ساتان بجايم شورتات البسي كل شي مو نفس الستايل دايم حتى ملابس الطلعه مرات تكون مريحه نفس البلايز القطن مع لقنزات والاكسسوار ترى مهم لاتهملونه بس يكون ناعم يعني مثل الحلق الصغار وسلسله ناعمه بعد في اشياء كثيره وكلام مو بس باللبس بس انا احب كشخة البيت عشان كذا جاز لي الموضوع
التعطر طبعا تعطرك اذا تزوجتي مو رشة عطر والسلام لا خلي لك طريقه معينه يعني مثلا مسك ورا الاذن وتحت الصدر وبينه وبودر مخلوطه مع مسك مبشور ريحة الشششعر انتبهو لها بخريه حطي خمريات معليش بنات حتى للمناطق الحساسه حطي مسك بين الفخوذ وعلى جوانب المنطقه والخلفيه حطو لها بودر اهتمو بنعومتها ترا اشياء بسيطه بس مهمه :eh_s(15):
نجي الاشياء ثانيه غير اللبس والشكل خلصنا منهم حاولو تعودون الرجال على اطباع معينه يعني مثلا البوسة قبل يطلع واذا رجع تقولين له الله يحفظك استودعتك الله مو تقولين استحي حاولي بالبدايه بعدين تتعودين ريحة البيت شي مهم للرجال لانه يجي من برا راح يميز وش ريحة البيت ان كان طبخ ولا بخور افضل شي الفواحات لانها تكون شغاله طول الوقت حتى لو ماامداك تبخرين .. وبس الله يوفقكم جميعا ويرزقكم ازواج صالحين ويسخرهم لكم سوري على الاطالة

 

[ام الدرر]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

انا الحمدلله
من كنت بنت امووووت بالميك اب
وللحين مع اني مو صغيرة
ما فجيييييييت
يمكن تحوشني فترات ملل او روتين او توتر بيننا
يخليني افتر واقلل
بس الحمدلله ما اطول واحب اجدد
و مثل ما قالو البنات
مو شرط كل يوم فل ميك اب
اعتقد النظافة (تعطير - نعومه )والشكل المرتب والتجديد بالستايل اقوى تاثير من الميك اب
شوفي الاجنبيات مافيهم حرص عالميك اب كافي جلوس وماسكرا ان حطو
ومو بس ترتيب شكلج حتى المكان له تاثير غرفة النوم خاصة
والبيت بصورة عامة

عسى الله يكبر حظج قطوة ويرزقج الزوج الصالح حبوبة​

 

[al-musk]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

فعلا زمن اول غير الحين والحين الوحده تطلع بسوق وهو سوق تشوف الحبنات كاشخين ومتزقرتين .. التغيير حلو والوحده لازم اتم ابديت ودايم تغير بشكلها صج الواحد يتعب ويمل بس مع التعود بيصير روتين

 

[Tina FJ]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

اي والله فعلا هاجس يمر علي اي متزوجه ... الحمد لله للحين ما مرت علي وادعي من كل قلبي ما تمر علي ... بحكم تربيتي بالخليج واني عشت عمري مع صديقات سعوديات اشكرهم من كل قلبي علموني كيف لازم اكون شيك 24ساعه والحمد لله ان شكلي يقولون حلو وسماري عادي وجسمي كويس اشكر ربي علي نعمته ... انا عكس البنات اكشخ وانا بالبيت ... ولما اطلع احيانا ما اسوي كحل ليش ما ادري يمكن لاني عانيت من العين والحسد ومرضت وكل فتره وفتره امرض ... وصيتي لكل المتزوجات خليك بالبيت اليسا ويوم تطلعي تحصني زين واكشخي لاجل تكوني انتي احلا وحده بعيون زوجك
والله يحفظ ازواجنا ويخلي عيونهم علينا وبس

 

[سمر20]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

موضوع حلو بس لازم اهم شي تعرف شخصية زوجها مو كل القواعد تنطبق عالجميع يعني مثل ماقالت الدكتورة ناعمه في رجال يحبون اللبس العاري والصاخب وفي العكس يحب الطفوليه البريئه ام بجامه ودباديب وفي يحب الزوجه الخجوله المتمنعه وفي يحب الجريئة اللي تبدا معه الحوار الساخن (.......)
وكل وحدة وشطارتها

 

[Maaax]

رد: الموضوع مو سطحي ولازم الكل يستفيد ( للجريئات من المتزوجات ) وتعالوا طموشات استفيد

موضوعك مره جنان اختي
يعطيك العافيه وان شاءالله لي رجعه للموضوع. ..