المولود يحتاج الي جم مميه وجم رضعه ( ام جديده )

[" ذوق "]

السلام عليكم ارجو منكم مساعدتي
انا حامل بشهر السادس وبجر وكلش ماعندي خبره ابدن ومحتاحه تساعدوني ابي اعرف المولود يحتاج الي جم مميه اشتريها له وشنو احجامهم صغار وسط ونوعينهم وشنو بعد احس جهاز تعقيم للميات
والمولود جم لازم ياخذ رضعه باليوم
ارجوكم ردو علي اسئلتي الثلاث الي شاغله بالي ومشكورين

 

[" ذوق "]

وشنو احسن جهاز تعقيم للمميات *

 

[نور دنياه]

الله يسهل عليج
بالنسبه للمراضيع، اخذي 2 ضغار للحليب + 1 للاعشاب. لما اقول صغار قصدي الي قياسهم 90
و 2 وسط ، تلاقين قياسهم 120 لين 150

ونوعيتهم عندج "شيكو" حلوه و "دكتور براون" وفي ناس تحب "بيجون"
والياهل يرضع كل ساعتين اول فتره بيرضع 60 تقريبا

وجهاز التعقيم انا عندي مال مذركير حلو

وان شالله باقي البنات يفيدونج

 

[أمـ مبارك]

اختي اشتريلج ٢ رضعات اللي رقمهم لي ٤ حق الحليب + ٢ صغار اللي يكون رقمهم لي ٢ وحده للماي ووحده للاعشاب



بالنسبه للرضعه كل ساعتين يشرب رقمين وانتي حاولي تعطينه مل ساعتين او ساعتين ونص تري بعض الاطفال ينام ويقعد اربع خمس ساعات مايبكي وولا شي والام ماترضعه لا هذا شي غلط حاولي يرضع وايد


الماي باليوم مرتين

الاعشاب باليوم مره او. كل يوم وترك



وبالنسبه للتعقيم افضل طريقه اخذيلج جدر وحطي المميات فيه وخليه يغلي

او حطي المميات بالفريزر


لان الحراره الزايده والبروده الزايده تقتل البكتيريا


او نقعي المميه بملح خشن مع شويه صابون وماي




وعسي الله يقومج بالسلامه

 

[mafio98]

عن نفسي احب اكثر من المميات عشان مو كل شوي رايحه تغسلين لج وحده وبعدين بليل تحتاجين ٣-٤ مميات مو معقوله بتقومين نص الليل تغسلين وتعقمين المميه !! اقل شي اخذي لج ٦ مميات لي ١٢٠ ومميتين ٣ لي رقم ٦٠


والمعقم جربت كذا نوع يصدون من داخل رجعت على الجدر بس حاليا حصلت معقم. دكتور براون مايصدي يصير كله بلاستيك للحين استخدميه زين

 

[" ذوق "]

مشكورين

 

[~Diva~]

امممممم سوري على المداخلة بس ليش بتحتاج كل هالمميات ؟؟؟ انتوا تتجنبون الرضاعه الطبيعية؟؟؟
أنا لي سوابق تسقيط ما جربت ارضع بس أن شاء الله ارضع ولدي بعد هالحمله
لكن شفت الفرق بعيني للي يرضعون طبيعي على الأقل ٦ شهور والي مرضعين اقل من هالفتره
الفرق شاسع
الي راضعين طبيعي ما بين ٦ شهور إلى سنتين صحتهم ما شاء الله ممتاااازه ومناعتهم قويه
واذكياء ويتعلمون بسرعه حتى في الكلام والمشي والأداب!

فممكن ولا عليكم أمر توضحون أكثر عن ليش المميات وشكرا

 

[كويتيه شماليه]

نصيحة اخت عالاقل اول اربع اشهر رضعيه طبيعي والله انتي ماراح تتعبين وليدج تصير فيه مناعه ضد الامراض ولا غازات ولا اسهال ولا امساك
يعيش طفل متعافي ليش تزهبين المميات ا؟؟
انتي بجر لازم اترضعين طبيعي اذا بديتي من البجر ترضعين مميات ترى الولادات التاليه ماراح صدرج يدر حليب لان من البدايه عودتيه انج ماترضعين منه

ياليت تقتنعين بكلامي والله يسهل عليج

 

[" ذوق "]

مشكورين بنات ع الردود ديفا وكويتيه شماليه انا نفمره ارصع طبيعي لانها مفيده للام والطفل بس انا ان شاء الله خامل بتوم والموضوع شوي صعب اكيد بحتاج ادخل الرضاعه صناعيه
ودعولي الله يتمم حملي علي خير لان حملت بعلاج ا عشان جذي افكر فيهم بكل شي قبل لايولدون

 

[" ذوق "]

ام مبارك شنو تقصدين بالعشاب مثل شنو الي اشربه يوم وترك

 

[~Diva~]

الله يوفقج ويكتب لج الخير
أنا مريت بتجربه حمل توأم بعلاج قبل وسقطت على آخر الخامس وتعبت وايد نفسيا
السبب كان تبوك
قصر طول وفتح عنق الرحم
فنصييييييحه لوجه الله اربطي عنق الرحم عندك بأسرع ما يمكن
لان طلع هالشي لازم غالبا للتوأم

هاي حملي الثاني بعد التسقيط ونطره ٧ سنين فقلت ارد بويضه وحده بس احتياط لان ما بغيت اكرر التجربه لا سمح الله والحمد لله صار حمل
الله يفرحنا بشوفتهم سالمين غانمين يا رب

 

[" ذوق "]

الله يتمم لج ديفا غلي خير انا دكتورتي احسها بارده كل ماقلت لها شي يعورتي واني تعبانه تقوول عااادي عاد هل ايام تعبت امثر لاني اطلع اجهزز ومشي

 

[Ranoon]

انا بعد بجر وحابه اتعلم واستفد من الاخوات

اكيد برضعه طبيعي
بس لازم الاحتياط تجيب وتشتري رضاعات ..

 

[Galb.sh]

كل ساعتين ٦٠ ملي واذا نايم ؏ـادي خليه مو تقعدينه عشان حليب !!
ماي فريب من المستوصف اذا احتجتيه للغازات
والرضاعه الطبيعيه مفيده ومتعبه بس رضعي خصوصا الماده الصفوه اللي تطلع باول جم يوم
وبعد الاربعين بتزيدين الرضعه وترى ع العلبه الحليب مكتوب جم الياهل يحتاج بس هم ؏ـادي اذا حسيتي ان مثلا ولدج يشبع بكميه اقل من المكتوب
والماي عطيه شوي اذل حابه
والماي ينعطى ضروري لما يبدي الياهل ياكل ع ال٦ اشهررر
وانا جهاز التعقيم مالي من سنتر بوينت من ماركه جيكو
بطول اخذي اللي بو ٦٠ ملي ٢ و بطلين بو ١٢٠
والبطول ماركه جيكو حلو وبعدين بيجون
اما دكتور براون ساعه تغسلينه وثقيل البطل
عندج حليب بيبيلاك حلو والله يسسهل عليج